Incorporacións ó repertorio da biblioteca.

 A chegada de Morgana altera a aparente serenidade coa que Merlín vive no bosque de Esmelle. A amante de Artur entra na cada de Miranda en procura de respostas á súa infelicidade. 

   

Coa súa dor e coas lembranzas de Merlín vaise tecendo o fío da memoria ata descubrir as razóns últimas da ruina de Avalon e da caída de Camelot.  Morgana en Esmelle é unha reflexión en torno á responsabilidade de asumir as consecuencias non desexadas de cada un dos nosos actos. Un debate sobre a necesidade de adoptar compromisos incómodos e implicarse nos momentos históricos. 

   

    Sacrificada na loita entre dúas concepcións do mundo, Morgana interróganos sobre a lexitimidade das nosas razóns; mais, acaso a súa condición de vítima faina máis inocente?

    Unha novela que reescribe o mito cunha ollada contemporánea.

    Mito que reflexa a orixe dunha gran nación, tralo que se pode esconder algo de historia medieval, relixión cristiana, relacións de amor e cabaleiros, xunto cun punto de vista filosófico. Son estes ingredientes suficientes para que te embarques nesta aventura literaria?

A tradición volve á escola: os Xenerais do Ulla chegan ao noso centro

A tradición volve á escola: os Xenerais do Ulla chegan ao noso centro O Entroido da nosa terra ten voz, ten música, ten cor... e ten moita historia que contar.

Este venres 2 outubro, o noso centro volverá abrir as portas á tradición para

vivir unha xornada moi especial arredor dos Xenerais do Ulla e doutras figuras propias do Entroido da nosa contor
na.

 Nesta ocasión teremos a sorte de contar con Jesús Leal, creador de versos para o Entroido de Salgueiros, que nos achegará ao mundo das coplas, dos versos e desa maneira tan nosa de contar, con retranca e enxeño, o que acontece ao noso redor. Pero non estará só. Tamén nos acompañarán as Asociacións Culturais dos Vellos dos Cornos de Merza e Cornamentas de Piloño, que compartirán coa nosa comunidade educativa os seus coñecementos, as súas experiencias e o valor dunha tradición que forma parte da identidade da nosa contorna. As tradicións non viven nos libros: viven nas persoas. Esta actividade dá continuidade á Escola de Xenerais, que naceu o curso pasado no noso centro coa ilusión de achegar esta manifestación cultural á rapazada e, sobre todo, de contribuír a que non se perda e poida continuar pasando de xeración en xeración. Queremos que o noso alumnado descubra que detrás de cada verso, de cada personaxe, de cada traxe e de cada copla hai unha historia. A historia das nosas familias, das nosas aldeas, das nosas parroquias e da nosa xente. E agora tócalles a eles e a elas tomar o relevo.  

Quizais algún descubra que leva dentro un poeta. Quizais outro se anime a subir a un escenario.  Quizais alguén descubra por primeira vez unha tradición que sempre estivo aí, ao seu carón.  E quizais, entre todos, consigamos que os Xenerais sigan cabalgando moitos anos máis. Porque conservar unha tradición non significa simplemente mirar cara atrás. Significa coñecela, vivila e darlle futuro. Por iso queremos animar a toda a rapazada a participar, preguntar, escoitar, rir, aprender e deixarse sorprender.  O Entroido é festa, pero tamén é memoria, identidade e cultura. E este venres... o noso instituto énchese de tradición! 

 Que viva o Entroido! 

Que vivan os Xenerais do Ulla! 

E que nunca falten novas xeracións dispostas a manter viva a nosa tradición!

Comezamos a nosa aventura na radio!

Unha nova etapa, novas voces e moitas historias por contar! O alumnado de 1º da ESO  de Relixión deu os
seus primeiros pasos no mundo da radio cunha actividade moi especial: un bingo de presentación.
Pero este non era un bingo calquera... As súas casillas estaban cheas de preguntas e pequenos retos que lles permitiron coñecerse mellor, descubrir afinidades e compartir experiencias cos seus novos compañeiros e compañeiras.

Entre risas, preguntas e respostas, fomos descubrindo que detrás de cada nome hai unha historia, unha afección, un soño e moitas cousas que compartir. E así, dun xeito sinxelo e divertido, comezamos a construír algo fundamental: un grupo no que todos e todas teñan a súa voz. Despois deste primeiro achegamento, tamén comezamos a falar de Relixión, dunha maneira aberta, próxima e participativa. Porque aprender Relixión non é só coñecer conceptos: é tamén preguntarnos, dialogar, escoitar outras persoas, coñecer diferentes formas de entender o mundo e reflexionar sobre aquilo que nos fai ser quen somos. E que mellor maneira de comezar que diante dun micrófono?
A radio será, ao longo do curso, unha oportunidade para investigar, crear, preguntar, pensar, expresarnos e perder o medo a falar en público. Cada programa será unha pequena aventura e cada voz terá algo que achegar.
Hoxe comezamos cun bingo. Mañá... quen sabe ata onde nos levará a nosa voz?
Benvidos e benvidas á radio de 1º ESO! Que comece a aventura!

Incorporacións ó repertorio da biblioteca.

A miseria e a fame son todo o que coñece Sara na pequena aldea de Santa comba onde sobrevive coa súa nai durante o tempo da querra civil. Porén, todo muda para ela cando abren a mina de volframio. Unha certa prosperidade parece instalarse na contorna, onde moita xente acode ao "ouro negro" para saír da pobreza da posguerra. 

É alí, na mina de Varilongo, onde Sara coñece a Hannes, o enxeñeiro alemán que lle dá a volta por completo á súa vida. Aos poucos, a moza irá descubrindo o misterio que arrodea o seu compañeiro e os horrores soterrados do golpe fascista, así como esa clandestinidade que botou unha pouca luz sobre a negrura desde tempo de calamidades. 

Cunha prosa intimista e dotada dunha grande forza, M. Carmen Caramés Gorgal preséntanos unha novela e mesmo a medio camiño entre o xénero de memoria, o romántico e mesmo o de espionaxe, un texto cuxa calidade a levou a gañar o XXII Premio Risco de Creación Literaria.

 Contextualizada en tres das maiores catástrofes do século XX do noso páis e a nivel mundial, a 1ª Gran Guerra e a Guerra Civil española, e a posterior ditadura franquista, esta obra amósanos os difíciles momentos que tocaron vivir ós protagonistas e o ós nosos ancestros.

Incorporacións ó repertorio da bliblioteca.

  

    David Salas, un prometedor lingüista del Trinity College de Dublín, se encuentra en Madrid con Victoria Goodman, una vieja amiga de sus abuelos, y con su joven ayudante, una misteriosa historiadora del arte. Ese hecho trastocará sus planes y lo empujará a una sorprendente carrera por averiguar qué ha sucedido con uno de los alumnos de la escuela de literatura que regenta lady Goodman. Para su sorpresa, la clave parece esconderse en el mito del grial y su vinculación con España.      

   Remotas iglesias románicas de los Pirineos, colecciones da arte en Barcelona, libros antiguos y extraños códigos en piedra se alinean en una trama llena de intriga que nos hará pensar sobre el origen de toda inspiración, literatura y arte verdaderos.

¿Cuá será la relación de la última copa por la que bebió Jesucristo en la Última Cena con España?

¡Adéntrate en este misterio y descúbrelo!

Novas incorporacións ó repertorio da bilbioteca.

Queimada das ánimas 

 Tres rapaces xogan  preto dun bosque misterioso ata que unha sombra aparece e marca os seus destinos. Un deles desaparece causando rebumbio na vila de Cangas, que en pleno século XIX afronta a nova como pode. A escuridade ábrese camiño, pero só os máis ousados se atreven a desafiala. É entón cando se inicia unha carreira contra o reloxo para atopar o culpable, pero todas as pistas parecen sinalar cara a unha dirección: meigas.

    Habelas hainas.

   

A Idade Media chega á radio da man do alumnado de 2º ESO

 O alumnado de 2º da ESO de Relixión achegouse á Idade Media dunha maneira diferente e moi participativa: a través dunha actividade de radio.

Durante o desenvolvemento desta proposta, os alumnos e alumnas realizaron un interesante traballo de investigación sobre a Idade Media, buscando información, seleccionando os datos máis relevantes e preparando os contidos que posteriormente levarían ao programa de radio.

A actividade permitiulles coñecer mellor unha época fundamental da nosa historia, achegándose a diferentes aspectos da sociedade medieval, da cultura, da relixión e da vida cotiá. Pero, ademais de aprender sobre o pasado, o alumnado tivo a oportunidade de desenvolver outras competencias como a busca e selección de información, a expresión oral, o traballo en equipo e a comunicación.

 Poñerse diante dun micrófono supuxo tamén un pequeno reto: organizar as ideas, preparar os guións, expresarse con claridade e compartir cos demais o resultado da súa investigación.

Con actividades como esta, a aprendizaxe sae das aulas e convértese nunha experiencia máis dinámica, na que o alumnado é protagonista do seu propio proceso de aprendizaxe.

Parabéns ao alumnado de 2º ESO polo traballo realizado e por demostrar que a Historia tamén se pode aprender... e contar na radio!

Club de lectura para profesorado e familias

Unha das acepcións de lectura da Real Academia Galega (RAG) é " maneira en que se entende ou pode entender un escrito, unha expresión, unha palabra, etc". 

A mesma Real Academia da lingua Galega define club como; "Lugar de carácter público ou privado onde se reúne un grupo de persoas para conversar ou realizar certas actividades de tipo cultural ou deportivo". 

No caso que nos ocupa, o club de lectura vai destinado aqueles e aquelas aficionados á lectura para compartir as súas experiencias e impresións sobre un libro en común. E o do noso IES realizarase para profesorado e familias nos recreos dos luns (de 11:30 a 12:00 horas do mediodía). 

Todo aquel ou aquela que estivese interesado, pode pasar pola biblioteca do centro.

Dúas miradas, unha mensaxe: a diversidade fainos únicos

  Hai debuxos que simplemente vemos. 

E hai debuxos que nos fan sentir, pensar e mirar o mundo doutra maneira. Hoxe queremos compartir dous debuxos realizados por Santi Rivas, alumno de 2º da ESO e voluntario da biblioteca, que escolleu representar a Duki e Iago Aspas para falarnos, a través da súa arte, dun tema que nos pertence a todas e todos: a diversidade. 

Dúas persoas diferentes. Dous mundos diferentes. Dúas historias, dous estilos, dúas formas de expresarse. E, precisamente aí, está a beleza. Porque ser diferentes non nos separa: enriquécenos. 

A diversidade está nas nosas capacidades, nos nosos gustos, na nosa maneira de pensar, nas nosas culturas, nas nosas orixes, nos nosos soños e tamén na forma única que cada persoa ten de mirar e vivir o mundo. Na escola, esa diversidade convértese nunha oportunidade. Unha oportunidade para coñecernos, respectarnos, aprender uns dos outros e construír xuntos unha comunidade na que todas as persoas teñan o seu lugar. Por iso, desde a biblioteca queremos que estes dous debuxos sexan moito máis ca unha creación artística. Queremos que sexan unha invitación.

•  Unha invitación a mirar antes de xulgar.  
• A escoitar antes de opinar. 
• A respectar aquilo que nos fai diferentes. 
•  A descubrir todo o que temos en común. 

 E tamén unha invitación para toda a comunidade educativa: alumnado, profesorado, familias e persoal do centro. Traballar pola diversidade non é unha tarefa para un día nin para unhas poucas persoas. É un compromiso que construímos cada día, con pequenos xestos, con palabras, con actitudes e con espazos nos que todas e todos poidamos sentirnos parte. Hoxe a biblioteca énchese de arte, pero sobre todo énchese dunha mensaxe que queremos que viaxe por todo o centro:

 DIFERENTES, SI. IGUAIS EN DIGNIDADE E DEREITOS, SEMPRE. 

