HOMENAXE A D. MANUEL DOBARRO FERNÁNDEZ

Compartir

Eses días nos que a vida
abre as ventás de par en par
e nos ofrece o azul máis celeste
o mediodía máis poderoso
ou chove
Eses días nos que as palabras
veñen sen ser chamadas
e nacen as cancións
e temos toda a vida por diante
ou un recordo feliz
Eses días sen distancia nin pasado
que non teño medo do futuro
e alegres e inesgotables
avanzan sen tropezar
ou ficar quedos
Eses días teñen o teu rostro
Eses día teñen o teu rostro
(Adaptación de Manuel Pereiro)