Mostrando entradas con la etiqueta Somos das Cruces. Mostrar todas las entradas
Mostrando entradas con la etiqueta Somos das Cruces. Mostrar todas las entradas

lunes, 19 de enero de 2026

Que non morra a tradición do Alto de Xenerais

 No Proxecto Somos das Cruces, que se desenvolve na materia de Relixión co alumnado de 4º de ESO, levamos xa catro cursos traballando na recuperación e posta en valor da memoria e da identidade do noso concello. Ao longo deste tempo fomos descubrindo tradicións, vivencias e recordos que forman parte do que somos.


Este ano, coincidindo co entroido, tocou volver ás entrevistas realizadas en cursos anteriores para coñecer como se vivía esta festa nas Cruces. Así soubemos que antigamente, o martes de carnaval, había un desfile que remataba no cine, onde despois se entregaban premios. Co paso do tempo quixeron innovar, fai 50 anos aproximadamente, e, grazas á iniciativa dalgúns mozos, chamaron aos xenerais das parroquias do concello que realizaban o tradicional Alto de Xenerais: Bascuas, Brandariz, Duxame, Merza, Piloño, Ollares e Salgueiros.

Co paso dos anos, esta tradición foise perdendo en case todas as parroquias agás  en Merza. Outras parroquias como Salgueiros retomou en 2007 pero parou ca pandemia e Piloño recupérao este, tras varios anos de parón.




Este curso tamén se cumpre unha data moi especial: fai 10 anos que comezamos a traballar esta tradición do entroido da nosa comarca xunto co CEIP Ramón de Valenzuela de Bandeira. Aquí apredemos como se facía escola, Xosé levaba moitos anos traballando co alumnado.  Ao ano seguinte o proxecto estendeuse a: CEIP de Merza (hoxe xa pechado), CEIP de Piloño e CEIP Nosa Señora da Piedade. Co tempo o colexio de Bandeira deixou de participar e instituto xunto cos outros colexios do concello crearon unha rede de centros unidos pola memoria do entroido, o que nós chamamos Encontro de Entroido intercentros.






Despois de todo o investigado, este ano xurdiu unha nova reflexión: quizais as Cruces tamén precisan ter uns xenerais propios, nacidos aquí, que se atrevan a desfilar, a dar as vivas e a manter viva unha tradición que tamén forma parte da súa historia. Quizais este sexa o seguinte paso…

Vivan as xeneralas e xenerais de Vila de Cruces!!

martes, 4 de noviembre de 2025

I Concurso de curtametraxes Carlos Asorey Martínez

 

Hoxe o alumnado de 4º de ESO e 1º e 2º de Bacharelato tivo a oportunidade de participar como xurado do I Concurso de Curtametraxes Carlos Asorey Martínez. 



A xornada comezou coa presentación das dúas curtametraxes finalistas, Testemuñas dunha Illa e O que non falta, da man de Carmen Lareo, presidenta da Fundación Paco Lareo, e Alfonso Pato, director do Festival de Cans.




Tras o visionado, o alumnado emitiu o seu voto, contribuíndo activamente a esta fermosa iniciativa que busca recuperar e poñer en valor a figura de Carlos Asorey Martínez, pioneiro do cinema galego, e recoñecer o talento artístico e cultural do noso rural. 

 



O vindeiro 15 de novembro, na Solaina de Piloño (sede da Fundación Paco Lareo), terá lugar a entrega de premios.


Parabéns a todas e todos
os que fan posible este proxecto e manteñen viva a paixón polo cinema galego!




jueves, 30 de octubre de 2025

Coñecendo a Carlos Asorey Martínez

A Fundación Paco Lareo quere dar a coñecer a figura de Carlos Asorey Martínez, un destacado cineasta e cámara cruceño. Nado en Loño, Asorey desenvolveu unha traxectoria profesional marcada pola paixón polo cine e a imaxe, traballando en lugares tan emblemáticos como París e, xa de volta en Galicia, na
Televisión de Galicia (TVG).

A súa mirada creativa, o seu compromiso coa cultura e o seu labor no mundo audiovisual fan del unha persoa inspiradora, especialmente para quen soñan con contar historias a través da cámara.

Para honrar a súa memoria e promover o interese polo documental, a Fundación Paco Lareo organiza o I Concurso de Curtas Documentais sobre Carlos Asorey Martínez, unha iniciativa que busca achegar a súa vida e obra ao público e fomentar a creación audiovisual entre novas e novos creadores.

Como parte desta iniciativa, o noso alumnado terá a oportunidade de ver algunhas das curtas participantes, coñecendo de preto o legado de Carlos Asorey e descubrindo novas maneiras de mirar o mundo a través da cámara.

Ao mesmo tempo, participarán como xurado do certame, outorgando o Premio do Público e contribuíndo a poñer en valor a cultura no rural.

viernes, 17 de enero de 2025

Andaina a Besexos



 O alumnado de 1º de Bacharelato foron hoxe percorrer a ruta que van facer o día da Paz, se o tempo no lo permite. 

Esta ruta foi diseñado polo alumnado de 4º ESO, fai 3 cursos, que están incluída no Proxecto Somos das Cruces.









jueves, 6 de junio de 2024

Entrevista a Boado, Mosteiro e Richard. Somos das Cruces

 
Hoxe tocou entrevistar a tres nativos das Cruces: Luis Boado, Manuel Blanco (Mosteiro) e Ricardo Rey (Richard).

As nosas locutoras do proxecto Xiana Sánchez e Alba foron as encargadas da mesa de mezclas e María, Cristina e Xulia foron as responsables de que os nosos invitados nos contaran máis datos sobre as Cruces, que nos sorprenderon. 



