Torneo de Xadrez con lotaría

O pasado 19 de decembro disputouse a final do torneo de xadrez que contou con dous grupos:
Grupo A: ESO E FPB, con 22 participantes,
Grupo B: Bacharelato e CF Soldadura, cun total de 18.
A clasifiación para esta final iniciouse o 3 de decembro e prolongouse ata o 18, de xeito que cada semana se disputou unha partida en cada un dos grupos, segundo o modelo suízo.
Os catro mellores de cada grupo disputaron a "final-catro" nun tempo de 20 minutos por xogador o día 19 de decembro.

No grupo A resultaron clasificados: Marcos González, Rubén Salvado, Carlos Mella e Diego Rodríguez.

 

 Campión: Carlos Mella

Subcampión:  Marcos González

No grupo B clasificáronse: Martín Saa, Javier Troitiño, Alejandro Gómez e Alejandro González.

 Campión: Martín Saa

Subcampión:  Alejandro Gómez

PARABÉNS!!

“Ronald Figueiredo, axente segredo”

Este venres 19 proxectouse no noso centro “Ronald Figueiredo, axente segredo”, un filme redescuberto polo Clube da Lingua  cando realizaba unha actividade de recolla de información sobre as covas e subterráneos de Vila de Cruces.

O filme, realizado nos anos 80 por un grupo de activistas culturais das Cruces, aborda o tema da identidade galega a través dunha trama detectivesca que toma como punto de partida un achado arqueolóxico. A obra foi cedida ao IES "Marco do Camballón" polos integrantes de "Produccións Cotonudo", Rafael Martínez e Tito Pampín.

A trama delirante, os escenarios, á vez familiares e estraños polo efecto do paso do tempo, e a presenza de persoas coñecidas da vila co aspecto que tiñan 30 anos atrás, mantiveron o público do noso centro entre asombrado, expectante e divertido.

Aquí vos deixamos algunhas fotos e o enlace á entrada de Palabras de Pedra onde atoparedes toda a información que precisedes. 

Colaboradoras

Ao longo deste trimestre, cinco alumnas do noso centro: Carla Castro, Alba Ramos, Silvia Porteiro, Carmen Lareo e Belén Porteiro  axudaron, de xeito espontáneo e desinteresado, en diversas tarefas da nosa biblioteca: efectuaron préstamo, colocaron os libros nos andeis e comunicaron polas aulas as actividades que levamos a cabo.

Este venres o equipo da biblio quixo recoñecer o seu labor facéndolles entrega das novas crachas de Colaboradoras que deseñou Carla Castro.

Moitísimas grazas ás cinco de parte do equipo da biblio e de toda a comunidade educativa!!!

Sígueme: o desenlace

Sígueme

E os que mellor transitaron pola senda que, tan xenerosamente, nos descubriu o escritor Fran Alonso  son:

Categoría A : Brais Iglesias Montoto (4º ESO) co relato 

O meu desacougo

Categoría B: Noelia Dopazo Blanco (2º BACH) co relato 

A vinganza do porco

Lecturas de Nadal

Este ano as Bibliotecas Escolares andamos ás voltas coas Matemáticas, por iso adornamos a nosa árbore con raíces cadradas, números π e demais símbolos matemáticos...

e empregamos figuras xeométricas como soporte para as nosas recomendacións de lectura para estas festas.

Collede os boletíns de suxestións de lectura como agasallo de Nadal e facédelle un oco aos libros e -por que non?- tamén ás matemáticas durante estas vacacións.

Feliz 2015!!!

Aviso para cambaNeteir@s

O calendario do concurso CambaNet para o 2º trimestre queda definitivamente así:

1.  Do 12 ao 18 de xaneiro: Departamento de Relixión

2. Do 19 ao 25 de xaneiro: Departamento de Ciencias Sociais

3. Do 26 de xaneiro ao 8 de febreiro: Departamento de Orientación

4. Do 9 ao 15 de febreiro e do 23 de febreiro ao 1 de marzo: Departamento de Filosofía

O mes de marzo faremos un descanso para concentrarnos na avaliación.

