SANGRE DERRAMADA

É verán en Suecia, cando brilla o sol de medianoite e o longo inverno foi esquecido. Neste tempo máxico, unha sacerdotisa luterana, Mildred, é achada morta con signos de tortura na cidade de Kiruna. Mildred era unha declarada feminista, unha loitadora amada e odiada por igual. Está claro que non todos en Kiruna aceptan que unha muller sexa sacerdote, pero tres meses despois do brutal asasinato a policía segue sen ter unha pista. Rebecka Martinsson volve a Kiruna, o lugar onde creceu, a realizar unha xestión para o bufete de avogados de Estocolmo no que traballa. Con todo, pronto se ve envolvida neste misterioso caso: Anna-Maria Mella, a policía local de Kiruna, acode a Rebecka en busca de axuda; sabe que só ela é capaz de desenmascarar a escura verdade que esconden os habitantes desta xélida cidade.

A PAIXÓN DE ALEXANDRA

Alexandra é unha rapaza de primeiro de Bacharelato a quen lle gusta moito a lectura e a música da cantante islandesa Björk, afeccións nas que atopa no seu cuarto os seus mellores aliados á hora de construír un mundo paralelo onde vivir. A amizade con Eva, unha compañeira de clase que arrastra un pasado difícil, levaráa a descubrir en Internet a páxina de bookcrossing, un espazo web de persoas que liberan libros para que outras os atopen. Alexandra e Eva entrarán en contacto cun misterioso personaxe que, despois de anuncialo na rede, abandona nos cafés libros da poeta arxentina Alejandra Pizarnik. A lectura desta autora muda a maneira de ver as cousas de Alexandra que, mentres investiga a verdadeira identidade do personaxe, irá descubrindo os segredos da súa nova amiga. A paixón de Alexandra do escritor catalán, nacido en Betanzos, Xulio Ricardo Trigo, é unha historia emocionante que nos fala dos misterios que todos levamos dentro e de como podemos compartir con outras persoas as paixóns máis secretas.

MEXILLÓNS PARA CEAR

Un relato de Birgit Vanderbeke que deixa sen alento.
A novela mostra a relación entre os mozos, as normas morais e a violencia doméstica a través das vivencias dunha familia modelo alemá.
A novela narra, na voz da filla maior, a espera ao pai, en viaxe de negocios, para o que prepararon a súa cea preferida. Ante o seu atraso, a medida que van pasando as horas, organízase unha especie de "revolta" que pon en cuestión todos os valores da vida tradicional. A ausencia do pai acaba provocando unha reacción de liberación do resto de membros da familia e dá pé a un replanteamiento das normas morais nunha noite que será histórica.

GABRIELA, CLAVO Y CANELA

Gabriela, unha fermosa mulata analfabeta, fuxindo do campo e da miseria en busca dunha vida mellor, trasládase a Ilhéus. Unha urbe do Estado brasileiro de Baía, transformada súbitamente pola riqueza do cacao naquel 1925, «cando florecían os cultivos nas terras abonadas con cadáveres e sangue e multiplicábanse as fortunas, cando o progreso establecíase transformando a fisonomía da cidade». Gabriela establece relación con Nacib, un pintoresco comerciante de orixe árabe, solteiro empedernido, que garda os atributos do bo fenicio. O amor desenfreado entre a sensual Gabriela e o pragmático Nacib entrelázase coas vivencias das irmás Reis e do sempiternamente namorado profesor Josué. Un cúmulo de paixóns humanas nun abigarrado marco rebosante de sensualidade e colorido, que ten por transfondo a loita encarnizada entre o «coronel» Raimundo Bastos e Mundinho Falçao, a tradición e a modernidade.
Gabriela, cravo e canela, a través do eixo central dunha sinxela e divertida historia de amor, constitúe unha crónica do Ilhéus de principios do século xx, centro da zona cacaotera brasileira, na que se librou unha violenta loita pola conquista da terra e a defensa da dignidade humana entre o campesinado e os «coroneis», os despóticos donos das plantacións, obrigados a ceder, non sen resistencia, ante o avance do progreso.
Publicada en 1958, Gabriela, cravo e canela representa o punto de inflexión de Jorge Amado, o paso a unha narrativa máis ambiciosa e aberta que, sen renunciar ao compromiso político da súa obra anterior, dá entrada ao pleno goce dun vitalismo e unha sensualidade profundamente ligados á cultura e aos costumes brasileiros, ao vitalismo da súa Baía natal.

