Mostrando entradas con la etiqueta Bioloxía. Mostrar todas las entradas
Mostrando entradas con la etiqueta Bioloxía. Mostrar todas las entradas

jueves, 29 de octubre de 2026

Quen está detrás dos grandes descubrimentos científicos?

 Coa mirada posta na próxima celebración do Mes da Ciencia, o alumnado de Cultura Científica de 1º de Bacharelato púxose na pel de pequenos investigadores e investigadoras para descubrir a vida e o traballo de grandes científicos e científicas, así como as súas achegas á sociedade.


E a actualidade púxonolo aínda máis doado! A coincidencia da actividade coa entrega dos premios Nobel de 2026 espertou a curiosidade do alumnado e animou algúns estudantes a investigar sobre estes prestixiosos galardóns, incluíndo entre os seus traballos un dos premios concedidos nesta edición.








 

jueves, 25 de junio de 2026

Proxecto Ríos: Toiriz

 

Durante o mes de maio o alumnado de 4º ESO e 1º de Bacharelato participou nunha andaina a Toiriz enmarcada no Proxecto Ríos. Guiados por Alberto, chegamos á area recreativa, donde os nosos rapaces e rapazas estudaron a fauna, a flora e calidade da auga.  Durante a xornada leváronse a cabo análises en situ, por exemplo, do pH e da concentración de sulfatos e nitratos. Estas análisis completáronse con outras no laboratorio do centro, nas

que se determinaron, entre outros, os cloruros. En fin, foi unha xornada de disfrute na que, ademais de fomentar a actividade física e o coidado do medio ambiente, se puxeron en funciamento capacidades científicas como a observación, a experimentación e extracción de conclusións.



viernes, 12 de junio de 2026

Os animais toman os corredores do instituto

O alumnado de 1º da ESO, na materia de Bioloxía e Xeoloxía coa profesora Ana, levou a cabo unha interesante actividade sobre o mundo dos animais.

Ao longo das últimas semanas, traballaron diferentes aspectos relacionados cos seres vivos: a clasificación dos animais, as súas características, os seus hábitats e curiosidades sorprendentes. Como resultado deste traballo, elaboraron uns murais moi completos e creativos que reflicten todo o aprendido na aula.






Unha vez rematados, estes traballos foron expostos nos corredores do instituto, enchendo os espazos de cor, información e ciencia. Deste xeito, non só o alumnado participante puido amosar o seu esforzo, senón que tamén o resto da comunidade educativa pode gozar e aprender con eles.




Parabéns ao alumnado de 1º da ESO polo seu traballo e á profesora Ana por promover este tipo de actividades tan motivadoras!










 

jueves, 26 de febrero de 2026

Proxecto Ríos: O Abeseiro

 
Tres profesoras dos departamentos de Bioloxía e Física e Química visitaron a área recreativa de Toiriz co fin de sentar as bases do Proxecto Ríos. 















Elexiron un treito de 100 m de río para inspeccionar co alumnado no mes de maio, e levar a cabo estudos sobre a calidade hidromorfolóxica, fisicoquímica e biolóxica das nosas augas. 






 Ademais, tomaron mostras de auga en diferentes zonas para o seu posteior análise no laboratorio escolar. Deste xeito, relacionamos as materias de índole científica coa súa realidade máis próxima, a vez que se espertan capacidades como a observación, a experimentación, o tratamento de datos e a extraccións de conclusións.




martes, 4 de noviembre de 2025

Mes da ciencia en galego

 


O pasado xoves o alumnado de 2º ESO e de PDC (3º ESO) creou caras terroríficas para celebrar o Samaín. 

Algúns grupos puxéronlle nomes con moito flow (véxase NAO, Lolalolain ou Arcoiris modo Bad Gyal), mentres que outros optaron por nomes máis tradicionais, como Budiño ou Adolfa. 




Que como as crearon? Pois empregando ingredientes ben coñecidos das nosas cociñas: vinagre, bucarbonato sódico, colorante alimenticio e xabón líquido. 

