O 1 de abril é o Día das Artes Galegas, e nesta edición está dedicado ao creador e intelectual Isaac Díaz Pardo.
Á súa condición de destacado representante da arte galega como ilustre pintor e ceramista, únese a súa profunda vinculación ao longo de máis de medio século na nova etapa da restauración da Cerámica de Sargadelos. Díaz Pardo concibiu Sargadelos non só como unha empresa, senón tamén como centro de investigación, tecnoloxía, deseño e difusión das artes e da cultura de Galicia; foi creador e impulsor das Cerámicas do Castro, do Laboratorio de Formas de Galicia (xunto con Luís Seoane), das Edicións do Castro, do Museo de Arte Contemporánea Carlos Maside, do Seminario de Estudos Cerámicos de Sargadelos, do Laboratorio Xeolóxico de Laxe, e do Instituto Galego de Información, entre outros.
Neste curso, o alumnado de 1º de ESO realizou diversos traballos relacionados ca cerámica de Sargadelos, así como dúas maquetas do edificio do Museo de Arte Contemporánea Carlos Maside.
Expóñense no corredor do instituto para sumarse a homenaxe que a Academia Galega de Belas Artes rende a este artista.
No hay comentarios:
Publicar un comentario