Préstamo de Nadal

Mañá, venres 12 de decembro, comeza o prazo de préstamo de Nadal. Lembrade que podedes levar ata tres exemplares entre libros, CD de música e DVD.

Criaturas

Dámoslle a benvida a Criaturas, a nova revista dixital de Literatura Infantil e Xuvenil en galego.
Aquí tedes o número cero. Axudádelle a emprender o voo, lédea !

MERSH no Camballón

O venres 21 de novembro visitou o noso centro un grupo de estudantes da Facultade de Medicina da USC, entre eles, unha ex-alumna do "Marco do Camballón", María Fermández Mera. Trátase da asociación de estudantes MEIGA que entre outras actividades desenvolve o proxecto MERSH (Hospital de Educación médica, Reprodución e Saúde Reprodutiva) consistente nunha serie de exposicións teóricas e talleres sobre Educación Sexual,  Primeiros Auxilios e Soporte Vital Básico.

Resultou unha experiencia moi interesante e instrutiva para tod@s como poderedes comprobar lendo no seguinte documento as impresións sobre esta xornada que redactaron algúns compañeir@s de 3º e  4º de ESO (incluíndo un microrrelato que o taller de Primeiros Auxilios inspirou a Julieta Penas).

Impresións

Leer más publicaciones en Calaméo

 Aquí tedes algunhas das fotos das actividades:

Mersh - Movie Maker

Aquí o resultado da enquisa de avaliación da actividade que cubreu o alumnado de 3º e 4º de ESO:

Enquisa de avaliación de MERSH

Leer más publicaciones en Calaméo

E aquí a noticia recollida pola prensa:

Faro de Vigo

Voz de Galicia

Clasificación do 2º bloque da 2ª fase

As respostas correctas ao segundo bloque de preguntas da segunda fase son as seguintes:

1. Busca na nosa biblioteca o libro que corresponda coa CDU: 796-AV-cic e explica que decisión tomou a UCI (Unión Ciclista Internacional) no 2012 con respecto ao deportista que aparece na portada.

Desposuíuno dos 7 títulos do Tour de Francia

4-Busca na nosa biblioteca o manual de Primeiros Auxilios de Cruz Roja Española e investiga que significan as siglas  PAS que aparecen no 4º capítulo dese libro.

Protexer-Avisar-Socorrer

CLASIFICACIÓN POR ORDE DE PUNTUACIÓN DE MAIOR A MENOR

EQUIPO	PUNTUACIÓN POR PREGUNTA	TOTAL PARCIAL	TOTAL FINAL
Os nénos	5/5	10	40
Ilussia	5/5	10	39
Nosilo	5/5	10	39
Morriña	5/5	10	39
As venusiñas	5/5	10	38
Chocolota	5/5	10	38
Alex Tintor	4/4	8	31
Merengue Merengue!!	5/5	10	29
Los Ma´s	0/5	5	20
Zoes	0/0	0	18
Zapato de Cristal	0/0	0	10
Galizantes	0/0	0	5
Equipo A	0/5	5	5
ELINFO	0/0	0	0
Funch	0/0	0	0
JAN	0/0	0	0
MAR	0/0	0	0
Marai	0/0	0	0
Nap	0/0	0	0
Sen nome	0/0	0	0

Nesta 2ª fase houbo un empate a 10 puntos entre 7 equipos pero Os nénos segue en primeira posición. 

Durante o mes de decembro tomámonos un descanso para concentrármonos nos exames e retomamos a actividade á volta de vacacións da man do Departamento de Relixión. 

Gañadores CambaNet Matemáticas

Aquí tedes o equipo Os nénos, gañadores da primeira fase do concurso CambaNet, no momento de recibir un merecido galardón: tres crachas co logo do concurso e o nome do departamento (Mates) que formulou as preguntas nesta fase.

Parabéns!

Tattoos da Galiza

Tattoos da Galiza é unha colección de tatuaxes en galego ou de tema galego que recolleu o Clube da Lingua no concurso "Galiza, á flor da pel". Como veredes, a colección é impresionante, con tatuaxes moi orixinais e de gran valor estético e simbólico.

