Hoxe visitamos a Neira Vilas

O alumnado de 1º da ESO visitou, este venres, a Biblioteca Municipal. Elsa, a súa coordinadora, explicounos o funcionamento do préstamo así como o acceso ás salas de lectura e aos ordenadores. Tamén coñecimos o

proceso que segue un libro dende que chega á biblioteca ata que o podemos levar en préstamo. O alumnado que non tiña carné deixou un formulario cuberto para poder obtelo e ter acceso aos materiais da biblioteca.

Día das Bibliotecas

 Hoxe celebramos o Día das Bibliotecas. O alumnado de 1º de ESO participou nun xogo de pistas polo centro. Tiveron que buscar libros perdidos e películas misteriosas; investigar lugar agochados e resolver moitos enigmas!!

Novidades na biblio

Hoxe Alejandra e Cris foron as encargadas que dirixir un novo programa de Radio onde nos falaron das novidades que a biblio adquiriu nesta segunda quincena de outubro e que tedes a vosa disposión no expositor da entrada. Grazas!!

 

Alumnado do Camballón, formadores de regueifa en Xinzo de Limia.

Cinco alumnos e alumnas do Camballón viaxaron a Xinzo de Limia para impartir dous obradoiros de regueifa e improvisación oral nos institutos Cidade de Antioquia e Lagoa de Antela. 

O alumnado do Camballón impulsa un proxecto que deron en chamar "RegueiNovxs" para dinamizar a regueifa entre a xente nova e vincular a lingua galega coa tradición e a modernidade.

Nos obradoiros explicouse a orixe da regueifa ou a importancia da poesía oral no entroido do Ulla. Así realizaron unha mostra dun atranque improvisado ao xeito dos xenerais de Merza.

Despois de explicar a técnica da improvisación en verso, fixeron varios xogos de improvisación e animaron a improvisar ao alumnado de Xinzo que deu os seus primeiros pasos regueifando.

Os coidados empezan por nós

Durante este curso traballamos os Coidados. Na primeira avaliación centrarémonos nos coidados persoais, e que mellor que Raquel Romero para falarnos da importancia da alimentación como base para o noso benestar. 

Analizamos os tipos de alimentos e a pirámide alimenticia. Raquel insistiu moito na importancia do almorzo para ter un bo rendemento nas aulas. Moitas grazas Raquel pola túa visita, foi unha sesión moi interesante!!

Analizamos os tipos de alimentos e a pirámide alimenticia. Raquel insistiu moito na importancia do almorzo para ter un bo rendemento nas aulas. Moitas grazas Raquel pola túa visita, foi unha sesión moi interesante!!

Canta Mola

 Inaguramos a expo "Canta-Mola en galego", sobre a nosa música do século XXI. Está xenial para coñecer o movemento musical tan potente dos últimos anos!.

A exposición cedéunola o Concello de Pontevedra.

Cantar Mola

Leer más publicaciones en Calaméo

Superlectoras!!

 Aquí vos presentamos ás Superlectoras do Camballón: Alba, Uxía e Cristina. Son as alumnas que máis libros levaron e préstamo durante o curso pasado. Hoxe recibiron un agasallo que premiaa súa aficción pola lectura. 

Xa sabedes, Ler ten premio!! 

Parabéns!!

14 de outubro. Día das escritoras

 

Comezamos a semana conmemorando os día das escritoras, e que mellor maneira que facendo unha exposición na entrada da Biblio. Esta conmemoración iniciouse no 2016 para visibilizar o traballo das mulleres na literatura e combate a discriminación que sufriron ao longo do tempo.  Pasade a vela cando queirades, estará disponible toda a semana!!

 

Día mundial das enfermidades mentais

 

O 10 de outubro conmemoramos o día mundial das enfermidades mentais. O alumnado de 2º de Bacharelato, da materia de psicoloxía, estivo traballando sobre estes trastornos para visibilizalos. Podedes ver unha exposición dos seus traballos nas escaleiras que levan ao último andar.

Parabéns!!

Ilovepdf Merged

Lire plus de publications sur Calaméo

O ADN

 O noso alumnado de 4ºESO que cursa a materia de Bioloxía e Xeoloxía acudiu ao laboratorio para realizar unha actividade moi doce...

Logo de traballar os contidos correspondentes durante as sesións de clase, puideron elaborar eles mesmos un modelo sinxelo do noso ADN. Para isto empregaron gominolas de diversas cores. 

Ao remate da actividade e unha vez creados os modelos do noso manual de instruccións, o ADN, todos e todas puidemos saborear as nosas bases nitroxenadas...é dicir...as gominolas!

Novidades da biblio

Novidades na biblio! Recordade que temos un expositor na entrada da biblioteca onde podedes consultar as novas adquisicións.

Viaxe a Lugo

 Onte  o alumnado de 1º, 2º, 3º e 4º ESO. viaxaron a Lugo para coñecer a música no seu ambiente: a festa!

Entrevistaron ás Fillas de Cassandra e a Laura Lamontagne, estiveron con Iván, de Paramount, e fixeron unha homenaxe a Luz Fandiño, a poeta analfabeta. Falamos coa gente de son e produción do concerto das Fillas, bailaron e aturuxaron! 

Viva a música no noso idioma!