Recomendacións lectoras, Nadal 2025

 Hoxe é o último día para levar en préstamo os libros das novas adquisicións da biblioteca, así que non perdas a oportunidade. Hai historias para todos os gustos: aventuras, misterio, fantasía, emocións… só tes que escoller a túa!

A lectura é moi importante: axúdanos a imaxinar, a aprender, a relaxarnos e a coñecernos mellor. E agora que chega o Nadal, teremos máis tempo libre para ler con calma, ademais de gozar da familia, das amizades e das celebracións.

Un libro pode ser un gran compañeiro nestas vacacións. Achégate hoxe á biblioteca e leva o teu!

O equipo da biblioteca deséxavos un Feliz Nadal!!

Calendario Solidario

 

Xa podedes mercar o noso calendario solidario. 

Todo o recaudado será destinado á Fundación Martín Álvarez Muelas que apoia a investigación sobre o cancro infanfil.

Mañá e durante todo o mes de xaneiro podedes facer a vosa aportación a esta causa solidaria. Cada calendario terá unha doazón mínima de 10 euros.

Visita ao colexio

Hoxe o alumnado de 1º e 2º de ESO do Club da lingua e Club de Regueifa foi impartir un obradoiro de regueifa  para 5º e 6º de primaria. 

Fixeron un certame de Regueifa para todo o alumnado do centro e  profesorado. Que ben o pasaron!!

Este luns 22 de decembro Regueifa Tour ás 18.30 no Auditorio.

Viva a regueifa!!

 

Os músicos. Botero

Neste cadro, o alumnado de 1º da ESO reinterpretou a obra Os músicos do artista colombiano Fernando Botero, coñecido polo seu estilo único e recoñecible, no que as figuras aparecen con volumes gran
des e formas redondeadas. Inspirándose nesta maneira tan especial de representar ás persoas, os alumnos e alumnas recrearon unha escena musical chea de cor, expresividade e creatividade. A obra mostra un grupo de músicos tocando distintos instrumentos, transmitindo alegría, ritmo e harmonía. 

 As cores vivas e os detalles coidados axudan a crear unha atmosfera festiva e artística. Con este traballo, os alumnos non só aprenderon sobre a obra e o estilo de Fernando Botero, senón que tamén experimentaron o proceso creativo, expresando as súas propias ideas e emocións a través da pintura. Este cadro é un exemplo de como a arte pode ser unha linguaxe para aprender, compartir e gozar, formando parte do proxecto Somos Artistas, no que a creatividade e a expresión persoal son protagonistas.

 

Árbore da ciencia

 Velaquí unha árbore con moita ciencia.

Os autores? O alumnado do IES Marco do Camballón.

  As cores destas bólas tan chulas son froito das disolucións preparadas polos nosos rapaces e rapazas. Os estudantes de Bach empregaron para as súas disolucións permanganato de potasio e sulfato de cobre. 

O resultado son as bólas moradas e azuis. Mentres tanto, o alumnado da ESO traballou con auga, sal e colorantes, realizando procedementos propios dun laboratorio a partir de materiais que podemos atopar nas nosas cociñas. Ademais, os máis artistas realizaron as pancartas que podedes ver na foto.

 Con elas felicítanvos o Nadal en distintos idiomas e, por suposto, dun xeito moi químico. Recoñecestes os símbolos dos elementos? Se non é así, convidámosvos a darlles un repaso, pois todo o que vos rodea está feito de elementos! Por certo, se este ano se retrasa Papa Noel xa sabedes por que é: anda a facer experimentos...polo ben de todos esperemos que non lle caia o contido do matraz aforado (grazas Alejandro e Daniel por adicar o voso tempo libre a facer os debuxos que acompañan as felicitacións).

Unha tarde de domingo na Grande Jatte. Somos Artístas

 O alumnado de 3º da ESO recreou o cadro do pintor francés Seurat titulado: Unha tarde de domingo na Grande Jatte. A obra mostra unha escea de descanso e diversión á beira do Sena. 

