Mostrando entradas con la etiqueta 1º ESO. Mostrar todas las entradas
Mostrando entradas con la etiqueta 1º ESO. Mostrar todas las entradas

miércoles, 28 de octubre de 2026

Unha biblioteca por descubrir, mil aventuras por vivir!

Con motivo do Día das Bibliotecas, o alumnado de 1.º da ESO participou nunha sesión de formación de usuarios moi especial. Pero desta volta, a aprendizaxe veu acompañada de misterio, emoción e moitas ganas de descubrir! 

A través dun scape room, os nosos rapaces e rapazas convertéronse en investigadores, exploradores e viaxeiros, tres equipos con diferentes misións e un obxectivo común: percorrer todos os espazos da biblioteca, explorar cada recuncho e descubrir os segredos que agocha.

Seguindo pistas, resolvendo enigmas e traballando en equipo, aprenderon a orientarse na biblioteca, a coñecer os seus recursos e a descubrir todo o que este espazo lles pode ofrecer. Porque para coñecer unha biblioteca non abonda con abrir a porta: hai que deixarse levar pola curiosidade, atreverse a explorar e ter ganas de atopar novas historias.

Celebrar o Día das Bibliotecas é tamén lembrar que cada libro agocha unha oportunidade, cada páxina pode abrirnos unha porta e cada lectura pode cambiar a nosa maneira de mirar o mundo.

E se hai algo que queremos que quede desta aventura, é que ler nos fai medrar.


viernes, 23 de octubre de 2026

Celebramos o Día das Bibliotecas cunha aventura moi especial!


Temos todo listo para vivir unha aventura moi especial!

O alumnado de 1.º da ESO e de 1.º dos ciclos formativos  de Solca e A


tención a dependencia está a piques de descubrir a biblioteca dun xeito diferente, divertido e cheo de sorpresas: a través dun scape room no que a curiosidade, o traballo en equipo e a resolución de enigmas serán os grandes protagonistas.

O obxectivo? Coñecer mellor a nosa biblioteca, descubrir todo o que nos ofrece e aprender que entre libros, recursos e espazos por explorar agóchase un mundo cheo de posibilidades.

Será unha oportunidade para investigar, pensar, colaborar e, sobre todo, demostrar que aprender tamén pode ser unha aventura. Porque a biblioteca non é só un lugar onde atopar libros: é un espazo para descubrir, compartir, imaxinar e deixar voar a creatividade.O reto está preparado, as pistas agardan e a aventura está a piques de comezar.

Estades preparados e preparadas para abrir a porta ao coñecemento? A biblioteca agarda por vós!

Que comece o xogo!

viernes, 2 de octubre de 2026

Comeza a conta atrás para o Entroido!

 A pouco menos de tres meses para o Entroido, toca poñerse mans á obra: hai que preparar os disfraces, os discursos e, sobre todo, ir aprendendo a vivir unha tradición que queremos manter viva.

Por iso, na nosa Escola de Xenerais do Ulla, contamos con Suso Leal, que nos achegou as primeiras nocións e nos explicou como podemos comezar a preparar os discursos  do alumnado de 1º ESO e a súa participación na Vellada.

Na charla estiveron tamén representantes das asociacións de entroido de Merza, Piloño e Salgueiros, así como Noemí Loisa, concelleira de Benestar Social, Deporte e Sanidade, que quixo acompañarnos neste primeiro paso.

E xa temos vellada para o Entroido!

A conta atrás comezou. Agora toca aprender, ensaiar e poñerlle moita ilusión. Que viva o Entroido e que viva a tradición!


jueves, 1 de octubre de 2026

Encéndense os micros!


Hoxe é un deses días nos que as aulas habituais se transforman en algo máis e a maxia da comunicación éncheo todo. Temos o enorme pracer de contar no noso centro cun convidado de luxo: Damián Alonso, recoñecido actor de dobraxe, comunicador e formador da prestixiosa asociación Ponte…nas ondas!.

O alumnado de


1º da ESO vai vivir unha xornada absolutamente emocionante converténdose en xornalistas, locutores e técnicos por un día. Deixamos de lado os cadernos por unhas horas para mergullarnos de cheo no apaixonante mundo da radio e do podcast.

Que imos aprender hoxe?

Coa enerxía e experiencia que caracterizan a Damián, os nosos mozos e mozas aprenderán as claves esenciais para facer radio dende dentro:

• A maxia da voz: Como modular o ton, traballar a dicción e perder o medo escénico diante dun micrófono.

• Detrás do micro: O deseño de guións e escaletas para que os programas teñan ritmo e enganchen.

• Control técnico: Como manexar os aparellos, controlar os volumes e facer que a música e os efectos sonoros flúan en directo.

A emoción xa se respira nos corredores. Para moitos deles e delas é a primeira vez que se enfrontan a un micrófono profesional, e a mestura de nervios, risas e creatividade promete deixarnos contidos espectaculares.

Grazas a iniciativas coma as de Ponte…nas ondas!, o noso alumnado non só aprende a usar as ferramentas técnicas da radio escolar, senón que tamén desenvolve competencias clave como a expresión oral, o traballo en equipo e o respecto polo noso patrimonio lingüístico e cultural.

Ficade moi atentos ao blog e ás nosas redes, porque moi pronto compartiremos os audios e podcasts resultantes desta intensa e emocionante xornada de gravación.

¡Silencio no estudio, que estamos no aire! 


lunes, 28 de septiembre de 2026

Comezamos a nosa aventura na radio!

Unha nova etapa, novas voces e moitas historias por contar! O alumnado de 1º da ESO  de Relixión deu os
seus primeiros pasos no mundo da radio cunha actividade moi especial: un bingo de presentación.
Pero este non era un bingo calquera... As súas casillas estaban cheas de preguntas e pequenos retos que lles permitiron coñecerse mellor, descubrir afinidades e compartir experiencias cos seus novos compañeiros e compañeiras.

Entre risas, preguntas e respostas, fomos descubrindo que detrás de cada nome hai unha historia, unha afección, un soño e moitas cousas que compartir. E así, dun xeito sinxelo e divertido, comezamos a construír algo fundamental: un grupo no que todos e todas teñan a súa voz. Despois deste primeiro achegamento, tamén comezamos a falar de Relixión, dunha maneira aberta, próxima e participativa. Porque aprender Relixión non é só coñecer conceptos: é tamén preguntarnos, dialogar, escoitar outras persoas, coñecer diferentes formas de entender o mundo e reflexionar sobre aquilo que nos fai ser quen somos. E que mellor maneira de comezar que diante dun micrófono?
A radio será, ao longo do curso, unha oportunidade para investigar, crear, preguntar, pensar, expresarnos e perder o medo a falar en público. Cada programa será unha pequena aventura e cada voz terá algo que achegar.
Hoxe comezamos cun bingo. Mañá... quen sabe ata onde nos levará a nosa voz?
Benvidos e benvidas á radio de 1º ESO! Que comece a aventura!

viernes, 12 de junio de 2026

Os animais toman os corredores do instituto

O alumnado de 1º da ESO, na materia de Bioloxía e Xeoloxía coa profesora Ana, levou a cabo unha interesante actividade sobre o mundo dos animais.

Ao longo das últimas semanas, traballaron diferentes aspectos relacionados cos seres vivos: a clasificación dos animais, as súas características, os seus hábitats e curiosidades sorprendentes. Como resultado deste traballo, elaboraron uns murais moi completos e creativos que reflicten todo o aprendido na aula.






Unha vez rematados, estes traballos foron expostos nos corredores do instituto, enchendo os espazos de cor, información e ciencia. Deste xeito, non só o alumnado participante puido amosar o seu esforzo, senón que tamén o resto da comunidade educativa pode gozar e aprender con eles.




Parabéns ao alumnado de 1º da ESO polo seu traballo e á profesora Ana por promover este tipo de actividades tan motivadoras!