EL SEÑOR DEL CERO

José Ben Alvar, un mozo cristián, vive en en Córdoba na época dos mulsulmáns, indo a unha escola onde lle chaman "Sidi sirf" (señor do cero) pola súa facilidade para o calculo.
Alí Ben Salomón, un mozo crente do islam de pai mercante que odia a José, foi a dicirlle ao cadí para que o castige por ser doutra relixión. O problema era que tiñan testemuñas, aínda que o cadí foi bondadoso e mandouno ás terras do norte, a un convenio chamado Santa Maria de Ripol. Alí coñeceu a Emma: Unha moza que desexa ser monxa nun convenio e Gerbert: Un mozo que estuda o catro ciencias en números romanos e a quen José ensinará os números árabes. No convenio estudábase igual que nos colexios e copiábanse e traducían libros.
Un día reciben a noticia de que Emma vaise a ter que casar cun súbdito do califa á forza, aínda que ama a José antes da voda mandaron a José ao soto para encerralo, pero Arnuf libérao, casa con Emma e lles dá diñeiro para empezar unha nova vida no mosteiro de Leyre.

20 ANOS DESPOIS

Nevermind é o segundo álbum da banda estadounidense Nirvana, publicado o 24 de setembro de 1991, un álbum que está considerado un dos mellores da Historia do Rock

Nevermind foi un sorprendente éxito a finais de 1991, en gran parte debido a "Smells Like Teen Spirit". (Pica no enlace para ver o famoso vídeo desta canción)

O grupo publicou outros exitosos discos, entre eles, no ano 1994 o titulado MTV Unplugged in New York, onde se poden escoitar cancións como esta que en su día compuxera o mítico David Bowie: "The man who sold the world", é dicir, "O home que vendeu o mundo"

Se queres saber máis desta banda de Seattle (por certo, cidade da que é orixinaria Cristine, a nosa lectora de inglés do curso pasado) pica no seguinte enlace: Nirvana.

Só mencionar aquí, que o seu cantante Kurt Cobain, toda unha lenda do rock, decidiu acabar coa súa vida pegándose un tiro cando soamente tiña 27 anos (esta é a versión oficial da súa morte, aínda que hai outras teorías...), sumándose así ao tristemente coñecido "Club dos 27", un club que forman famosos músicos que morreron a esa idade tan nova: Jimmy Hendrix, Brian Jones, Amy Winehouse, Janis Joplin e Jim Morrison. Todas esas mortes teñen un denominador común: o abuso de alcohol e drogas, que como vemos, sempre son malas compañeiras de viaxe.

Achégate á Biblioteca, aí temos un exemplar deste coñecido disco para que o poidas escoitar enteiriño, e así poderás facerche unha idea da música que escoitaba a mocidade de hai 20 anos...!!!

CAROLINA SE ENAMORA

Carolina é unha moza como as demais: quere facer máis cousas das que os seus pais lle permiten, a súa paga semanal nunca lle alcanza para todo o que lle gustaría, quere unha moto para poder moverse con liberdade e ten a cabeza chea de ideas propias que nunca encaixan coas dos adultos...

Alegre e optimista, a súa vida transcorre entre as súas amigas, coas que comparte os días e os soños, o instituto, os exames, as festas e a familia. Pronto chegarán os primeiros bicos, roubados na penumbra do portal, a música que soa sempre no momento adecuado e cuxa letra sempre parece contar a súa historia. E o amor? Como é o amor verdadeiro? Cando coñece a Massimiliano parece que a pregunta vai responderse ao fin, pero o que Carolina non sabe é que o amor tamén pode facer moito dano e que non está preparada para o que vai ocorrer...

Carolina namórase é unha viaxe a través dos sentimentos, é unha historia sobre a emoción que sente ao atopar o primeiro amor, sobre a dor, sobre a primeira desilusión, que chega sen avisar e déixache sen palabras, sobre a perda e sobre as múltiples e infinitas caras do amor.

LA DAMA DEL ALBA

Valiosa producción dramática de Alejandro Casona onde se narra un drama rural onde o amor e o torrente vital pugnan por impoñerse a dor e a morte

UNHA NOVA ANDAINA!!

Benvidos a neste novo curso, aqui comezamos unha nova andaina. Dende hoxe xa podedes vir a Biblio a facer as vosas reservas, recomendacións, peticións... asi que ..... preparade o carné de lectores.... e que o ritmo non pare!!