Mostrando entradas con la etiqueta Castañas. Mostrar todas las entradas
Mostrando entradas con la etiqueta Castañas. Mostrar todas las entradas

lunes, 9 de noviembre de 2026

O magosto foi un éxito

 Que ben o pasamos o venres no IES! O tempo dedicado aos xogos pasou voando entre risas, diversión e momentos compartidos. E as castañas… estaban boísimas! 

Foi unha xornada chea de alegría, compañeirismo e ganas de participar, na que todos e todas puxemos o noso gran de area para que saíse tan ben.

Aquí vos deixamos unha imaxe dalgúns dos momentos vividos nesta xornada tan especial. 

Grazas a todas as persoas que participastes e fixestes posible este día! Ata o próximo magosto! 







viernes, 6 de noviembre de 2026

Xogos e castañas

 Hoxe o ximnasio do IES vaise encher de enerxía, risas, emoción e, sobre todo, moitas ganas de pasalo ben!

Celebramos o noso magosto dunha maneira moi especial: con xogos, retos e actividades para compartir, cooperar e desfrutar xuntos. 

Os grupos xa están preparados e a expectación é máxima… 👀 A que nos tocará xogar? Cal será o primeiro reto? Quen conseguirá sorprendernos?

Hai nervios, curiosidade e moitas ganas de descubrir as propostas que agardan por nós. Porque o importante non será gañar, senón participar, colaborar, rir e crear bos recordos entre compañeiros e compañeiras.

Castañas, xogos e diversión: a combinación perfecta para celebrar o outono no noso IES!

Que comece a festa! Que hoxe o ximnasio sexa o escenario das nosas mellores xogadas!

jueves, 30 de octubre de 2025

Magosto no Camballón

Hoxe no noso instituto celebramos o tradicional Magosto, unha festa que combina a alegría do outono coa tradición galega. A última hora, todos puidemos degustar as deliciosas castañas asadas, que foron preparadas polo Concello, agradecendo así a súa colaboración para facer deste día un momento especial para toda a comunidade educativa.

 

 

 

Ademais, algúns dos nosos alumnos animáronse a disfrazarse, conmemorando tamén o Día de Samaín, e achegando un toque creativo e divertido á celebración.





martes, 31 de octubre de 2023

Magosto no Camballón


 Na mañá de hoxe celebramos o magosto e que mellor maneira que xogando en equipos, degustando castañas e escoitando as regueifas do alumnado de 2º ESO.