Tres homes que recordaron a súa nenez nas Cruces, como se escondían nas covas, a rivalidade que había para as festas, onde se enterraban os veciños e veciñas, que negocios había na aldeas, como vivían as tardes de cine e o entroido.... E sobre todo, como cambiou o pobo. Grazas aos tres por tanta información e a Richard por compartir con nós algunhas fotos do pobo.





martes, 28 de mayo de 2024

Somos das Cruces

 

Hoxe tivemos o pracer de entrevistar a dous irmáns que naceron nas Cruces, cabeza de concello hoxe en día pero que cando eles naceron pertencia a parroquia veciña de Besexos a maior parte dela e unha pequena parte pertencía a Cumero. 

Carlos e Manuel Mella contáronnos moitos datos da parroquia na que naceron e  como eles a recordan e como chegou ao que é agora.


Moitas grazas por  contarnos a a historia das nosas parroquia para poder coñecelas un pouco máis e que non morra a historia cultural e humana que nos rodea.

Grazas tamén as nosas locutoras María, Xulia, Alba, Xiana e Cristina polo seu traballo e  por contribuír deste xeito co proxecto CP Edusaúde e Somosdascruces. 

É importante manter viva a memoria dos nosos antepasados para que historia do noso pobo sexa herdanza das xeneracións vindeiras. 



 

jueves, 23 de mayo de 2024

Ruta de Piloño

 O alumnado de 4ºESO de Relixión que está a participar no Proxecto Somos das Cruces, do programa da Xunta EduSaúde, foi onte marcar unha nova ruta, esta vez pola Parroquia de Piloño. 

Realizaron un roteiro circular que parte do Campo do 21, dende onde se pode ollar o Castro de Alcobre. O percorrido transcorre ao carón do Regato Dobreixa ata chegar ao Lourido. De aquí dirixíronse hacia o


cruce con Liñares para coller a carretera que leva a Caseda. Alí visitamos unha fonte e a Capela de Santa Cruz dende onde se pode ver unha vista panorámica de Arbéan. Baixaron por unha corredoira dirección Lavadoiro e fonte de Arbéan cuxa data de construcción é 1954. 

Seguiron dirección Capela de Hoy Vas que data de 1696 e foi reformada 1748. Posteriormente subiron hacia a Igrexa parroquial de Santa María de Piloño de onde se pode ver o Pazo de Raíndo. Viron as escolas Vellas e o CEIP Cerdeiriñas que conta con cinconta anos de historia. 

Fixemos unha parada na casa Rectoral de Piloño, beberon un grolo na Fonte de Paxariñas para dirixirse cara a Capela das Angustías. De alí voltaron ao Campo do 21 e remataron a ruta na Fundación Paco Lareo.


martes, 30 de abril de 2024

Ruta de San Pedro Añobre

O alumnado de 4º de ESO presentaron a Ruta de San Pedro de Añobre, acompañados de Mónica Salgado Sueiro, veciña do  lugar,  quen nos explicou e aclarou dúbidas sobre a infomación que recolleran. 

Iniciaron a ruta circular que arranca no cruceiro do lugar de Añobre, pasaron polo lavadoiro de Eirexe, a Igrexa de San Pedro (onde viron canzorros románicos), o Castro no que se atopacampo da festa  e unha sobreira centenaria. Dende alí puideron ver dous castros o de Castromouzo en Camanzo e o de Ledesma (Boqueixón).

En Vilariño viron a fonte  e a sede do Galo Celta. Continuaron hacia a Costa onde tamén hai unha fonte e dous cruceiros de singulares. Dende este lugar pódese ver o río Ulla e a poboación de Bendaña do concello limítrofe de Touro co que había moi boa relación por tratarse do paso do camiño de Santiago que se facía empregando unha barca. Nesta zona hai unha pesqueira e o muiño de río da Casa de Diéguez. En Beuvas viron o muiño de Pereiro e a fonte do lugar. Continuaron hacia Vilariño de novo para ver un muiño e de volta en Añobre foron a escola, a casa da tía Ramona, a tecedeira e a casa do mestre.  Antes de dar por finalizada a ruta, viron o  lavadoiro e a fonte do lugar de Añobre de onde xa divisa o Cruceiro de onde partiran.

Grazas Mónica por acompañarnos neste fermoso percorrido!!







Powered by Wikiloc

viernes, 26 de enero de 2024

Toponimízate



Onte visitounos o filólogo Vicente Feijoo, coordinador da Unidade técnica de Toponimia do Seminario de Onomástica da Real Academia Galega. 

O alumnado de 3°, 4° e 1° de BAC asistiu a charla sobre  o proxecto Toponimízate e a plataforma Galicia Nomeada, plataforma colaborativa de recollida toponímica. Vicente tamén falou da riqueza toponímica do noso pais e que non fai únicos, xa que nomeamos montes, leiras, pedras... 

Para rematar falouno dos nomes das parroquias de Vila de Cruces que están a traballar o alumnado de Relixión dentro do Proxecto Somos das Cruces.

Para rematar deixounos unha dedicatoria no noso libro de firmas!


 

miércoles, 24 de enero de 2024

Visita de Vicente Feijoo

 

Mañá estará no noso centro Vicente Feijoo Ares. Coordinador da Unidade Técnica de Toponimia do Seminario de Onomástica da Real Academia Galega.

Estará no centro de 12 a 14 horas, na Aula Manuel Dobarro,  para aclararnos termos do noso proxecto Somos das Cruces e falarnos da situación da toponímia do concelllo.

martes, 3 de octubre de 2023

Móvete

O alumnado de 1º de Bacharelato creou o este anuncio para publicitar as distintas rutas que están a crear  polo Concello de Vila de Cruces incluídas no proxecto CP Saúde. Animádevos a coñecer o noso concello e gañade en saúde!!