Novidades para este frío

 Se estás buscando unha nova lectura para estes días fríos, cando apetece quedar na casa cunha manta e un bo libro, este é o momento perfecto para achegarse a biblioteca. Temos novidades!!

Ven a visitarnos, consulta as novidade e déixate sorprender polo teu próximo libro, porque cada libro é unha porta aberta a un novo mundo. 

Agardámoste na biblioteca

Unha ronda do séptimo arte: " La bola negra"

 Xoves 29 de outubro, nove menos cindo da mañá, o autobús agarda polos derradeiros un ou dous rezagados do alumnado de 4º da ESO, 1º e 2º de bacharelato, para dirixirmos á capital galega co obxectivo de ver a peli española do momento.

Estamos chegando ó centro de Santiago, tralas pertinentes indicacións da profesora organizadora da actividade, baixamos preto do casco histórico, e poucos pasos despois mediante unha galería alcanzamos a sala onde vai ter lugar o evento. Unha pequena introdución das humildes características da empresa e da obra, realizada amablemente polo persoal do lugar, precede ó visionado do filme. 

Un producto de ficción froito dun traballo moi riguroso de documentación e de arte, aínda que con persoas reais e acontecementos históricos que se entremezclan, xunto cunha excelente fotografía e banda sonora estremecedora, envolve ó espectador en torno a tres liñas argumentais cun, canto menos notable común denominador, quen sabe se máis. Esa información queda relegada a futuros espectadores e espectadoras, por aquelo de non facer spoiler.

Unha produción na que se reflexa drama, literatura, historia, incluso con algún pequeno toque humorístico, e que representou e segue representando o cine español alén das nosas fronteiras, sendo canto menos, didáctica e moi digna de ver.

É preciso destacar ó impecable comportamento do alumnado na actividade extraescolar, tanto durante o visionado do filme como antes e despois. Así dá gusto levalos a estas actividades. 

Quen está detrás dos grandes descubrimentos científicos?

 Coa mirada posta na próxima celebración do Mes da Ciencia, o alumnado de Cultura Científica de 1º de Bacharelato púxose na pel de pequenos investigadores e investigadoras para descubrir a vida e o traballo de grandes científicos e científicas, así como as súas achegas á sociedade.

E a actualidade púxonolo aínda máis doado! A coincidencia da actividade coa entrega dos premios Nobel de 2026 espertou a curiosidade do alumnado e animou algúns estudantes a investigar sobre estes prestixiosos galardóns, incluíndo entre os seus traballos un dos premios concedidos nesta edición.

 

Unha biblioteca por descubrir, mil aventuras por vivir!

Con motivo do Día das Bibliotecas, o alumnado de 1.º da ESO participou nunha sesión de formación de usuarios moi especial. Pero desta volta, a aprendizaxe veu acompañada de misterio, emoción e moitas ganas de descubrir! 

A través dun scape room, os nosos rapaces e rapazas convertéronse en investigadores, exploradores e viaxeiros, tres equipos con diferentes misións e un obxectivo común: percorrer todos os espazos da biblioteca, explorar cada recuncho e descubrir os segredos que agocha.

Seguindo pistas, resolvendo enigmas e traballando en equipo, aprenderon a orientarse na biblioteca, a coñecer os seus recursos e a descubrir todo o que este espazo lles pode ofrecer. Porque para coñecer unha biblioteca non abonda con abrir a porta: hai que deixarse levar pola curiosidade, atreverse a explorar e ter ganas de atopar novas historias.

Celebrar o Día das Bibliotecas é tamén lembrar que cada libro agocha unha oportunidade, cada páxina pode abrirnos unha porta e cada lectura pode cambiar a nosa maneira de mirar o mundo.

E se hai algo que queremos que quede desta aventura, é que ler nos fai medrar.

O xadrez volve ao recreo!

As pezas xa están sobre o taboleiro e as partidas volven encher de estratexia, concentración e compañeirismo os nosos recreos! 

Retomamos as partidas de xadrez, unha actividade na que aprender e divertirse van da man. Grazas á colaboración dos compañeiros e compañeiras máis expertos, quen está a dar os primeiros pasos pode aprender movementos, descubrir estratexias e mellorar pouco a pouco.

O recreo convértese así nunha oportunidade para pensar, anticiparse, tomar decisións e, sobre todo, gozar do xogo en boa compañía. Tanto se xa es un experto como se aínda estás aprendendo a mover as pezas, o taboleiro está aberto para todas as persoas que queiran xogar!


Anímate a participar, aprende dos demais e descubre todo o que podes gozar diante dun taboleiro.

O recanto de costura, en plena actividade!

O pasado venres, o recanto de costura estivo a tope!  Entre teas, agullas e moita creatividade, as mans puxéronse a traballar para dar vida a novas ideas. 

Porque coser tamén é compartir, aprender e desfrutar xuntas… e aquí non perdemos o fío! 

Seguimos cosendo momentos bonitos!