Letras galegas 2014: Xosé Mª Díaz Castro (II)

Mira e escoita un achegamento particular e moi atractivo á súa poesía a cargo, tamén, do alumnado de Guitiriz.

Letras galegas 2014: Xosé Mª Díaz Castro (I)

Este ano as Letras galegas están dedicadas á figura do poeta de Guitiriz Xosé Mª Díaz Castro. Para comezar a saber algo sobre el, deixámosvos este vídeo documental elaborado no IES que leva o seu nome.

Rexistro para o concurso CambaLetras 2014

A biblioteca do IES Marco do Camballón, o Departamento de Lingua galega e literatura e o Clube da Lingua convocan o concurso CambaLetras 2014.

• Poderá participar todo o alumnado do centro.

• Deberedes realizar grupos de 3 persoas como máximo, que poderán ser de distintos cursos, pero cada persoa só poderá participar nun equipo.

• É indispensable rexistrarse neste blogue enviando un comentario no que se detallen:
• Nome, apelidos e curso de cada un dos participantes
• Nome do equipo (este nome será o que aparecerá nas listaxes de clasificación). 
• No apartado Comentar como: seleccionar perfil seleccionade Anónimo. Tamén podedes escoller Nombre/URL e escribir aí o nome do voso equipo (deixando en branco URL).
  

• Prazo para rexistrarse: desde as 9:00h do luns 5 de maio ata as 22:00h do luns 12 de maio. Non se admitirán rexistros fóra dese prazo.

•  A listaxe definitiva de grupos rexistrados -e, polo tanto, os que teñen dereito a participar- publicarase o mércores 14 de maio ás 9:00h.

O concurso comezará o luns 19 de maio. Lembrámosvos que o premio para o equipo ganador é de 60€!! Animádevos a participar!

Excursión a Zas

O luns 28 viaxamos a Baio, no concello de Zas, ao instituto Maximino Romero de Lema. Alí estábannos esperando un locutor dos 40 Principales de que deu o pregón que iniciaba a Semana Cultural.
Recibimos unha grande charla de Felipe Senén, un arqueólogo dos máis importantes de toda Galicia e actuou o grupo de música "A Magnifique bande dos homes sen medo".
 Ao rematar a comida dirixímonos cara ao Castro de Borneiro onde Manuel Gago nos explicou o que alí acontecera fai miles de anos.
Ao final fomos a ao dolmen de Dombate, que está orientado cara ao solpor no solsticio de inverno, onde tamén nos dera explicación interesantísima. Grazas, amigas e amigos de Zas!

Excursión a Zas - Movie Maker

Visita de Jorge Mira

Onte, mércores 30 de abril, tivemos a visita de Jorge Mira que nos tivo entretidos e expectantes durante… case dúas horas! Falounos, en clave humorística e desenfadada, de cuestións científicas variadas que foron dende a evolución das especies, a aparición dos órganos sexuais nos mamíferos e o porqué da súa morfoloxía ata cuestións onde a ciencia e a filosofía se disputan o protagonismo -que había antes do Big Bang? pode a ciencia explicar o que aconteceu antes do momento 0?

Ao rematar a súa exposición houbo unha quenda de preguntas e finalmente unha sesión fotográfica na que boa parte do alumnado presente na charla (3º e 4º de ESO e 1º de Bacharelato) quixo retratarse (selfies incluídos) co protagonista do noso broche de ouro ao mes da lectura, no que a biblioteca quixo, una vez máis, poñer a ciencia no punto de mira.

Presentación de diapositivas: Jorge Mira - Diapositivas

Tamén asinou no noso libro de visitas:

E aquí tedes as súas dedicatorias:

                  

E se alguén quere repetir, aquí podedes ver o vídeo da súa charla:

Pero isto non é todo, amigos, aínda hai máis.

Estade atentos ao blog porque en breve publicaremos unha noticia de gran calado!

Visita de Carlos Negro

O pasado luns tivemos entre nós a Carlos Negro. Aquí tedes algunhas fotografías e materiais da súa visita:

A presentación que elaborou Rosa Salgueiro:

Presentación do poeta Carlos Negro. from Luciapuentes

Unha galería de fotografías tomadas ao longo da súa charla:

Presentación de diapositivas: Carlos Negro - Diapositivas

 E as súas dedicatorias, unha no exemplar do seu poemario Penúltimas tendencias rexistrado co número 7000 e outra na primeira páxina do flamante libro de visitas da biblioteca.: