Mes da ciencia en galego

Que mellor maneira de celebrar a ciencia en galego que xogar a ser científicx?

O alumnado de 1ºESO acaba de estudar a hidrosfera e as súas características, entre as cales se atopan as propiedades da auga. 

Co fin de afondar e interiorizar mellor os contidos, a profesora propúxolles que deseñaran unha posible práctica de laboratorio (por grupos) para demostrar cada unha das propiedades da molécula da vida. Tras o deseño das demostracións, puxéronse "mans á obra" no laboratorio. O resultado foi fantástico! 

Xogaron a ser científicxs, realizando os pasos do método científico, e ademais fixeron de profes dxs compañeirxs, explicándolles detalladamente o traballo levado a cabo en cada grupo.

 

Ravegueifa

 Ravegueifa? Si! Experimentando con novos xéneros musicais: RaveGueifa.

O alumnado do IES Marco do Camballón de Vila de Cruces comezou a desenvolver un proxecto para improvisar cantando en verso baseado no rave, a electrónica. E é en colaboración con Sam Dharma.

Sam é un señor de Ferreirós, en Vila de Cruces. Trátase dun “Trasno Trad da Galicia” que fai música galega do patrimonio tradicional, de xeito sintético, con espírito agropunk, tecnohippytano e alma universal. Fai música para raves, música para sexo. 

É un músico que regresou á aldea da súa familia. Así valora o seu regreso á súa casa familiar: "Sempre tiven moi claro onde quería gravar as miñas gaitas para Luama. A casa de Santiso leva centos de anos vibrando co son das harmónicas construídas polas mans dos meus antebrazos. Non será unha sala acústica controlada profesionalmente, pero a vibración nunca poderá igualar o que sinto aquí. A música é vibración e non pode ser mellor. Podes ir grabar a Abbey Road pero, sendo un neno de máis de catrocentos anos, eu son o privilexiado. Centos de Santos apertando os dedos e respirando o alento nas miñas costas, apoiándome. ".

Con Sam comeza outro camiño para modernizar a regueifa e a nosa lingua. Crear improvisación oral cantada con bases electrónicas para sexo rave e Luama Son System: RaveGueifa.

Seguiremos este experimento de preto!

25N. Queremos un Instituto libre de Violencia Machista!!

 

Queremos un Instituto libre de Violencia Machista!! Con este lema, arrancou hoxe este acto onde o alumnado de 4º ESO e 1º Bacharelato trataron de sensibilizar sobre a existencia e a importancia de recoñecer a violencia de xénero, mostrando como se sinten e recordáronnos o número de víctimas, nada menos que 42.
Visionaronse varios vídeos e leron textos un fragmento da obra de Marilar Aleixandre, A cabeza de Medusa.

O acto tivo lugar no ximnasio do centro e nel participou todo o alumnado, profesorado e personal non docente do centro.

Álex Ferradas

 Hoxe acompañou Álex Ferradás. 

Contounos a súa experiencia vital e explicounos que ir en silla de rodas non é un impedimento para facer deporte. Participou en en retos como a maratón de San Sebastián ou o Desafío das illas Cíes. Compite dende o 2017 en ciclismo adaptado e é o presidente do club de rugbi de Lalín. O alumnado de 2º de Bacharelato realizou unha entrevista na radio para coñecer a súa traxectoria.

 Os grupos dos ciclos de Soldadura e TAPSD asistiron a unha charla para coñecer a súa experiencia. Moitas grazas pola túa visita!!

Somos iguais? Prevención da violencia de xénero

 Achégase o 25N, unha data sinalada no calendario por conmemorarse o Día Internacional da Eliminación da Violencia de Xénero. Por este motivo e sendo conscientes da importancia da educación nesta materia, levouse a cabo a actividade "Somos iguais? Prevención da violencia de xénero", impartida por unha psicóloga infanto-xuvenil ao alumnado de 1º e 2º de Bacharelato.  

Na sesión, abordouse a cuestión do xénero como constructo social e a súa implicación no feito de ser home ou muller. Pero..., somos iguais homes e mulleres? O alumnado aportou a súa visión e achegouse ao concepto de violencia de xénero, entendida como aquela que se exerce sobre as mulleres polo feito de selo, ou ao consideralas en inferioridade. A este respecto, a violencia non debe tolerarse nas relacións de ningún tipo, tampouco nas relacións de parella, e desto deben ser conscientes homes e mulleres. 

Ter relacións saudables esixe un exercicio de conciencia polas partes implicadas, que pasa, entre outras cousas, por marcar límites claros e non tolerar que estes sexan traspasados. Respectar aos demais e respectarse a un mesmo/a é a base para establecer relacións saudables e en igualdade.  

Obradoiro sobre saúde mental

Ao longo deste curso colaboraremos coa Asociación Fonte da Virxe, que levará a cabo unha serie de obradoiros sobre saúde mental, principalmente con alumnado de 4º ESO. 

Nunha primeira xornada introdutoria, a rapazada puido coñecer a labor da asociación e aproximouse ao concepto de saúde e trastorno mental, rompendo estigmas, pois son cuestións que poden afectar a calquera persoa.

Tratouse dunha primeira toma de contacto que terá continuación nos trimestres seguintes, a fin de traballar e fortalecer a autoestima,  habilidades de comunicación e afrontamento da presión grupal, entre outras.

Repasamos o Pórtico da Gloria

O alumnado de 2º de Bacharelato foi a Santiago, para repasar in situ o Pórtico da Gloria e as distintas fachadas da Catedral. Tamén aproveitaron para ir á Cidade da Cultura e ver as tres exposicións que estaban abertas. 

"Si controlas vuelves"

O alumnado de 1º e 2º de FP Básica e 3º e 4º da ESO asistiu hoxe a unha charla impartida por AESLEME, na que se falou de seguridade vial e a incompatibilidade do alcohol e outras drogas coa mobilidade segura, fomentando nos menores a responsabilidade e unha toma de decisións adecuada, que garantan a súa seguridade e a dos demais. 

A rapazada puido coñecer de primeira man as consecuencias dos accidentes de tráfico, a miúdo causados polo consumo de substancias e outros distractores (móbil, manexo da radio...), espertando tamén a súa
conciencia sobre a importancia de empregar os elementos de seguridade de forma adecuada. 

Sen dúbida, é fundamental protexernos, coidar de nós mesmos e dos demais. Porque pasalo ben non está reñido con unha volta segura á casa!

Visita á Coruña

 Á excursión foron alumn@s de 1º de bacharelato e da materia Expresión Artística de 4º da ESO.

Acercámonos ao Movemento Renovador no Museo de Arte Contemporánea Carlos Maside, así como na Fundación Luís Seoa

ne. Visitamos tamén a fábrica de cerámica O Castro Sargadelos, que foi fundada por artistas pertencentes a este grupo de renovadores.

Feminisno na Catedral e na CGAC

 Onte o alumnado de 1º e 2º ESO viaxaron a Santiago para visitar dúas exposición ben distinas pero que se complementan. Por un lado visitamos a Catedral e a súa contorna para ver cal é o papel da muller con artista e/ ou protagonista de obras que se expoñen dentro deste templo. Por outro lado, no CGA asistimos a exposición contemporánea,  O son do mar de Mayte Vieta e Os novos imaxinarios, onde o cine ten cabida.