Blog da Biblioteca escolar do IES "Marco do Camballón"
Ler aliméntanos, esperta a nosa curiosidade e axúdanos a descubrir o mundo. Sigamos abrindo libros e novas portas ao coñecemento!
Que ben o pasamos o venres no IES! O tempo dedicado aos xogos pasou voando entre risas, diversión e momentos compartidos. E as castañas… estaban boísimas!
Aquí vos deixamos unha imaxe dalgúns dos momentos vividos nesta xornada tan especial.
Grazas a todas as persoas que participastes e fixestes posible este día! Ata o próximo magosto!
Hoxe o ximnasio do IES vaise encher de enerxía, risas, emoción e, sobre todo, moitas ganas de pasalo ben!
Os grupos xa están preparados e a expectación é máxima… 👀 A que nos tocará xogar? Cal será o primeiro reto? Quen conseguirá sorprendernos?
Hai nervios, curiosidade e moitas ganas de descubrir as propostas que agardan por nós. Porque o importante non será gañar, senón participar, colaborar, rir e crear bos recordos entre compañeiros e compañeiras.
Castañas, xogos e diversión: a combinación perfecta para celebrar o outono no noso IES!
Que comece a festa! Que hoxe o ximnasio sexa o escenario das nosas mellores xogadas!
Ven a visitarnos, consulta as novidade e déixate sorprender polo teu próximo libro, porque cada libro é unha porta aberta a un novo mundo.
Agardámoste na biblioteca
Estamos chegando ó centro de Santiago, tralas pertinentes indicacións da profesora organizadora da actividade, baixamos preto do casco histórico, e poucos pasos despois mediante unha galería alcanzamos a sala onde vai ter lugar o evento. Unha pequena introdución das humildes características da empresa e da obra, realizada amablemente polo persoal do lugar, precede ó visionado do filme.
Un producto de ficción froito dun traballo moi riguroso de documentación e de arte, aínda que con persoas reais e acontecementos históricos que se entremezclan, xunto cunha excelente fotografía e banda sonora estremecedora, envolve ó espectador en torno a tres liñas argumentais cun, canto menos notable común denominador, quen sabe se máis. Esa información queda relegada a futuros espectadores e espectadoras, por aquelo de non facer spoiler.
Unha produción na que se reflexa drama, literatura, historia, incluso con algún pequeno toque humorístico, e que representou e segue representando o cine español alén das nosas fronteiras, sendo canto menos, didáctica e moi digna de ver.
É preciso destacar ó impecable comportamento do alumnado na actividade extraescolar, tanto durante o visionado do filme como antes e despois. Así dá gusto levalos a estas actividades.
Coa mirada posta na próxima celebración do Mes da Ciencia, o alumnado de Cultura Científica de 1º de Bacharelato púxose na pel de pequenos investigadores e investigadoras para descubrir a vida e o traballo de grandes científicos e científicas, así como as súas achegas á sociedade.
