Enquisa

 

Begoña Caamaño

 

O alumnado de 2º de ESO está realizando un traballo de investigación sobre a figura de Begoña Caamaño na clase de Lingua Galega, coa súa profe Carmen Frade.

Os traballos serán expostos na biblioteca durante esta semana.

Begoña Caamaño

 

Saúde mental

Rematamos os obradoiros de saúde mental da man da Asociación Fonte da Virxe. Desta volta abordamos o autocoñecemento, autoestima e dereitos asertivos en 4º da ESO e 1º de CM Soldadura, onde tamén se abordou a saúde mental no traballo e habilidades sociais. Velaquí algunhas fotos das sesións.

En plan ben: educación afectivo-sexual

Continuamos coa participación no programa da Deputación de Pontevedra "En plan ben: aulas saudables, que trata de promover a saúde mental e benestar emocional a través de distintas temáticas.
Desta volta, o alumnado de 4º ESO reflexiona sobre as consecuencias do uso da pornografía e outras violencias sexuais, rematando a participación no programa.

Teatro foro: o consumismo

Por fin chegou o día! Tras os últimos ensaios, o pasado 10 de abril presentamos o recurso didáctico sobre consumismo creado polo alumnado de 3º ESO e PDC. Unha peza composta por 11 escenas nas que o alumnado deu forma e vida a distintas posibles situacións arredor do tema central. Ademais, prepararon o atrezo, carteis con debuxos e un manifesto a favor do consumo responsable para concienciar aos
compañeiros/as de 2º ESO, que se converteron en espec-actores e espec-actrices!
E iso non é todo! A sesión estivo amenizada pola música do ukelele e mesmo cantamos todos xuntos a modo karaoke a prol dunha forma de vida menos materialista e consumista.

Nas ligazóns podedes ver como foron os ensaios finais e a representación da peza. Sen dúbida, unha experiencia moi enriquecedora que non deixou indiferente a ninguén. Con gañas de repetir, damos as grazas a todas as persoas colaboradoras, especialmente ao alumnado pola súa participación e implicación, ao profe Rubén polas súas ideas e melodías e a Ramón por darnos a coñecer o teatro foro e por facelo posible!

Menores nin unha pinga!

O alumnado de 1º e 3º da ESO participaron hoxe no obradoiro "Menores nin unha pinga", que trata de previr o consumo de alcohol en menores. 

As mulleres do volframio

 Seguindo coas actividades do Proxecto "As mulleres do volframio", o alumnado de 1º ESO coñeceu o traballo das mulleres da minas de Fontao, vendo o documental "A luz do negro", de Encarna Otero. A través do relato de varias das veciñas que traballaron nas minas puideron facerse unha idea do que supuxo esta actividade no noso concello. Estas actividades están enmarcadas no Proxecto "Donas de si".

A minas de Fontao

 

Presentación dos traballos das Minas de Fontao, unhas das actividades de investigación do proxecto interdisciplinar "As mulleres do volframio", a  proposta coa que o noso centro participa no Proxecto "Donas de si" coordinado por Carmen Frade.

Día do orgullo e da diversidade

Hoxe celebramos o día do orgullo e a diversidade. Despois de ver os últimos capítulos da serie Heartstopper baixamos ao ximnasio onde o alumnado de Bacharelato leu un manifesto. Tamén tivemos actuacións de canto, baile e regueifa. Para rematar asistimos a unha actuación de @lashermanasdefan o no auditorio municipal. 

Foi unha celebración da liberdade que puxo en valor a riqueza que achega a diversidade á sociedade. Unha xornada para lembrar a importancia do respecto, a igualdade e a inclusión. 

En Plan Ben

 O alumnado de 4º ESO participou esta semana no programa da Deputación de Pontevedra "En plan ben: aulas saudables", que trata de promover a saúde mental e benestar emocional a través de distintas temáticas.

Neste primeiro obradoiro abórdase de xeito práctico e interactivo a prevención, educando sobre a utilización de substancias e condutas abusivas.

Reflexionamos sobre a presión grupal e os influxos sociais (publicidade, redes sociais...) e a súa relación coas condutas abusivas, con e sen substancia, adquirindo habilidades sociais e de afrontamento destas influenzas.

Visita á Fundación Paco Lareo

O alumnado de 1º de ESO de Relixión, visitou onte a Fundación Paco Lareo.
Da man de Carmen Lareo, presidenta da Fundación, coñeceron as obras de distintos artistas que están expostas na Solaina. Tamén  descubriron a figura de Paco Lareo, as actividades da fundación e o seu importante papel como foco cultural e dinamizador do rural.
Queremos agradecer a Carmen Lareo a súa acollida e amabilidade!

Apadriñamento lector

O alumnado de Relixión de 1º de ESO acudiu onte ao CEIP Plurilingüe Cerdeiriñas de Piloño a realizar un apadriñamento lector. No patio do centro leron contos ao
alumnado de infantil que estivo moi atento e interesado nas historias que os seus padriños e madriñas maiores contaban.
A continuación, na biblioteca do centro, realizaron unha actividade en torno á

lectura. Fixeron unhas árbores moi fermosas. Nos troncos escribiron os seus nomes e pintaron debuxos alusivos aos contos, creando así o bosque dos libros!
Foi unha xornada moi especial na que compartimos historias e experiencias! Moitas grazas ás profes de infantil polo seu traballo e implicación!