O parque de A Grande Jatte, é unha Illa que se atopa no río Sena. Foi un dos lugares de diversión preferidos dunha gran parte da sociedade parisiense. 

A técnica utilizada por este pintor postimpresionista denomínase puntillismo, por utilizar pequenos puntos de cor pura que se fusionan ao ser observados a cierta distancia.

A última cea. Somos Artísticas

 

O alumnado de 2º de ESO, inspirouse na obra A última Cea de Leonardo da Vinci para decorar a súa aula.

A composición mostra a Xesús e os seus discípulos reunidos para a última cena, según narra Xoaán no Novo Testamento.

A obra, qué das máis coñecidas do artista, é un mural realizado coas técnicas do temple e o óleo, situado no refectorio do convento dominico de Santa María delle Grazie en Milán. Foi declarada Patrimonio de Humanidade en 1980.

Árbore da ciencia

 

Os tres músicos de Velázquez. Somos artistas

 O alumnado de 3º PDC escolleu a obra de Diego Velázquez, Os tres músicos, unha obra representativa do estilo barroco.

Voluntariado da radio

Cada venres, durante o recreo, un grupo de alumnos e alumnas voluntarios reúnese na radio do centro para preparar e gravar o seu programa. Este é o grupo do venres que fan un programa de temática deportiva. Este espazo convértese nun punto de encontro no que comparten a súa afección polo deporte, comentan novas de actualidade, analizan partidos, entrevistan compañeiros e propoñen seccións propias.

A través da radio, o alumnado desenvolve habilidades de comunicación oral, aprende a traballar en equipo e a organizar contidos, ao tempo que reforza valores como o respecto, a cooperación e o espírito deportivo. O programa do venres é xa unha cita habitual que anima os recreos e dá voz ao alumnado, facendo da radio un recurso educativo vivo e participativo.

Recomendación de Nadal

O alumnado de 4º de ESO de Relixión, algúns deles voluntarios da radio escolar, elaborou as súas recomendacións de Nadal. A través das súas voces, compartiron lecturas que lles emocionan e inspiran, como A casa da mina, El descontento, En vela, Non me olvides, Estar mal é normal, Jane, El miedo e moitas outras. Esta iniciativa permitiulles combinar creatividade, comunicación e gusto pola lectura,
facendo que a radio se convertese nun espazo de encontro e descuberta literaria para toda a comunidade educativa.

Somos artístas: A persistencia da memoria. Salvador Dalí

Inspirados na obra A persistencia da memoria de Salvador Dalí, o alumnado de 4º de ESO mergullouse no universo do surrealismo para decorar a súa aula dentro do proxecto Somos Artistas. 

A través desta creación colectiva, exploraron o valor do tempo, a forza da imaxinación e a capacidade da arte para transformar os espazos que habitamos.

 Así, a aula converteuse nun lugar onde os reloxos se derriten, as ideas flúen e cada estudante deixa a súa pegada artística.

Obradoiro de cociña

As alumnas do 1º curso de TAPSD asistiron a un obradoiro de cociña con Maruja da Cunca. Hoxe fixeron tres receitas: empanadillas de zorza, boliños de coco e almendrados.

Estaban todo boísimo! 

Obradoiro de Costura

Recordade que seguimos desenvolvendo os obradoiros de costura e ganchillo os venres de 11:30 a 12:00.

Esta actividade está incluída dentro dos recreos culturais da biblioteca.

Estades a tempo de apuntarvos a estas dúas actividades! 

A árbore da ciencia

 Esta árbore de Nadal non é unha árbore calquera: foi creada polo Departamento de Física e Química, e seguramente non ao azar.

Preguntádevos:

Que elementos científicos recoñecedes na árbore? Hai símbolos, materiais, cores ou formas que vos lembran a contidos traballados na materia?

Que intención podía ter o departamento ao organizala así? Quizais querían relacionar a ciencia cun símbolo do Nadal? Amosar que a creatividade tamén forma parte das ciencias?

