Xadrez

 O xadrez ten moitos seguidores na nosa biblio, tantos que estamos pensando en organizar un campionato!! Que vos parece? 

Le Tour du Monde de Nellie Bly

 

O alumnado de francés de 2º, 3º e 4º da ESO foron ver unha obra de teatro a Santiago de Compostela. Tratábase de "
Le Tour du Monde de Nellie Bly", na que se facía especial referencia a viaxe de Phileas Fogg ao redor do mundo. Tamén nos amosou que unha muller puido realizar esa viaxe, esa "volta ao mundo" nunha época na que as mulleres non tiñan os privilexios nin as oportunidades que temos agora. Aínda que a obra era practicamente toda en francés, estiveron moi atentos. 

Castro de Cumeiro

 

Hoxe estivemos no Castro de Cumeiro cos rapaces e rapazas do IES Marco do Camballón. Durante a mañán falamos sobre as intervencións levadas a cabo no xacemento fai uns meses. Tamén puideron ver reproducción dos materiais recuperados nas excavacións, así como coñecer algo máis a Idade de Ferro e a Arqueoloxía experimental

Gañadoras concurso de disfraces

 Xa temos gañadoras do concurso de disfraces!! Universo mariño, creado polas alumnas de 1° do Ciclo Medio de TAPSD!!! Parabéns a todxs que participastes!!!

Recital de Rosalía

 O alumnado de 4º ESO de Relixión, estiveron hoxe na radio,  escolleron poemas de Rosalía de Castro e gravaron varios podcast.

O alumnado de 1º ESO de Relixión estiveron traballando poemas deste libro O herbario de Rosalía e recitaron aqueles que máis lles gustaron,

 

 FELIZ DÍA DE ROSALÍA.

Día de Rosalía

 

O Día de Rosalía converteuse nos últimos anos nunha das citas máis importantes do calendario cultural galego. Unha data que ata agora, e dado o descoñecemento do día exacto do nacemento da poeta, se celebraba o 24 de febreiro, día en que foi bautizada.

Na vida de Rosalía hai algúns feitos que convén coñecer porque deixaron unha fonda impronta no seu carácter, na súa concepción do mundo e, en consecuencia, na súa obra.

Daquelas que cantan as pombas i as frores

todos din que teñen alma de muller,

pois eu que n'as canto, Virxe da Paloma,

¡Ai!, ¿de que a terei?

Folla Novas. Rosalía de Castro.

Industrias Guerra

 O día 8 de febreiro o alumnado de 2º curso de SOLCA participou nunha visita a Industrias Guerra (Vila de Cruces), no marco dunhas xornadas tecnolóxicas organizadas pola deputación de Pontevedra. Alí, fíxose unha visita guiada por todas as instalacións da empresa, onde o alumnado coñeceu de primeira man todo o proceso produtivo, dende que se realizan os planos dun guindastre, ata que esta é vendida ao cliente. Polo tanto, foise pasando polo proceso de corte e organización das diferentes pezas de aceiro que conforman as estruturas, a soldaxe das mesmas, con diferentes tipos de soldaduras (incluso robots de soldadura automáticos), a montaxe, a pintura e demais procesos ata conseguir o resultado final.

Foi unha visita moi enriquecedora para o alumnado, xa que en menos dun mes estarán realizando as súas prácticas nun centro empresarial parecido, polo que puideron comprobar de primeira man o día a día de soldadores e montadores de estruturas de aceiro.

Entroido interxeneracional na residencia de Vila de Cruces

As alumnas de TAPSD, estiveron traballando arreo estes días. Tras elaborar os disfraces para as persoas usuarias da residencia de Vila de  Cruces, realizamos unha xuntanza interxeneracional para celebrar o entroido. 

Nesta xuntanza levamos a cabo as técnicas de acompañamento e apoio psicosocial que traballamos na aula. 

Entroido no Camballón

 A vida é un Carnaval ...... e para mostra este vídeo do que o alumnado fixo neste venres. Non faltou o desfile de disfraces, atranques de Xenerais do Ulla e as regueifas. Agradecer a Asociación Cultural Vello dos Cornos de Merza por todo o traballo, materiais e complementos que sempre están a disposición do IES Marco do Camballón.

