Cóntame un conto!

O departamento de lingua e literatura galega, estivemos a traballar a Oralidade co proxecto "Cóntame un conto" da Fundación Antonio Fraguas e o Museo do Pobo Galego. Recollemos contos e voltamos contalos! E hoxe fomos á gala de fin de festa, no Teatro Principal de Compostela.

 

Apadriñamento e amadriñamento lector en Nosa Señora da Piedade

 

Hoxe fixemos o apadriñamento e amadriñamento lector co alumnado do CEIP Nosa Señora da Piedade de Vila de Cruces. O alumnado de 1º de ESO de ITI, leron 4 libros ao alumnado de Infantil.

Traballo coas redes

 

Os alumnos/as de 2ºESO ficeron este traballo coas redes sociais e viron que se poden utilizar en positivo e que hai informacións interesantes que poden poñer ou consultar nas redes.

Info Instagram

Read more publications on Calaméo

Cooperativismo no ensino

 

Hugo Tato, Damián Torres e Nicolás Sueiro, alumnos do 2º curso de SOLCA resultaron gañadores do Accésit ao proxecto finalista coa súa proposta de empresa "Contorno Accesible" e recibirán un premio económico de 3.500€.
Este certame, organizado pola Consellería de Emprego e igualdade, ten como obxectivo promover o cooperativismo entre o alumnado impulsando a realización de actividades de fomento do cooperativismo nos centros educativos.
A idea de negocio presentada polos alumnos é a creación dunha carpintería metálica especializada na fabricación de ramplas, varandas e outras solucións para eliminar as barreiras arquitectónicas para persoas con mobilidade reducida, para que así poidan mellorar a súa calidade de vida e ver aumentada a súa autonomía persoal.

Encontro Club Lectura

Encontro co club de lectura do CPI de Vedra. Estas son algunhas das creacións literarias que realizamos a partir dunha carta do xogo Dixit!

Logos de Mediación

Aquí tedes algúns dos logos para Mediación.

 

Cam Scanner 05 19 2022 10 59

Leer más publicaciones en Calaméo

Quinto volume de Marco Numérico

 

Quinto volume de Marco Numérico, a nosa publicación matemática!!! Parabéns para todo o alumnado e profesorado que participou!!! 

Son das Cruces: Toiriz

 No día de hoxe emprendemos unha nova viaxe polo noso concello, neste caso da man de Anais, Cosme, Lucía e Laura. Eles foron os encargados de facer audicións aos maiores de Toiriz e así descubriron unha inscripción na Ponte, as festas do río, a feira,  as lendas, da posibilidade dun mosterio pola toponimía da aldea, dun oficio esquecido: fiadeiras de liño, grandes casas de labranza, soutos... 

Agradecer a este alumnado de Relixión por poñer por escrito a historia desta aldea e de que non quede no esquecemento.

Venta de bolsas solidarias

 

 

Recordade que seguimos co proxecto bolsas solidarias!! Podes comprar a túa durante os recreos da vindeira semana!!

Son das Cruces: Cruces

 Ainara, Andrea, Lucía e Aldara puxeron en marcha a  información recollida polos nosos maiores que naceron en Cruces de Besexos. Partiron do lugar do Camballón, pasaron polo Marco, o Laberco,as Covas, o Vilar e remataron nas Cruces de Besexos. Situaron o Cruceiro no sei lugar orixinario, o antigo Cruceiro, as prazas,a fonte Vella...

Premios escritura rápida

 Hoxe entregamos os premios do concurso de escritura rápida, organizado durante a semana do libro. Parabéns para Tiziana, Rosmari, Yohana e Lucas polos seus traballos!!!

Onte fomos a Gres a levarlle música a Balbino e a Pepe Neira Vilas. Cantamos, fixemos festa e coñecemos mellor o autor de Memoria dun neno labrego. Un bonito día!

Anacos de Unto interpretada polo grupo de gaitas Luz do Ilicinio de Lestedo.

Proxecto "O poeta que baila"

 O alumnado do IES Marco do Camballón está a desenvolver o proxecto "O poeta que baila", sobre Florencio Delgado Gurriarán,  escritor homenaxeado no Día das Letras 2022. Este vídeo forma parte dun documental que está a realizar a produtora Arraianos, e no que aparecerán alumnas  e alumnos do Camballón.

