Andaina pola paz

 

Hoxe conmemoramos o día da Non Violencia e a Paz. Realizamos unha andaina alumnado e profesorado do centro polo pobo. A marcha estivo encabezada pola pancarta alusiva á paz. Percorrimos as rúas da vila e subimos ao Mirador das Covas para despois voltar ao centro. Durante o percorrido o alumnado de 4° da ESO de Relixión que leron textos que nos pretendían que se reflexionara sobre distintos conflitos: políticos, sociais, ideolóxicos, lingüísticos ... Sen dereitos non hai igualdade e sen igualdade non hai paz. É responsabilidade de todos nós.

Visita ao Parlamento

Hoxe estivemos de excursión en Santiago. O alumnado de 3° da ESO realizou unha visita guiada ao Parlamento para coñecer as funcións, a organización e a historia desta institución. Accederon ao Salón dos Reis e ao hemiciclo, tamén visitaron as salas onde acontece a actividade institucional. Algúns puideron exercer de parlamentarios e expoñer as súas propostas no hemiciclo. A xornada rematou cunha visita á zona vella.

 

 

Se tivera un lápiz máxico....

Na semana en que conmemoramos o Día Escolar da Non Violencia e a Paz, traballamos sobre a figura de Malala e o seu conto "El lápiz mágico de Malala". A historia desta activista Premio Nobel da Paz 2014 servíunos para reflexionar e repensar a situación no mundo actual, á par que nos atrevemos a imaxinar
posuidores dun lápiz máxico co que plasmar o noso desexo para construir a un mundo mellor. Cos nosos desexos elaboramos un ceo cheo de estrelas!

Toponimízate

Onte visitounos o filólogo Vicente Feijoo, coordinador da Unidade técnica de Toponimia do Seminario de Onomástica da Real Academia Galega. 

O alumnado de 3°, 4° e 1° de BAC asistiu a charla sobre  o proxecto Toponimízate e a plataforma Galicia Nomeada, plataforma colaborativa de recollida toponímica. Vicente tamén falou da riqueza toponímica do noso pais e que non fai únicos, xa que nomeamos montes, leiras, pedras... 

Para rematar falouno dos nomes das parroquias de Vila de Cruces que están a traballar o alumnado de Relixión dentro do Proxecto Somos das Cruces.

Para rematar deixounos unha dedicatoria no noso libro de firmas!

 

Visita de Vicente Feijoo

 

Mañá estará no noso centro Vicente Feijoo Ares. Coordinador da Unidade Técnica de Toponimia do Seminario de Onomástica da Real Academia Galega.

Estará no centro de 12 a 14 horas, na Aula Manuel Dobarro,  para aclararnos termos do noso proxecto Somos das Cruces e falarnos da situación da toponímia do concelllo.

A ponte entre o Ensino Medio e a USC

Dende a Universidade de Santiago de Compostela, visitounos Celso Rguez., que falou ao alumnado de Bacharelato sobre as cuestións máis relevantes da USC: os seus campus, os estudos que se poden cursar, organización dos graos, programas de mobilidade, posibilidades de ocio, culturais, deportivas....que ofrece a universidade, residencias e bolsas de estudos.

Sen dúbida, unha sesión ben completa!

 

 

016

 

O alumnado de 3º de ESO A e B tiveron esta semana unha charla sobre o 016 impartida pola nosa compañeira Elena Pérez, profesora do ciclo de TAPSD. Explicou como funciona este servicio telefónico de atención, asesoramento xurídico e atención psicosocial. 

Comentou que facer no caso se sufrir violencia de Xénero ou de coñecer algún caso; cales son as vías de denuncia e a importancia da información e asesoramento profesional que ofrece o equipo interdisciplinar do 016.

A través do relato de chamadas reais identificamos os diferentes tipos de violencia e reseñamos a importancia de marcar as nosas propias bandeiras vermellas. 

Hai que resaltar que debemos perder o medo a pedir axudas aos servizos públicos.

Charla sobre Doazón e transplantes

No mes de xaneiro recibimos a visita dunha enfermeira da Axencia de Doazón de Órganos e Sangue (ADOS), que transmitiu ao alumnado de 4º ESO e do CM de Atención a persoas en situación de dependencia, a importancia e valor das doazóns. Trátase dunha actividade de sensibilización que favorece o achegamento a unha realidade sobre a que non solemos reparar habitualmente e a través da cal puidemos coñecer de primeira man a experiencia dunha persoa transplantada.
Sen dúbida, un orgullo que o noso país sexa pioneiro en doazón de órganos e dispoñer dun sistema público de saúde que permita a atención ás persoas que precisan un transplante. Despois de coñecer esta realidade de primeira man, quizais toque reflexionar.....

Faríaste donante de órganos?

A mediación está de volta!

Atención, atención! A mediación está de volta! Un curso máis seguimos a traballar na mediación. Nesta ocasión retomamos o traballo do profesorado do equipo de mediación, e a que non sabedes....xa fixemos algunha cousiña moi produtiva! Acondicionouse un espacio como aula de mediación e xa se realizou algunha intervención con alumnado en conflito, a fin de contribuír ás boas relacións e clima nas aulas. Polo momento vaise recollendo algún froito!

Asemade, estamos a facer máis sinxelo o proceso e adaptando os documentos do protocolo para que o proceso sexa máis rápido e operativo.

Seguiremos a traballar nos próximos trimestres, co obxectivo de que tamén o alumnado participe activamente como mediador e contribuir á expansión da cultura da mediación.

Obradoiro de Motivación e Autoestima

Ao longo de varias sesións, o alumnado de Formación Profesional Básica desfrutou dun obradoiro de motivación e autoestima, adquirindo aprendizaxes intrapersoais e interpersoais mediante dinámicas e xogos educativos. Foron unhas sesións moi produtivas e amenas, nas que a reflexión final é que podemos conseguir grandes logros, sempre que nolo propoñamos e nos esforcemos por alcanzalos!

Premios Galegos de Regueifa 24

Na terceira edición dos Premios Galegos de Regueifa 24 que tiveron lugar en Carvallo o día 13 de xaneiro de 2024: Dani, Manuel, Miguel, Marta, Tizi, Helena, regueifeirxs dende Camballon, acadaron un premio. Parabéns rapazas e rapaces!!

Reutilizar materiais

Como podemos facer  unha estufa que era decorativa, asemelle a ser calefactora ou a partir dunha lima... mirade que se pode facer, se vos fixades ben podedes ver mostras da lima