                                             Viva o entroido!!! 

a

O universo do Entroido no Camballón

Veña que vai, hoxe toca entroido e a temática como ben podedes adiviñar é o universo. Preparádevos para disfrutar dun gran día

 

Obradoiro de comunicación inclusiva

 As alumnas do Ciclo de Atención a persoas en Situación de dependencia realizaron hoxe un Obradoiro de comunicación inclusiva. Traballaron os pictogramas, a lingua de signos e o braille. Tamén difundiron os seus coñecementos entre o alumnado de 3° de ESO. Esta actividade enmárcase dentro do Universo Inclusivo, temática desenvolvida pola biblioteca durante este trimestre.

Investigadora Laura Rubio Lareu

 

No día de onte a nosa investigadora Laura Rubio Lareu acudiu ao seu antigo instituto, IES Marco do Camballón, como invitada a participar nunha actividade para conmemorar o Día Internacional da Muller e a Nena na Ciencia (celebrado o pasado 11 de Febreiro).

A Meca

E para mañá, coas presas

en pixama viras.

en pixama virás

 

Na Radio por San Valentín

 

O alumnado de 4º estivo hoxe na radio falando do amor, de San Valentín, da importancia ou non dos agasallos, das cualidades dos compañeiros e compañeiras, de canto se debería celebrar e con quen... 

AO FINAL SABERÁS 

QUE QUEN TE QUERE DE VERDADE,

SON AQUELES QUE TE ACEPTAN POLO QUE ERES,

E ESTÁN CONTIGO NOS BOS E MALOS MOMENTOS,

SEN DUDALO!!

 

 Non insultar e si valorar

A Meca

 

Día Internacional da Radio

No día da Radio pretendemos resaltar dende o Camballón, a Radio é un medio de comunicación para celebrar a diversidade humana e un discuso democrático. Todos e todas podemos expresarnos 

 

Día Internacional da Muller e da Nena na ciencia

 O Día Internacional da Muller e da Nena na Ciencia foi proclamado en 2015 pola Asemblea Xeral das Nacións Unidas co fin de lograr o acceso e a participación plena e en igualdade de condicións de mulleres e nenas na ciencia.

Con  motivo desta celebración, a nosa Biblio vai organizar unhas xornadas divulgativas ao logo da semana. Estade atentos e atentas!!

Entroido intercentros

 

Hoxe tivo lugar o encontro de entroido intercentros, onde houbo Xenerais do Ulla dos colexios de Piloño e das Cruces e Regueifeiras do IES Marco do Camballón.

Viva o entroido!!

Visita ao Museo de Pontevedra

 Hoxe visitamos o Museo de Pontevedra que conserva unha importante colección de obxectos pertencentes á prehistoria e á historia antiga de Galicia. Puidemos vivir unha aventura explorando o noso pasado e vendo varios obxectos atopados nas Mámoas de Oirós e noutros lugares da nosa contorna.

A Meca

Hoxe presentamos a Mara, a meca do Camballón!! Como ven sendo tradición, durante esta semana de entroido, daranos indicacións sobre como temos que vir vestidos. Xa sabedes: se ao Camballón queres chegar, zapatos distintos tes que levar.

Plan de Prevención Drogas e Alcohol

Rematamos coas charlas do Plan Director, impartidas pola Garda Civil no noso centro no segundo trimestre. Desta volta, pechamos coas charlas de prevención no consumo de drogas e alcohol impartidas ao alumnado de 3º ESO, 4º ESO e Formación Profesional Básica. Na adolescencia prodúcense cambios importantes no alumnado, propios da etapa vital que atravesan: egocentrismo, invulneravilidade, o sentido crítico, a identificación cos iguais e a importancia da pertenza ao grupo...Nestas circunstancias, entre outras cousas, o alumnado precisa de información veraz e modelos de identificación positivos que incentiven a responsabilidade cara o o ocio saudable, evitando que asuman riscos ou condutas perxudiciais. En definitiva, trátase de promover unha correcta toma de decisións a través do coñecemento do risco do consumo de certas substancias nocivas para a saúde.

Risco en Internet

O mércores 8 de febreiro recibimos a visita da Garda Civil, que nesta ocasión e no marco do Plan Director, falaron co alumnado de 1º ESO, 2º ESO e Formación Profesional Básica sobre os riscos de internet (ciberacoso, sexting, grooming, importancia da privacidade na rede....).Se ben as novas tecnoloxías e redes sociais teñen aspectos positivos, tamén é certo que é conveniente coñecer os seus riscos para poder evitalos e movernos de forma segura no entorno virtual.