 

Alumnado do IES Marco do Camballón from Arraianos on Vimeo.

Excursión a Madrid

 

 O alumnado de 4º de ESO estivo este fin de semana en Madrid. O venres visitaron o Teatro de Karpas, onde vironva obra "El perro del Hortelano"de Lope de Vega. Pasearon pola Gran Vía ata Cibeles. 

O sábado visitaron  as salas de Velázquez e Goya no Museo de Prado, recorreron os interiores do Palacio Real e as salas máis importantes, as salas de Picasso, Dalí e Miró no museo Reina Sofía e a noite asistiron ao musical de Grease.

Antes de voltar estiveron no metro e foron ao Parque Warner.

Etapa de Muxía e Fisterra

Hoxe o alumnado do IES Marco do Camballón e o alumnado de CEIP de Cerdeiriñas  participaron nunha actividade conxunta organizada polo departamento de Relixión de ambos centros sobre o Camiño de Santiago, en concreto da etapa Muxía- Fisterra. 

O alumnado de 1º e 2º de ESO resolveron algunhas cuestións prantexadas nun  tríptico sobre a ruta milenaria  que ofrece ao peregrino paisaxes únicas e unha viaxe chea de misticismo e lenda.

Premiados no concurso de Escritura Rápida

 Revisados os gañadores  do concurso de escritura rápida foron:

Martes 19:“Por qué chora se a guerra está lonxe?”- Rosmari

Mércores 20:“Había tempo que esta triste pero foi ao médico e só lle dixo que lle doía a cabeza”- Lucas

Xoves 21:“Cando chegue a casa non quero comer porque …”- Yohana

Venres 22:“Pasei correndo e non vin que…”- Tiziana

Parabéns aos ganadores e gañadoras!!

Aventura no Courel

 Aventura no Courel para o alunnado de 3ª ESO pasando por Lugo, Viladonga e Pobla do Brollón.

Proxecto bolsas solidarias

Os tendais no Camballón seguen medrando e expandindo polos corredores do centro. O alumnado está traballando a reo por unha boa causa, aqui expoñemos algunhas das creacións que seguen chegando a biblioteca.

Proxecto: A miña horta é túa

O alumnado de Fp Básica estivo hoxe na praza do concello para promocionar e botar a andar o proxecto A miña horta é túa, proxecto no que colaboramos coa Fundación Baiuca Verdescente.O alumnado fará unha toma de contacto coa poboación para poder animar á xente á que sexa voluntaria do proxecto.

O proxecto ten que ver coa recollida de excendentes de hortas que teña a xente particular e poder doar estes excedentes como produtos frescos a persoas que o precisan, ou que son usuarias da recollida de alimentos.

Este proxecto xa se leva a cabo en Silleda dende hai uns anos, pero este ano ponse a andar en Vila de Cruces.

Obradoiros sobre diversidade afectivo-sexual

 

Ao longo das dúas últimas semanas, o alumnado da ESO e FPB participou nunha serie de talleres, impartidos pola asociación Nós Mesmas. 

Conscientes de que a diversidade é unha realidade nos distintos ámbitos e aspectos da vida, e da importancia do respecto, visibilización e normalización como garantes da convivencia, no centro seguimos apostando por dar a coñecer as distintas realidades para favorecer o seu coñecemento e aceptación. 

Nas sesións afondouse sobre as distintas identidades e orientacións sexuais, a diferencia entre sexo e xénero, os esterotipos de xénero, a prevención do acoso lgtbifóbico e o papel da mocidade como motor de cambio. Asemade, en 4º da ESO e Formación Profesional Básica, ademais do anterior, profundizouse no aspecto histórico que sustenta a realidade LGTBI tal como a coñecemos hoxe en día e que fixo posible que se lograran avances na igualdade de dereitos das persoas do colectivo, se ben aínda queda camiño por percorrer.

Proxecto bolsas solidarias

 As creación do alumnado do Camballón xa está encendo os tendais da Biblioteca e dos corredores, aquí tedes algunhas delas, por se vos animades a mercar algunha. O obxectivo final é vender o maior número de bolsas para recadar fondos que serán enviados a Ucraína en forma de material sanitario.