 E detrás destes debuxos hai tamén algo que queremos destacar: o compromiso dun alumno que decidiu regalar parte do seu tempo á biblioteca e poñer o seu talento ao servizo dos demais. Grazas, Santi. Grazas por debuxar. Grazas por participar. Grazas por compartir a túa arte. E, sobre todo, grazas por axudarnos a mirar a diversidade con outros ollos.  Que a túa mensaxe chegue lonxe.

A Idade Media chega a Radio do Camballón!

 Que pasaría se puidésemos viaxar no tempo coa nosa voz?

Pois este curso, o alumnado de 2º da ESO está disposto a descubrilo! 

Comezamos unha nova aventura na Radio da Biblioteca e o primeiro destino da nosa viaxe é nada máis e nada menos que… a Idade Media! 

Pero antes de acender os micrófonos, hai moito traballo detrás.

O alumnado está a traballar en grupo na elaboración da escaleta do primeiro programa de radio do curso. E unha escaleta non é simplemente unha lista de cousas que hai que dicir: é o mapa que nos permitirá facer viaxar aos oíntes a través do tempo.

Cada equipo achega ideas, busca información, organiza contidos, debate, decide que contar e, sobre todo, aprende a construír unha historia entre todos e todas.

- Quizais nos encontremos con castelos e cabaleiros...

- Quizais descubramos como vivían reis e raíñas...

- Quizais entremos nun mosteiro medieval...

- Ou quizais descubramos que a Idade Media ten moito máis que contarnos do que imaxinabamos.

E hai algo aínda máis importante: non están simplemente estudando a Idade Media; están transformando o que aprenden nun programa de radio.

Aquí a aula sae fóra da aula.

Aquí os libros convértense en voces.

Aquí o coñecemento convértese en historias.

E aquí cada integrante do equipo ten algo que achegar.

Pensar. Investigar. Crear. Organizar. Escoitar. Comunicar.

Ese é o reto.

Porque detrás dun bo programa de radio hai moitas voces, moitas ideas e moitas persoas traballando xuntas.

 A aventura acaba de comezar...

Dentro de pouco, os micrófonos acenderanse e 2º ESO abrirá as portas do seu primeiro programa.

Mentres tanto, seguimos preparando a viaxe...

Abróchense os cintos, ou mellor dito, axusten as armaduras! 

A Idade Media está a piques de entrar na radio.

E esta vez, a historia cóntana eles e elas.

Boa viaxe, 2º ESO! A radio é vosa.

Ler pode ter premio! Club de lectura do alumnado

Queres descubrir historias, compartir opinións, pasar un bo rato e, ademais, conseguir recompensas? Entón, este club é para ti!

 CLUB DE LECTURA DO ALUMNADO

-  Todos os martes

- Durante o recreo 11.30 a 12 h

- Lugar: segundo o coordinador/a 

E hai máis… RECOMPENSAS por participar

EXCURSIÓN para o alumnado participante

A participación terá incidencia positiva na nota ao final de curso

Só tes que traer as ganas de ler e compartir! Non importa se les moito ou pouco: o importante é participar e gozar das historias.

🌟 Un libro pode levarte moi lonxe… e neste club, incluso a unha excursión! 🌟

👉 Anímate e apúntate na biblioteca!

A próxima aventura comeza cun libro.

Club lectura adultos

A biblioteca pon en marcha un club de lectura para persoas adultas, aberto tanto ás persoas do centro como a calquera persoa interesada en participar.

Se che gusta ler, compartir opinións e descubrir novas historias, anímate a formar parte do club! Será un espazo para conversar sobre libros, intercambiar impresións e gozar da lectura en compañía.

📅 Comezamos o luns 28 de setembro

⏰ Durante o recreo 11.30 a 12 horas.

📍 Lugar: a biblioteca do centro

Para anotarse, podes chamar ao centro ou enviar un correo electrónico a:

📧 bibliocruces@gmail.com

Agardámoste! Ven compartir lecturas connosco.

Viaxamos polo mundo sen saír da escola!