Expoferr

O alumnado do Ciclo de Soldadura asistiron hoxe en Silleda a unha mostra dos produtos e novidades do sector das ferramentas. Estaban presentes para varias familias profesionais pero destacaban o material do sector metal. Os 9 alumnos de segundo xunto cos seus profes  Rocío e  Rubén, percorreron os stands vendo algunhas das novidades. Chamoulles a atención a soldadura láser e os EPI's de nova fabricación.

Visita de ORTODEZA

 As alumnas do Ciclo Medio de Atención a Persoas en Situación de Dependencia contaron coa visita de ORTODEZA, unha empresa que ofrece servizos ortopédicos e de parafarmacia en Lalín e a súa comarca. Tivemos a oportunidade de poder ter un contacto directo con productos de apoio de especial relevancia na atención a Persoas en Situación de Dependencia. Agradecer a colaboración e participación da equipa de Ortodeza.

Amor propio

O amor propio é o noso lema para a semana de San Valentín. Que farías por ti mesmo para demostrarte amor? Ver atardeceres, escoitarme sen xulgarme, xogar ao baloncesto.... escribe nun dos nosos corazóns vermellos o que farías por ti mesmo e colgado na árbore do amor propio!!!

Visita a Casa do Maior de Oliveira

 As alumnas do Ciclo Medio de Atención a Persoas en Situación de Dependencia visitaron a Casa do Maior de “Oliveira” situada en Duxame. Alí foron recibidas e acompañadas por Cristina Arias
(patrocinadora do proxecto)  e exalumna do IES e Vanessa Costas, exalumna do ciclo e emplegada na Casa do Maior. Coñeceron de primeira man as actividades e a programación que alí se desenvolve con 5 usuarios e unha vez máis tiveron a oportunidade de ampliar a súa perspectiva laboral a través do contacto cunha posible alternativa de autoemprego. Dende o centro queremos agradecer a cálida benvida e a gran profesionalidade coa que as anfitrionas recibiron as alumnas.

Cita a cegas coa literatura

Toda alegría es contagiosa y desarma los sentimientos de odio.

Suite Francesa, Irene Némirovsky.

Cita a cegas coa literatura. Escolle a túa cita e coñece xente interesante...

Premio de Investigación Ernesto Viéitez Cortizo 2022 da Real Academia Galega de Ciencias

Hoxe temos que felicitar ao noso ex alumno, hoxe  investigador do CITIUS, Marcos Fernández Pichel gaña o Premio de Investigación Ernesto Viéitez Cortizo 2022 da Real Academia Galega de Ciencias polo seu traballo para detectar desinformación sobre saúde en medios online.

Parabéns Marcos!!

 Aquí podedes ler a noticia.

Cita a cegas coa literatura

O alumnado de 2° de Bacharelato organiza esta actividade para conmemorar o Día de San Valentín. Para participar tedes que elexir ua frase dun libro que vos guste e levala á biblioteca. Os fragmentos serán expostos durante esta semana no taboleiro da biblio. A persoa que elixa a vosa frase terá un encontro con vós para falar de libros e coñecervos. Todo o recaudado estará destinado á excursión de fin de curso do alumnado de 2° de Bacharelato.

Novidades nos corredores

 

Esta semana estamos con moitas novidades nos corredores!! En que dará todo isto??

Prevención de condutas infractorias e lei do menor

Nesta semana levouse a cabo un obradoiro de prevención de condutas infractoras e lei do menor co alumnado de 2º de ESO e Formación Profesional Básica.O taller, impartido por Ktorce-18, achega ao alumnado o coñecemento das consecuencias dos seus actos, que en moitas ocasións poden ser constitutivos de delito, aínda sendo menores de idade.

Preparando o entroido

Seguimos traballando a reo no disfraz deste ano do equipo de Biblio coa axuda imprescindible de Maruja. Na xornada de hoxe tocou coser a máquina, porque xa tiñamos algún disfraz co ganduxo listo para coser. Rapazada e profesorado probaron o que é coser a máquina, que parece sinxelo... pero hai que probar para poder opinar. 

Charla sobre Acoso Escolar

Esta semana, a Garda Civil volveu visitar o noso centro, nesta ocasión para volver falar sobre o acoso escolar co alumnado de 2º de ESO, continuando así coas charlas do Plan Director para a mellora da convivencia nos centros educativos.