Charla sobre violencia de xénero para familias

No mes de febreiro, no marco do Plan Director, recibimos a visita dunha axente da Garda Civil que falou ás familias sobre a violencia de xénero. Da man da axente descubrimos como traballan as forzas de seguridade nestes casos, as dificultades ás que se enfrontan e a importancia da súa labor na axuda as vítimas. Asemade, amosaron ás nais asistentes os contidos que se traballan sobre este tema nas charlas que imparten nos centros educativos ao alumnado.
Foi unha xornada de reflexión e intercambio de impresións, nas que se fixo patente que a violencia de xénero é unha cuestión que afecta a parellas de calquera idade e clase social, así como a importancia de pedir axuda e denunciar. 

25N

Hoxe celebramos o día para a eliminación da violencia contra a muller. Puxemos as camisetas que pintamos con lemas e debuxos e ás 10:40 baixamos ao patio.

Tres alumnas da materia de Igualdade de Xénero leron un manifesto e o alumnado do ciclo de TAPSD realizou unha performance coas persianas da aula do alumnado.
Como chovía moito baixamos ao ximnasio. Alí bailamos a coreografía elaborada polas alumnas de 4 de ESO sobre a canción Hay algo en mi de Miriam Rodríguez. 

25N

O largo da saia non di que si!! 

Hoxe, 25 N, o alumnado do primeiro curso de Soldadura asistiu á biblio para decorar as súas camisetas. O día 30 de Novembro terá lugar o acto de sensibilización sobre a violencia de xénero (hoxe non puido ser que estamos de exames😓). A primeira hora poñeremos as camisetas, ás 10:40 reunirémonos na entrada do centro (zona do parking) para asistir a unha performance a cargo do alumnado de Igualdade de Xénero. 

Remataremos o acto realizando unha coreografía sobre a canción Hay algo en mi de Miriam Rodríguez.

Dío como queiras...

 Baixo este lema quixemos concienciar aos nosos adolescentes da necesidade de denunciar calquera tipo de maltrato: físico, psicolóxico, sexual ou económico en non tolerar este tipo de situacións.

Que saiban diferenciar unha relación afectiva sana dunha relación basada no dominio e o control da parella, que poida desencadear en violencia.

Dío como queiras.... 

Sensibilizar sobre a violencia de xénero

 Hoxe mostrámosvos un proxecto moi especial. O alumnado de 1º de FPB realizou, co seu profe de inglés Adrián, unha serie de actividades que tratan de sensibilizar sobre a violencia de xénero, no marco da celebración de 25N. Primeiro traballaron na aula ordinaria con diferentes fichas e despois graváronse na aula da radio. Incluíron unha entrevista, música de fondo e a lectura de frases célebres. Moi bo traballo

AS CARAS DO MALTRATO

Ao longo desta semana visitáronnos novamente dende Talentea para impartir, nesta ocasión, o obradoiro "As caras do maltrato", sobre prevención da violencia de xénero co alumnado máis novo, de 1º e 2º da ESO.

Aprendemos sobre xénero, roles, estereotipos e a súa presenza na linguaxe. De forma inconsciente asumimos determinados comportamentos como propios dun ou doutro xénero, como consecuencia do proceso de socialización diferencial, o que contribúe a reproducir a desigualdade entre os xéneros. Ser conscientes destas cuestións favorece unha vivencia libre de estereotipos, baseada no respecto e igualdade, o que contribúe á prevención da violencia de xénero.

Agradecemos a Lucía as aprendizaxes que nos transmitíu!

Sesión sobre Violencia de Xénero

Nesta semana, o alumnado dos ciclos formativos de Soldadura e Atención a persoas en situación de dependencia, participou nunha sesión sobre violencia de xénero impartida por un policía experto na materia.

Coa súa intervención, o axente explicou ao alumnado cales son os signos de maltrato e os distintos tipos de violencia (visible e invisible, explícita e sútil), así como as posibilidades de intervención das autoridades en cada caso. Abordouse o concepto de violencia de xénero, distinto doutros como violencia doméstica, enmarcando o tema dende unha perspectiva legal, na que o alumnado puido coñecer tamén as consecuencias do maltrato para os agresores. Na sesión, de dúas horas de duración, tamén houbo tempo para comentar sobre o sexting e os seus riscos, así como as implicacións legais da difusión de material íntimo de terceiras persoas.

O alumnado amosou moito interese na temática e participou activamente na sesión, conectando co axente e a súa labor.

25N

Loita polos teus dereitos, loita polos teus soños, loita pola túa vida, loita....

 Gritar, ameazar, desprezar, anular, agredir, ignorar... rexeitamos todo tipo de violencias, as visibles e as que non se ven.