Que mensaxe transmite? Fala da importancia de investigar, de experimentar, de coidar o medio ambiente, de reciclar, ou de ver o mundo desde outra perspectiva?

Que materiais se empregaron? Poderían ser produtos de laboratorio, modelos moleculares, instrumentos científicos, elementos reciclados…? Por que escollerían eses e non outros?

Que aprendizaxes ou valores pensas que queren destacar? Traballo en equipo? Curiosidade científica? Sustentabilidade? Observación e análise?

Tomade uns minutos para reflexionar e comentade as vosas ideas. Non hai respostas correctas ou incorrectas: o importante é mirar con atención, pensar e interpretar o que esta árbore científica intenta comunicar.

Día Internacional das persoas con Discapacidade

O ciclo de Atención a persoas en situación de dependencia conmemorou o 3 de decembro; día
internacional das pesoas con discapacidade, coa visualización do video realizado polas alumnas de 2º curso. 

No video mostraron tres entrevistas que realizaron a diferentes persoas con discapacidades física, congnitiva e auditiva, onde relataron as dificultades coas que se enfrenta no seu día a día.

25N

 A actividade que  se fixo o 3 de decembro, conmemorando o 25N — Día contra a Violencia de Xénero —, foi realizada no auditorio e dividiuse en catro partes:

1º- Unha performance, ca idea de que o público pudiera vivenciar o agobio que senten as mulleres que están sendo maltratadas e a cantidade delas que sufren desta lacra social. Contamos para dita performance coa colaboración das alumnas de 1º BAC e 1º Ciclo de axuda á dependencia máis o alumno de 1º BAC : Xairo Montoto Asorey.

2º- Presentación do vídeo: “Regueifando con Pracer: tecendo redes feministas de improvisación e coidados”. Unha breve descripción do vídeo :Entre versos improvisados e reflexións compartidas, un grupo de mozas aborda cuestións relacionadas coa sexualidade, construíndo un fío que conecta intimidade e vida comunitaria. Gravada entre Vila de Cruces, Silleda e Santiago de Compostela, esta peza documental recolle parte das accións do proxecto, impulsado por aopaso e SRA. Placerful. Unha proposta que celebra a regueifa e o pracer como ferramentas de transformación

social.

3º- Mónica González Otero, Inspectora de Traballo e Seguridade Social, que leva máis dunha década defendendo os dereitos laborais e loitando contra a discriminación que aínda pesa sobre as mulleres, relata desde o punto de vista do traballo o lugar claramente inferior que ocupou e ocupa a muller neste mundo laboral. 

4º- Mesa redonda con preguntas realizadas polo alumnado de 1o BAC (Cintia, Helena e Martín) sobre todos os temas tratados anteriormente as tres relatoras convidadas a participar neste 25N: Raquel Doallo Álvarez, María Domínguez e Mónica González Otero.

Sesgos de Xénero nos algoritmos de Intelixencia Artificial

O pasado venres, 21 de novembro, o alumnado de 4º de ESO asistiu mediante videoconferencia á charla “Sesgos de xénero nos algoritmos de Intelixencia Artificial”. Foi impartida pola profesora Beatriz Pérez Sánchez e forma parte do Programa de Divulgación Científica da Universidade da Coruña.

 

Visita a industrias Guerra de Vila de Cruces

 O alumando de 1º e 2º de Solca visitaron hoxe as instalación de Guerra en Vila de Cruces., que se adican a fabricación  de grúas forestais, marítimas e complementos.

A visita foi guiada e  consistiu na explicación do proceso de fabricación dunha grúa dende o comezo coa proceso de corte e conformado, para despois visitar o taller de soldadura e caldeiraría , profundizando no proceso de soldeo con ROBOT. 

O segunte paso foi a visita  ao taller de montaxe, primeiro co proceso de grúas marítimas e deseguido das grúas forestais. 

Por último acudimos a ollar o proceso  de soldadura orbital dos cilindros hidráulicos e o curvado de tubos con ROBOT CNC, onde nos fixeron unha demostración.