Escritura rápida

Hoxe celebramos o día do Libro cun concurso de escritura rápida. Durante a hora de ler o alumnado da ESO, ciclos, FPBásica e 1º Bacharelato escribirán un relato no que teñen que aparecer cinco palabras relacionados cos coidados, tema que se traballa durante todo este curso no centro. A próxima semana
coñeceremos os gañadores e gañadoras, estade atentos e atentas!!

Día mundial do libro

 

Hoxe. día mundial do Libro, no alumnado do noso centro fará unha actividade especial para conmemorar o día do libro. A actividades terá lugar na hora de ler en todos dos cursos.

Non a perdades!!

Los 242 días de Teresa Prieto

Aquí tedes o vídeo da charla que tivo lugar onte, día 11 de abril de 2025, no IES MARCO DO CAMBALLÓN Biblioteca Instituto Vila Cruces. Que vos podo dicir dela? Que, para min, foi unha experiencia memorable, que estaba no certo cando dicía, hai uns días, que os 50 minutos non me chegarían a nada... Coa axuda dos mozos e das mozas que saíron a ler fragmentos de "Los 242 días de Teresa Prieto" e coa partipación desde os asentos resultou, ao meu modo de ver, un acto entretido. Estou moi agradecida por este agasallo, que lembrarei toda a miña vida.

 

Presentación do último libro de María José Viz Blanco

O alumnado de 1º e 2º de Bacharelato asistiu, este venres, á presentación do libro Los 242 días de Teresa Prieto, da autora de Piloño, María José Viz.

Despois dunha breve presentación por parte da escritora varios alumnos e alumnas leron fragmentos da novela, a través dos que analizaron a distintos personaxes. 

O libro foi unha das lecturas do club de lectura de adultos. Este grupo xa realizara con esta autora un roteiro literario por Piloño sobre a súa novela La extraña desaparición de Carolina Santomé. 

Moitas grazas pola túa visita, María José! 

Visita ao Sobreiral do Arnego

 

Onte o noso alumnado de 1º ESO percorreu unha pequena ruta pola Area recreativa do río Arnego, un espazo natural protexido.  Itziar e Ramsés,  da Asociación ADEGA,  faláronlles das sobreiras (como se quita a cortiza, para que serve....)  desta zona entre o río Ulla e o río Arnego así como doutra flora de moito interese como son as toxeiras, xesteiras eo monte baixo. 

Tamén hai unhas aves asociadas a este hábitat que son a Papuxa, o Picanto ou a Abeloiteira.

Descubriron unha tosta, caixas para mórcegos... pero tamén plantaron sobreiras e ameneiros.

Cartaz do concurso de Escritura rápida

 Este cartaz tan chulo feito polo alumnado de plástica coa súa profe Marta anuncia o concurso de escritura rápida que desenvolveremos o día 23 de abril durante a hora de ler! Este curso tratará sobre os coidados. Estade atentxs!