A actividade, ofertada polo Concello de Vila de Cruces, enmárcase dentro dos actos con motivo do 8M, a prol de favorecer a igualdade de xénero. Se ben todas as persoas sofren presión en relación ao físico e a beleza, o certo é que esta recae con maior intensidade nas mulleres, motivo polo que o xénero feminino desenvolve en maior medida trastornos da conduta alimentaria.
Os talleres constan de dúas sesións. Nesta primeira sesión abordouse o concepto de TCA, causas, consecuencias, sinais de alarma e expectativas sobre os corpos, á par que se estimula a reflexión e pensamento crítico sobre os estereotipos de beleza, a presión social e autoestima.
No hay comentarios:
Publicar un comentario