Camiños!!

Durante o primeiro trimestre percorreremos camiños culturais, realizando actividades sobre música e teatro así como distintos roteiros literarios.

 

O segundo trimestre estará adicado aos camiños naturais. Traballaremos a educación vial e ambiental. Realizaremos distintas rutas pola contorna que nos permitan descubrir o que temos máis preto.

O último bloque do noso proxecto está centrado nos camiños emocionais. Mediación e resolución de conflictos serán os fíos conductores durante o terceiro trimestre.

EMPEZAMOS! Anīmate a camiñar con nós!

Dorothe Schubarth unha firme defensora da custodia e difusión da música tradicional

Falece a musicóloga  Dorothé Schubarth, que estivo intensamente unida a Galicia. Percorreu nos anos 70 e 80 do pasado século para escoitar as xentes cantar, especialmente cantareiras, e gravar eses cantares, transcribilos e publicalos no Cancioneiro Popular Galego,  unha obra fundamental para entender o patrimonio musical construído polas galegas e galegos.  Olaia Tubío e Alejandro Gándara reflectiron a afoutada labor investigadora de Schubarth no documental Dorothé na vila (2020). Agradecidos por un gran traballo, grazas por axudar a conservar o noso patrimonio! 

Entrega de premios Escritura rápida

 

Hoxe entregamos os diplomas ás gañadoras do concurso de escritura rápida. Esta semana publicaremos os textos no noso blog, Abre os ollos. Parabéns a todas!!

Escritura rápida

Publish at Calameo

As nosas alumnas de Tapsd hoxe no parlamento

As alumnas de primeiro de tapsd participaron no acto central da Campaña Mundial pola Educación celebrado no parlamento de Galicia. O obxectivo dacampaña deste ano era visibilizar o papel da muller na educación. Antía e Aroa interviron no parlamento cun discurso centrado na necesidade de educar en igualdade e recalcando que as profesións non teñen xénero. Tamén quixeron reflexionar sobre a importancia que ten a súa profesión dentro da sociedade xa que como din elas "os coidados son o motor da vida".

Unha vez realizadas as intervencións do alumnado dos distintos centros participantes, recibiron resposta das portavoces dos distintos grupos parlamentarios.

 

Son das Cruces. Ruta Brandariz

O alumnado de 4º de ESO de Relixión elaboraron a ruta de Brandariz que parte de lugar de Vilar, pasando polo mosteiro de Brandoris, Pinlle e remata outra vez en Vilar. Fomos a moitos puntos de importancia para a historia da veciñanza desta parroquia pero  quedan moitos outros fora que serán tidos enconta. 

Aquí queda o código Qr por se queredes botarlle unha ollada. 

Programa os coidados son nosos

As alumnas do Ciclo Medio de Atención a Persoas en Situación de Dependencia visitaron a radio para presentar dentro do “Programa os coidados son nosos” a súa experiencia nos diferentes centros onde están desenvolvendo o seu periodo de prácticas. Nerea Bravo en Amencer ,con persoas con Parálise Cerebral, Paula Calvo en ASPAS con persoas con diversidade funcional intelectual e Nuria Cangado na residencia de Maiores de Vila de Cruces. Experiencias inolvidables a nivel tanto profesional como persoal!