Blog da Biblioteca escolar do IES "Marco do Camballón"
Os distintos grupos realizaron unha visita guiada polos laboratorios da CICA e do CITEEC. A continuación, realizaron una visita libre pola DOMUS. Na DOMUS ou casa do home exploraron exposicións interactivas sobre o ser humano e aprenderon xogando con experimentos.
Para rematar a visita xantaron co mar de fondo.
O alumnado voluntario da radio do centro, xunto co alumnado de 1º e 2º de ESO da materia de Relixión, participou nos Premios José Hermida organizados pola Cadena SER Pontevedra.
Durante a xornada, o alumnado tomou parte nun programa de radio en directo, o que lles permitiu coñecer de primeira man como funciona un espazo radiofónico profesional: cabina, control técnico, guionización e tempos de emisión.
Ademais, recibiron unha formación práctica centrada na dicción, a lectura en voz alta e as técnicas básicas para a creación e realización de programas. Esta actividade contribuirá a mellorar as súas habilidades comunicativas, a confianza na exposición oral e o traballo cooperativo.
Rematamos dando un pequeno paseo por Pontevedra e comendo todos xuntos.
O grupo realizou unha visita guiada aos fondos do Museo Provincial. A partir das explicacións da guía, analizaron restos do noso patrimonio dende a prehistoria ata a actualidade.
A actividade rematou cunha visita á Igrexa de Santa María, o interior, o exterior e o seu campanario, dende onde puideron admirar a vista da cidade.
A fundación naceu coa misión de apoiar aos pequenos pacientes con DIPC e ás súas familias, promovendo a investigación, mellorando a calidade de vida durante o tratamento e sensibilizando á sociedade sobre esta loita. Como son poucos os casos, non se fai investigación sobre esta enfermidade .
Por iso é importante recordar que todos podemos aportar algo, porque nesa situación pode estar calquera familia.
Durante a visita, poden coñecer de preto o funcionamento dun medio de comunicación profesional, participar nun obradoiro práctico e mesmo intervir en directo no magazine local “Hoxe por Hoxe”.
Aproveitando a viaxe, o grupo tamén realizan un percorrido polo patrimonio histórico e cultural da cidade de Pontevedra, descubriendo os seus espazos máis emblemáticos, se o tempo acompaña.
Unha experiencia enriquecedora que combina aprendizaxe, comunicación e cultura, e que sen dúbida deixará moi boas lembranzas!
O alumnado de 2º de Bacharelato da materia de Xeografía, Arte e Patrimonio de Galicia realiza unha saída cultural ao Museo de Pontevedra, onde participará nunha visita guiada pola exposición permanente A historia de Galicia: dende a prehistoria ata a actualidade.
Durante a visita tamén poderán coñecer a mostra Tirando do fío. Unha historia da moda do século XIX, así como a exposición da artista Marta Pazos, que achega unha visión contemporánea e creativa da arte galega actual.
Para completar a xornada, o grupo visitará tamén a Igrexa de Santa María, un dos exemplos máis destacados da arquitectura relixiosa da cidade de Pontevedra.
Hoxe o alumnado de 4º de ESO e 1º e 2º de Bacharelato tivo a oportunidade de participar como xurado do I Concurso de Curtametraxes Carlos Asorey Martínez.
Tras o visionado, o alumnado emitiu o seu voto, contribuíndo activamente a esta fermosa iniciativa que busca recuperar e poñer en valor a figura de Carlos Asorey Martínez, pioneiro do cinema galego, e recoñecer o talento artístico e cultural do noso rural.
O pasado xoves o alumnado de 2º ESO e de PDC (3º ESO) creou caras terroríficas para celebrar o Samaín.
Algúns grupos puxéronlle nomes con moito flow (véxase NAO, Lolalolain ou Arcoiris modo Bad Gyal), mentres que outros optaron por nomes máis tradicionais, como Budiño ou Adolfa.
Que como as crearon? Pois empregando ingredientes ben coñecidos das nosas cociñas: vinagre, bucarbonato sódico, colorante alimenticio e xabón líquido.
A mestura do vinagre e do bicarbonato deu lugar a unha reacción química que se manifestou a través dun desprendemento de CO2 e da formación de espuma.
Velaí tedes o resultado. A que estades agardando para facer as vosas?
Hoxe no noso instituto celebramos o tradicional Magosto, unha festa que combina a alegría do outono coa tradición galega. A última hora, todos puidemos degustar as deliciosas castañas asadas, que foron preparadas polo Concello, agradecendo así a súa colaboración para facer deste día un momento especial para toda a comunidade educativa.
Ademais, algúns dos nosos alumnos animáronse a disfrazarse, conmemorando tamén o Día de Samaín, e achegando un toque creativo e divertido á celebración.
