Dedicamos algunhas sesións á educación emocional, impartidas por Begoña, unha antiga docente do centro, e das que puideron disfrutar o alumnado de 2º ESO, 3º ESO, 4º ESO, 1º FPB e 1º APSD.
Nun mundo no que todo vai rápido e as responsabilidades e o estrés parecen ser o eixo dominante, é complexo tomar conciencia dun mesmx ou de como nos sentimos. Dedicarse tempo a un mesmx parece quedar relegado a un segundo plano, a pesar de ser moi necesario. Así, debemos coidar de nós para ser quen de estar ben e dar o mellor de nós mesmxs aos demais. Xa que logo, traballamos neste obradoiro as emocións, tomando conciencia de como nos sentimos para despois poñer en práctica a relaxación muscular progresiva.
Deste xeito, aprendemos técnicas útiles para a vida diaria e que de seguro nos farán sentir moito mellor! O alumndo quedou moi satisfeito e relaxado!
No hay comentarios:
Publicar un comentario