A mestura do vinagre e do bicarbonato deu lugar a unha reacción química que se manifestou a través dun desprendemento de CO2 e da formación de espuma. 

Velaí tedes o resultado. A que estades agardando para facer as vosas?










miércoles, 19 de febrero de 2025

Experimenta coas túas propias mans. Día Internacional da Muller e da Nena na Ciencia

 



O pasado martes, día 11 de febreiro, conmemorouse o Día Internacional da Muller e da Nena na Ciencia, e que mellor forma de celebralo que invitar ao alumnado a que experimenten coas súas propias mans! 

Nesta ocasión, acudimos ao laboratorio co alumnado de 1ºESO para analizar diversas mostras aportadas por eles e elas mesmos. 







Vimos varias especies de liques e falamos da súa importancia como bioindicadores da contaminación;






observamos coa lupa os mofos nunha laranxa e nunha mazá e afondamos na importancia de descartar alimentos que non se atopen en bo estado; coa axuda do microscopio, puidemos ver como de rápido se dividen os lévedos que usamos nos nosos fogares para elaborar pan; analizamos mostras de auga estancada onde localizamos protozoos, algas unicelulares,...; tamén puidemos ver moas do xuízo e os efectos que causan sobre elas as caries, afondando nos hábitos saudables e coidado do noso corpo; e incluso puidemos observar o crecemento de bacterias en placas logo de que o alumnado de bacharelato recollese mostras en distintas partes do instituto. 

Con esta actividade de laboratorio puidemos repasar varios reinos dos seres vivos e as súas características, ao mesmo tempo que desfrutamos e igual ata espertamos a curiosidade dalgún/ha posible científico/a! 

martes, 14 de enero de 2025

Impacto do cambio climático na poboación


O alumnado de 4º de ESO e 1º de BAC da materia de economía e Bioloxía asistiu a unha charla

sobre o impacto do cambio climático na poboación. Na actialidade un gran número de persoas

vense obrigadas a abandoar os seus fogares a consecuencia do cambio climático. Secas,

inundacións ou vagas de calor son algúns dos fenómenos que ocasionan esta situación. A charla,

impartida por unha profesora de USC, tamén analizou a importancia dos proxectos de

sustentabilidade ambiental que se están a desenvolver na actualidade.

martes, 8 de octubre de 2024

O ADN

 O noso alumnado de 4ºESO que cursa a materia de Bioloxía e Xeoloxía acudiu ao laboratorio para realizar unha actividade moi doce...

Logo de traballar os contidos correspondentes durante as sesións de clase, puideron elaborar eles mesmos un modelo sinxelo do noso ADN. Para isto empregaron gominolas de diversas cores. 

Ao remate da actividade e unha vez creados os modelos do noso manual de instruccións, o ADN, todos e todas puidemos saborear as nosas bases nitroxenadas...é dicir...as gominolas!






jueves, 3 de octubre de 2024

Visitamos o laboratorio de Bioloxía




O alumnado de 1ºESO do noso centro acudiu ao laboratorio de Bioloxía e Xeoloxía a realizar unha práctica de identificación de exemplares de minerais e rochas. Con esta actividade puideron afondar e afianzar os contidos traballados durante as sesións de clase dunha forma máis práctica e divertida!

Os resultados foron estupendos! Os diferentes equipos lograron identificar un total de 12 exemplares (6 minerais e 6 rochas) nun tempo récord!

 





viernes, 22 de marzo de 2024

V Olimpíada Científica Xuvenil Española (OCJE)


 Alumnado de 2º e 3º de ESO, participando na V Olimpíada Científica Xuvenil Española (OCJE). Este é un certame científico interdisciplinario e colaborativo, aberto a equipos de 2 estudantes .

