Taller de costura

 

Este venres iniciamos o taller de costura, dentro da actividade recreos culturais! A nosa profe Maruja, ten un montón de ideas e proxectos!! Imos empezar facendo bolsas a partir de paraugas vellos! Estades a tempo de apuntarvos!! Os venres durante o recreo na aula do alumnado!

Visita ao CPAP, Bergondo.

Visitamos ao CPAP (Centro de Promoción e Autonomía Personal) de Bergondo. Coñecemos os diferentes recursos e productos de apoio para a rehabilitación global das persoas con discapacidade física ou dano cerebral adquirido, coa finalidad de alcanzar a maior integración e vida independiente posible.

Visita a Santiago

O alumnado de 3º de ESO visitou o Panteón de Galegos Ilustres que se encontra na Igrexa de San Domingos de Bonaval. Allí descansan os restos de personaxes claves na historia de Galicia: Rosalía de Castro, Castelao, Alfredo Brañas, Ramón Cabanillas, Francisco Asorey e Domingo Font.

Despois foron ao teatro ver a obra "A parábola do angazo", comedia de: Araceli Gonda, Marta Lado, Jose Prieto, Séchu Sende, Diego Rey e Artur Trillo.Nela bótase unha ollada ao noso pasado, para poder ter outra perspectiva do noso presente e mesmo mirar de esguello ao que haberá no futuro.

 

Días das Escritoras

Durante esta semana temos unha exposición de libros de algunhas escritoras das que podedes ler algunha das súas obras. Hoxe comezamos con libros en galego.

 

Roteiro os tres ríos

"O alumnado de 4º de ESO de Dixitalización que participa no CP EduSostibilidade levou a cabo, o 11 de outubro pasado, a andaina pola ruta que empeza en Ponte Basebe (límite entre o concelllo de Vila de Cruces e Touro) e remata no merendeiro de Ponte Santaia. Estas rutas fanse coa idea de poñer en valor a riqueza paixasística na nosa contorna, para aprender a respectar os entornos naturais e axudar a súa sostibilidade. 

Aproveitamos un marabilloso día de calor para camiñar os 18 kilómetros do sendeiro (ida e volta, pois a ruta é circular). Levabamos bolsas e luvas para recoller os posibles plásticos que puideramos atopar, pero ao final só vimos un pouco de lixo no propio merendeiro. A ruta está moi ben coidada, sinalizada e goza, a estas alturas do outono dun verde-amarelo maxestuoso. "

Móvete

O alumnado de 1º de Bacharelato creou o este anuncio para publicitar as distintas rutas que están a crear  polo Concello de Vila de Cruces incluídas no proxecto CP Saúde. Animádevos a coñecer o noso concello e gañade en saúde!!