 

miércoles, 3 de junio de 2026

Eclipse Solar

 Hoxe o IES Marco do Camballón contou coa visita do astrofísico Eduardo Ojero Pascual, que impartiu unha interesante charla ao alumnado de 1º da ESO e 1º de Bacharelato. Durante a sesión, explicou diferentes aspectos do Sistema Solar e achegou curiosidades sobre os seus corpos celestes. Tamén dedicou unha parte da intervención ao eclipse solar que terá lugar o vindeiro 12 de agosto, explicando as súas características e a mellor maneira de observalo con seguridade. O alumnado participou con interese e puido resolver dúbidas sobre este fenómeno astronómico. A actividade resultou moi enriquecedora e contribuíu a espertar o interese pola ciencia e a astronomía. 



Desde o IES Marco do Camballón queremos agradecerlle a Eduardo a súa disposición e colaboración, así como a súa capacidade para achegar o coñecemento científico ao noso alumnado dunha forma amena e motivadora.











martes, 12 de mayo de 2026

Menores nin unha pinga!

O alumnado de 1º e 3º da ESO participaron hoxe no obradoiro "Menores nin unha pinga", que trata de previr o consumo de alcohol en menores. 


viernes, 8 de mayo de 2026

As mulleres do volframio

 Seguindo coas actividades do Proxecto "As mulleres do volframio", o alumnado de 1º ESO coñeceu o traballo das mulleres da minas de Fontao, vendo o documental "A luz do negro", de Encarna Otero. A través do relato de varias das veciñas que traballaron nas minas puideron facerse unha idea do que supuxo esta actividade no noso concello. Estas actividades están enmarcadas no Proxecto "Donas de si".






martes, 28 de abril de 2026

Visita á Fundación Paco Lareo

O alumnado de 1º de ESO de Relixión, visitou onte a Fundación Paco Lareo.
Da man de Carmen Lareo, presidenta da Fundación, coñeceron as obras de distintos artistas que están expostas na Solaina. Tamén  descubriron a figura de Paco Lareo, as actividades da fundación e o seu importante papel como foco cultural e dinamizador do rural.
Queremos agradecer a Carmen Lareo a súa acollida e amabilidade!





Apadriñamento lector

O alumnado de Relixión de 1º de ESO acudiu onte ao CEIP Plurilingüe Cerdeiriñas de Piloño a realizar un apadriñamento lector. No patio do centro leron contos ao
alumnado de infantil que estivo moi atento e interesado nas historias que os seus padriños e madriñas maiores contaban.
A continuación, na biblioteca do centro, realizaron unha actividade en torno á









lectura. Fixeron unhas árbores moi fermosas. Nos troncos escribiron os seus nomes e pintaron debuxos alusivos aos contos, creando así o bosque dos libros!
Foi unha xornada moi especial na que compartimos historias e experiencias! Moitas grazas ás profes de infantil polo seu traballo e implicación!

jueves, 23 de abril de 2026

Obradoiro de dixitalización: a fenda dixital

 Hoxe o alumnado de 1º da ESO tivo unha visita moi especial! Veunos ver Carla, unha antiga alumna que actualmente estuda Pedagoxía. Xunto con varios compañeiros/as da súa clase desenvolveron un obradoiro de dixitalización sobre a brecha dixital na aula do primeiro curso.

Foi unha actividade práctica onde a rapazada puido aprender sobre a fenda dixital, as súas causas, consecuencias, tipos....e no que se estimulou a reflexión e o pensamento crítico sobre o tema. Mesmo durante a realización dos traballos grupais, a rapazada puido comprobar as vantaxes e desvantaxes de ter ou non acceso á rede e medios dixitais.  

O profesorado e o alumnado só podemos dar as grazas por esta clase tan especial e desexarlle moita sorte a estes futuros pedagogos/as!


lunes, 20 de abril de 2026

Compartindo contos, creando ilusións. Apadriñamento lector

 



O alumnado de 1º de ESO da materia de Relixión visitou hoxe ao alumnado de infantil do colexio A Nosa Señora da Piedade para compartir unha fermosa xornada de lectura.




Durante a mañá, pequenos e maiores gozaron de contos, xogos e momentos de convivencia que encheron o parque de ilusión e sorrisos. Esta actividade permitiu non só fomentar o gusto pola lectura, senón tamén fortalecer valores como a empatía, o coidado dos demais e a colaboración.





Queremos agradecer ás profes de infantil a súa acollida e o seu excelente traballo, que fixeron desta experiencia un recordo moi especial para todo o alumnado