Hai viaxes que non precisan maletas. Viaxes que nos levan a descubrir outras culturas, outras historias, outras tradicións, outras músicas… e que nos axudan a mirar o mundo con máis curiosidade, respecto e empatía.

Este curso, na nosa biblioteca escolar, o tema que nos acompañará será a DIVERSIDADE. Unha diversidade que nos enriquece, que nos une e que nos lembra que, aínda sendo diferentes, temos moito que compartir.

Para vivir esta aventura, dividiremos o curso en tres grandes viaxes:

•  CAMBALLÓN INTERCULTURAL

Unha oportunidade para coñecer outras culturas, descubrir o que nos fai diferentes e, sobre todo, todo aquilo que temos en común.

•  AS NOSAS FESTAS

Achegarémonos ás celebracións, tradicións e costumes que forman parte das nosas vidas. Porque detrás de cada festa hai historias, persoas e emocións que merecen ser coñecidas e compartidas.

•  MÚSICAS DO MUNDO

Deixaremos que a música nos leve a lugares afastados, descubrindo ritmos, sons e cancións que nos permitirán coñecer outras formas de sentir e expresar.
 

A biblioteca converterase así nun lugar de encontro, descubrimento e participación, onde cada historia, cada tradición, cada canción e cada persoa terá algo que achegar.

Porque a diversidade non é só algo que estudamos… é algo que vivimos cada día.
 

 Acompañádesnos nesta viaxe?
Abrimos as portas da biblioteca para que toda a comunidade educativa participe, comparta, descubra e, sobre todo, goce aprendendo xuntos.

Comeza a viaxe. E nesta viaxe, todos e todas temos un lugar.

Ti tamén podes ser voluntaria/o!

A biblioteca e a radio necesitan a túa voz, as túas ideas e as túas ganas de colaborar!

Gústache organizar, recomendar libros, axudar aos demais, preparar actividades, falar diante dun micrófono, crear contidos ou simplemente queres formar parte activa da vida do centro?

Este é o teu momento!

Na Biblioteca Escolar e na Radio do centro podes colaborar en diferentes tarefas e proxectos, aprender cousas novas, coñecer xente e deixar a túa pegada.

Na biblioteca podes...

- Axudar na organización e colocación dos libros.

- Colaborar nas actividades da biblioteca.

- Participar na preparación de exposicións e propostas lectoras.

- Recomendar lecturas e axudar a outros compañeiros e compañeiras.

Na radio podes...

Participar en programas e seccións.

Preparar entrevistas e contidos.

Poñer a túa voz ás noticias e actividades do centro.

Achegar ideas e crear novos programas.

 E o teu traballo terá recoñecemento!

As horas de voluntariado realizadas na biblioteca escolar e na radio serán recoñecidas para o alumnado colaborador mediante a emisión dun certificado ou diploma acreditativo do traballo realizado.

•  Porque colaborar tamén é aprender.
•  Porque as túas ideas importan.
•  Porque a biblioteca e a radio tamén son túas.

ANÍMATE A PARTICIPAR! Apúntate na biblioteca.

Busca a túa maneira de colaborar, suma horas, vive novas experiencias e forma parte do equipo da biblioteca e da radio.

A biblioteca e a radio esperan por ti!

Arrancamos

Un novo curso comeza.... e a biblioteca ten unha historia que contar. 

A porta está a piques de abrir de novo. Os corredores volverán encherse de voces, ideas, encontros...e,  sobre todo, de novas historias por descubrir. 

Este curso non será un curso calquera.

Na biblioteca estamos preparando novas aventuras, lecturas que nos farán viaxar sen movernos da cadeira, personaxes que quedarán connosco e sorpresas que iremos desvelando pouco a pouco. 

Que agocharán os libros este ano?

Que historias nos estarán esperando?

E que misterios descubriremos xuntos?

Só hai unha maneira de sabelo: atreverse a abrir a primeira páxina.

Dámosvos a bendica a un novo curso na biblioteca. Un curso para ler, imaxinar e descubrir e, porque non, deixarnos sorprender

Preparados? A aventura comeza.