20211125 - Kizoa Movie Maker

Performance 25N

O alumnado de TAPSD, realizará o vindeiro 25 unha performance nas pistas  do IES. Estades todos e todas convidados/as a verlo. 

 

Lectura para o 25N

 Están expostos no corredor unhas recomendacións para que lle botedes unha ollada. 

Concurso de frases organizado polo Concello de Vila de Cruces con motivo do día internacional da non violencia de xénero 25N

 

25N

Dia contra a violencia de xénero; co galo do 25 novembro, día intenacional contra a violencia de xénero o IES Marco do Camballón realizou varias actividades de sensibilización 1º,2º,3º de ESO participaron dunha actividade onde o alumnado visitaba 3 aulas nas que estaba representado un escalón da violencia de xénero,a  través de diferentes elementos, gráficos e sensoriais.
O alumnado de 4º e bacharelato traballo na aula o texto"Medias Rojas" de Emilia Pardo Bazán
O alumnado de ciclos e FPbásica participou nunha charla sobre novos modelos de masculinidade.
Para pechar os actos, reunímonos no ximnasio onde estaban escefinicado un ceminterio, onde 52 pares de  zapatos foron asignados aos nomes das 52 mulleres víctimas da violencia de xénero.

2019-11-25 25N

Las medias rojas

Leer más publicaciones en Calaméo

Minuto de silencio

Que peor maneira de comezar o curso que ter que recordar que no día de onte en Valga unha familia quedou rota. O Marco do Camballón está contra a Violencia de Xénero.

Taller de sensibilización contra a violencia de xénero

Cal é a idea que teñen os mozos e mozas do amor? Son conscientes dos riscos cibernérticos aos que se expoñen ao compartir fotos e comentarios nas redes? Seleccionan a música que escoitan? Son críticos coa publicidade que chega as súas máns? Todos estes temas englobaron a charla taller sobre prevención  e detección da violencia de xénero na que participou o alumnado de FPBásica e 2º ESO. Entre todos e todas podemos e debemos construír unha sociedade onde nos sintamos seguros e seguras.

2019-01-09 Programa de sensibilización contra a violencia de xénero

Sensibilización contra a violencia de xénero

 

Dentro da semana de sensibilización contra a violencia de xénero, o alumnado de 2º TAPSD realizou un traballo sobre micromachismos na prensa escrita e na linguaxe cotiá.

Para comprometernos na loita diaria realizamos unha actividade para explicar o significado da palabra Sororidade e asociala a unha pulseira violeta , contribuindo deste xeito a texer rede feminista.
Tapamos  as fiestras do instituto facer facer visible este problema.

27N

No día de hoxe celebramos no centro o día contra a violencia de xénero.

2017-11-27 27N

No acto o alumnado do ciclo leu un manifesto. Un grupo de alumnas e alumnas tocaron Imagine de Lenon.

As delegadas e delegados xuntos cas subdelegadas e subdelegados de cada clase foron os encargados de soltar un globo en representación de cada clase.
Durante o recreo tamén inaguramos a aula de alumnado na que se estivo traballado neste trimestre para crear un espazo adicado ao xogo e para realizar traballos en grupo.

2017-11-27 aula do alumnado

25N: Mulleres e homes pola igualdade

Luns terá lugar no noso centro, ás 11:15, a lectura dun manifesto co lema Mulleres e Homes pola igualdade, realizado polo alumnado de Ciclos ao que nos suscribimos todo o centro. Tamén se fará unha solta de globos e o alumnadodo instituto que toca na Banda Artística de Merza interpretará a canción Imagine de John Lennon, baixo a direción de Pablo Fernández Gúzman.

Tocando as estrelas. Violencia Zero

Hoxe contamos no centro con Abi Castillo, que veu a reinvidicar, coa obra artística que nos fixo nunha parede, a igualdade de oportunidades entre homes e mulleres. Neste proxecto participou o alumnado do IES e realizouse en colaboración coa Diputación  de Pontevedra e Concello de Vila de Cruces.
No acto houbo un recordo para as mulleres que foron vítimas de violencia de xénero.

Copia de 2017-10-24 Violencia Zero

25 de novembro: Educando contra a Violencia de Xénero

Un ano máis as estadísticas ofrecen datos vergoñentos sobre o número de vítimas por violencia de xénero. É necesario recordar a importancia de levar a cabo accións que fomenten a igualdade de xénero e axuden a previr a violencia. 

150 vídeos para traballar a prevención da violencia de xénero no eido educativo.


No centro traballouse este tema e o resultados foron traballos como estes:

 

Alumnado de TAPSD

O alumnado de terceiro de ESO fixeron unha nube de palabras sobre  o violencia de xénero

Created with Tagul.com

Created with Tagul.com

Created with Tagul.com