Investigando parque Naturais de España

 O alumnado de 2º de Bacharelato realizou unha actividade de investigación sobre varios Parques Nacionais de España, co obxectivo de coñecer mellor a súa riqueza natural, a súa biodiversidade e a importancia da súa conservación. Organizados en grupos, cada equipo buscou información sobre un espazo protexido diferente: o Parque Nacional de Timanfaya, a Serra Nevada, as Táboas de Daimiel, o Parque Nacional Marítimo-Terrestre das Illas Atlánticas de Galicia, Aigüestortes i Estany de Sant Maurici, os Picos de Europa e o Arquipélago de Cabrera.

Durante o traballo, o alumnado investigou aspectos como a localización xeográfica, a paisaxe, o clima, a flora e a fauna características de cada parque, así como as principais ameazas ambientais ás que se enfrontan. Tamén reflexionaron sobre a importancia de protexer estes espazos naturais e sobre o papel que desempeñan na loita contra o cambio climático e na conservación da biodiversidade.

Finalmente, cada grupo compartiu coa clase a información recompilada mediante pequenas exposicións orais, acompañadas de imaxes e datos relevantes. A actividade permitiu ao alumnado ampliar os seus coñecementos sobre o patrimonio natural español, desenvolver habilidades de busca e selección de información e tomar conciencia da necesidade de coidar e respectar os espazos naturais.

Visita ao Museo de Pontevedra

O alumnado de 2º de Bacharelato, da materia Xeografía, Historia, Arte e Patrimonio de Galicia viaxou a Pontevedra o pasado xoves.

O grupo realizou unha visita guiada aos fondos do Museo Provincial. A partir das explicacións da guía, analizaron restos do noso patrimonio dende a prehistoria ata a actualidade. 

A actividade rematou cunha visita á Igrexa de Santa María, o interior, o exterior e o seu campanario, dende onde puideron admirar a vista da cidade.

2º Bac na Radio

Volve a RADIO!!!!! o mércores pasado o alumnado de 2º de Bacharelato da materia Xeografía e Historia de Galicia estivo na radio preparando as entrevistas que van realizar a dous autores que visitarán o centro próximamente; Anxos Sumai e Fausto Isorna. Volveron a tomar contacto co proceso de gravación e fixeron probas de audio para recordar o aprendido en cursos pasados. O 16 de novembro realizarán unha entrevista á escritora Anxos Sumai que xa teñen preparada. A visita de Fausto Isorna está por determinar pero tamén incluirá unha charla na radio. Estamos elaborando o proxecto da radio para este curso. Entre as novidades que imos poñer en marcha destaca unha rede de altofalantes que será instalada por todo o centro para emitir dende a radio durante os recreos. A actividade consistirá en que cada titoría realice unha lista en Spotify que será reproducida durante un recreo. Temos moitas ideas e actividades previstas en relación á radio, estade atentxs, xa vos iremos contando..

Saída a Catoira

Onte estivemos de excursión en Catoira. O alumnado de 2 de Bacharelato que cursa a materia Xeografía e Historia de Galicia realizou unha visita guiada polo entorno do río Ulla que incluiu os lugares máis interesantes do concello. As Torres de Oeste, o centro de activación cultural CACTO, os muiños de Abalo e a lagoa de Pedras Miudas foron algúns dos enclaves visitados. Damos as grazas ao noso guía, Polo, que transmitiu a súa paixón pola historia e o patrimonio de Catoira e a Ana que explicou os tesouros agochados no CACTO. Un día para lembrar...