Algúns representan temas persoais, íntimos; outros som máis sociais ou políticos. O importante do concurso, e que chamou moito a atención na rede social, foi termos a oportunidade de poder ver e compartir imaxes e deseños que normalmente pertencen ao ámbito do privado, do persoal. Puidemos facer pública, colectiva, unha colección que sumou moitas experiencias persoais.

Tamén é importante, e emocionante, saber que a nosa lingua, a nosa identidade é moderna, actual e está vinculada, á arte de vangarda, e ao mundo da xente nova.

E descubrimos que as imaxes galegas, desde os petróglifos ata as sereas de Castelao, son unha opción atractiva, fermosa e potente a outros deseños foráneos, como motivos americanos, xaponeses ou maorís.

Que vos preste! Viva a nosa cultura!

Tatoos - Movie Maker

2º bloque de preguntas

A continuación publicamos as 2 preguntas correspondentes ao 2º bloque (do luns 24 ata o venres 28 de novembro).

Lembrade que para respondelas debedes enviar un comentario coa resposta a todas elas ou ás que saibades dentro do prazo marcado. Para enviar o comentario en "Comentar como" debedes seleccionar "Nombre/URL" e escribir o nome do voso equipo no primeiro recadro (o de nome), deixando o resto en branco. É indispensable que figure o nome do equipo para poder puntuar as preguntas.

Recordade tamén que cada equipo só pode realizar un envío.

A puntuación será a seguinte:

• Cada resposta correcta: 5 puntos
• Resposta con 1 falta de ortografía: 4 puntos
• Resposta con máis de 1 falta de ortografía, incorrecta ou fóra de prazo: 0 puntos

As solucións e mais as respostas de todos os grupos, así como a clasificación desta primeira fase do concurso, faranse públicas o domingo 30 de novembro.

Para resolver posibles dúbidas, consultade as instrucións nesta ligazón. 

As preguntas son as seguintes:

1. Busca na nosa biblioteca o libro que corresponda coa CDU: 796-AV-cic e explica que decisión tomou a UCI (Unión Ciclista Internacional) no 2012 con respecto ao deportista que aparece na portada.

2. Busca na nosa biblioteca o Manual de Primeros Auxilios de Cruz Roja Española e averigua que significan as siglas PAS que aparecen no 4º capítulo dese libro.

Clasificación do 1º bloque de preguntas da 2ª fase

As respostas correctas ao primeiro bloque de preguntas da segunda fase son as seguintes:

1. Busca no catálogo da nosa biblioteca que película dirixida por Stephen Daldry e que ten como tema central a danza trata temas relacionados co sexismo machista.

                     Billy Elliot 

2. Busca na nosa biblioteca o libro que corresponda coa CDU: 796-LAT-bal e escribe como se chama o sistema defensivo que aparece no gráfico da páxina 330.

                      6:0

CLASIFICACIÓN POR ORDE DE PUNTUACIÓN DE MAIOR A MENOR

EQUIPO	PUNTUACIÓN POR PREGUNTA	TOTAL PARCIAL	TOTAL FINAL
Os nénos	5/5	10	30
Ilussia	5/5	10	29
Nosilo	5/5	10	29
Morriña	5/5	10	29
As venusiñas	5/5	10	28
Chocolota	5/5	10	28
Alex Tintor	5/0	5	23
Merengue merengue!!	5/5	10	19
Zoes	0/0	0	18
Los Ma´s	5/0	5	15
Zapato de Cristal	0/0	0	14
Galizantes	0/0	5	5
ELINFO	0/0	0	0
Equipo A	0/0	0	0
Funch	0/0	0	0
JAN	0/0	0	0
MAR	0/0	0	0
Marai	0/0	0	0
Nap	0/0	0	0
Sen nome	0/0	0	0

Observación: a lingua do concurso é o galego e, salvo na fase correspondente ao Departamento de Lingua Castelá, será a lingua na que se redactarán as respostas. Lembrade que unha falta de ortografía, e os castelanismos (por exemplo, responder Bolonia en vez de Boloña) teñen esta consideración, supón un desconto de 1 punto. 
Se alguén ten algunha dúbida en relación á valoración das súas respostas pode preguntar ao equipo de biblioteca ou ben enviar un comentario ao blog.