Mércores de reivindicación e loita pola educación pública!

Podemos practicar un pouco a ortografía, como se fixo hoxe no contexto do proxecto de prensa-escola.

 

 

Literatura de escritoras dende os distintos continentes do orbe

 

Día mundial do cancro de mama

Empregamos esta creación artística dun dos alumnos do centro para, neste día mundial do cancro de mama, para tentar dalgunha maneira contribuir a concienciar do perigo desta enfermidade, da necesidade de fomentar a súa detección precoz, e apoiar ás persoas que a sofren, amigos e familiares con fin de paliar a súa acción na medida do posible.

A loita contra ela comeza con, entre outras moitas accións, tentar visibilizar máis a enfermidade.

 

Conmemoración da muller escritora

Son, como mínimo o 50% da poboación, merecen como mínimo o mesmo recoñecemento, escriben, como mínimo igual ou mellor. Non é cuestión de comparar, é cuestión de igualar, non se fala de que parte da nosa especie, por certo, palabra femenina, ten que valer máis ou menos, trátase de recoñecer realidades. 

        

Este día é un reivindicativo, de literatura feita por esa metade da nosa especie sen a que, evidentemente non continuaría, e  que, dende diferentes realidades socioculturais, as veces en mellor situación, as veces en contextos moi complexos, conseguen deleitar a toda a humanidade coa arte da articulación das palabras, da narrativa de historias, de textos que invitan á reflexión, en xeral, de literatura do máis alto nivel, e as veces, non suficientemente recoñecido. 

Arranca o voluntariado da radio

Comeza a andadura radiofónica de alumnado do centro que se fará nos recreos. Os voluntarios e voluntarias pertencentes ós grupos de 4ºda ESO, 1º de Bacharelato e do ciclo de APSD realizarán podcast sobre temática variada co obxectivo de amenizar os nosos ratos de lecer. 

Comezarán a emitir a partir de mañá venres nos recreos.

Estes podcasts poderán ser escoitados na coñecida plataforma dixital IVOX inaugurando así as primeiras andaduras nas ondas do alumnado e esperemos que non sexan as derradeiras. 

Sobre qué temas nos ilustrarán os nosos queridos pupilos? 

Estade atentos as ondas do IES Marco do Camballón e descubrirédelo!

 

Traballando diversidades da man da "La Voz de Galicia"

 No contexto do proxecto da biblioteca deste trimestre baseado na diversidade, como elemento transversal, xunto co proxecto de Prensa-Escuela na materia de Lingua Castelá e Literatura, traballáronse as identidades en 2º de ESO.

Nun mundo globalizado onde onde informacións, relacións socioeconómicas, culturais ou o simple contacto espállase por todo o Planeta é preciso comprender a diversidade social, cultural, non só no noso país, senón tamén nas propias aulas, pois non son alleas á realidade cotidiana. 

O centro, con presenza de alumnado de diferentes países e culturas do mundo debe ser exemplo de convivencia e aceptación do outro, que vai na liña de competencias tan importantes como a Cidadá e a Cívica, propias do noso sistema educativo. 

Na aula de 2ºde ESO traballouse ca noticia da película baseada no tema das migracións e dos sentimentos de pertenza a un territorio, país ou cultura, como pretexto para atopar nesta noticia os elementos básicos da comunicación, como son o emisor, receptor, mensaxe, código, canle e o contexto.