 O alumnado terá que combinar os seus coñecementos de matemáticas, física, química, xeoloxía e bioloxía, poñendo a proba as súas habilidades dedutivas e pensamento creativo.

martes, 15 de noviembre de 2022

Facendo Ciencia

 Continuamos coa semana da ciencia observando mostras de auga estancada da nosa contorna. Nelas puidemos visualizar nos microscopios, os seres unicelulares movéndose libremente na auga colocada nos portaobxectos. O alumnado de 1º de ESO quedou impresionado coa cantidade de vida que hai nunha gota de auga.




lunes, 14 de noviembre de 2022

Mes da ciencia

 Durante toda esta semana o alumnado de 1º ESO estivo facendo experimentos na aula e nos corredores. Estiveron traballando varios aspectos: Densidade, Capilaridade, tensión superficial e o ciclo da auga. Se non tivestes oportunidade de velos, esta semana volven a estar para mostrarnos estes sorprendentes experimentos.




lunes, 7 de noviembre de 2022

Mes da Ciencia en Galego



Todo preparado para que arranque o mes da Ciencia no Camballón. Esperámosvos nos recreo no corredor, cunha chea de sorpresas!!



lunes, 14 de mayo de 2018

Unha de morcegos!!


O venres 11 de maio visitounos a bióloga Tamara Casal, membro da asociación Morcegos de Galicia,  que leva a cabo accións de investigación, divulgación e conservación de morcegos dentro do proxecto “Morcegos de Galicia”.
Tamara deunos unha charla á que asistiu alumnado de 1º, 3º e 4º de ESO. Nela falounos dos distintos tipos de morcegos, dos seus hábitats, da súa alimentación, do número de especies (en Galicia viven 23 especies diferentes!) e dos mitos falsos que circulan acerca deles e que fan que moita xente os vexa con malos ollos. Tamén nos falou da ecolocalización e mostrounos algúns dos utensilios de que botan man os investigadores cando fan o seu traballo de campo.
O contido da charla completouse coa exposición duns paneis informativos que nos facilitou a asociación.
Aquí vos deixamos unha ligazón á páxina da asociación onde podedes atopar máis información,
                                   http://www.morcegosdegalicia.org
e unha suxestión de lectura: o libro de relatos sobre morcegos El dilema de Spallanzani, escrito por Roberto X. Hermida, membro destacado da asociación, biólogo e lector empedernido que falando da súa infancia nos ofrece unha fórmula infalible para pasar a nenez máis divertida posible e poñer os alicerces para unha idade adulta plena: que a infancia transcorra lendo e xogando na natureza.

jueves, 26 de enero de 2017

Visita a Compostela

No día de hoxe, tivemos unha xornada moi especial polo alumnado de 2º Bacharelato e de 1º de ESO, xa que os maiores do IES foron os encargados de impartir unha clase de Historia do Arte na fachada de Platería da Catedral compostelana. Marina e Brais fixeron unha presentación de diferentes relatos e/ou personaxes bíblicos ao alumnado de 1º de ESO.
O alumnado de 2º de BAC explicou o Pórtico da Gloria e visitou as cubertas da Catedral, a Facultade de Xeografía e Historia e o Museo das Peregrinacións.
Os de 1º de ESO percorreron a zona vella. Foron ata a Porta do Camiño subiron pola rúa Casa Reis buscando os distintos escudos, pasando polo iglesia das Ánimas o arquivo da Universidade ata o Plaza de Cervantes. Visitaron o Arco de Mazarelos e despois dirixíronse a Quitana para poder ver a de Vivos, a de Mortos e a Porta Santa. Tamén estiveron no Obradoiro e na Plaza da Acibechería. Posteriormente foron a Vista Alegre ao museo de Historia Natural da Universidade.

viernes, 25 de noviembre de 2016

A ciencia no Camballón

Durante este mes de novembro, o departamento de Bioloxía estivo facendo varios traballos de investigación no laboratorio co alumnado de 1º de ESO. Traballaron o manexo do microscopio óptico para logo levar a cabo varias prácticas. A que máis lle chamou a atención foi a que fixeron con algas e protozoos. Aquí vos deixamos o vídeo da próxima xeración de biólogos e biólogas do Camballón!