Novo aviso para cambaNeteir@s

Debido a un problema de conexión co catálogo sobre material audiovisual que a páxina web de Amnistía Internacional ofrecía no marco da campaña O meu corpo, Os meus dereitos, anúlase a pregunta número 2 do 2º bloque de preguntas da 5ª fase.
Deste xeito, a puntuación posible para este 2º bloque é a correspondente á pregunta número 1: 5, 4 ou 0.

A puntuación e clasificación publicarase hoxe a partir das 20:30 horas.

1º Bloque 6ª Fase

Comeza a 6ª Fase do CambaNet da man do Departamento de Filosofía con dous bloques de preguntas nas semanas do 9 ao 13 e do 23 ao 27 de febreiro. 

Lembrade que para responder as preguntas deste 1º bloque debedes enviar un comentario coa resposta a todas elas ou ás que saibades entre o luns 9 e o venres 13 de febreiro.  Para enviar o comentario en "Comentar como" debedes seleccionar "Nombre/URL" e escribir o nome do voso equipo no primeiro recadro (o de nome), deixando o resto en branco. É indispensable que figure o nome do equipo para poder puntuar as preguntas.

       

Recordade tamén que cada equipo só pode realizar un envío.

A puntuación será a seguinte:

• Cada resposta correcta: 5 puntos
• Resposta con 1 falta de ortografía: 4 puntos
• Resposta con máis de 1 falta de ortografía, incorrecta ou fóra de prazo: 0 puntos

As solucións e mais as respostas de todos os grupos, así como a clasificación do 1º bloque da sexta fase do concurso, faranse públicas o domingo 15 de febreiro.

Para resolver posibles dúbidas, consultade as instrucións nesta ligazón. 

As preguntas son as seguintes:

1. Busca na biblioteca e indica o título dunha obra de cada un dos seguintes filósofos: Platón, Aristóteles, Descartes, Hume, Kant, Nietzsche, Ortega y Gasset e Fernando Savater. 

2. O problema mente-corpo na filosofía occidental fai referencia á posibilidade de que os seres humanos esteamos compostos dun elemento físico (corpo) e outro espiritual (alma, mente, eu) de natureza completamente diferente. Cal é actualmente a posición maioritaria na neurociencia? Busca información no capítulo 15 do libro titulado Neurociencia para Julia de Xurxo Mariño.

Aviso para CambaNeteir@s

Debido á cancelación das clases de hoxe (venres 6 de febreiro), amplíase o prazo para enviar as respostas do 2º bloque da 5ª fase do concurso CambaNet ata o luns 9 ás 20:00 h.

2º Bloque 5ª fase

      A continuación publicamos as preguntas correspondentes ao 2º bloque da 5ª fase do concurso CambaNet que deberedes responder entre o luns 2 e o venres 6 de febreiro. 

   Lembrade que para responder as preguntas deste 2º bloque debedes enviar un comentario coa resposta a todas elas ou ás que saibades no prazo arriba sinalado. Para enviar o comentario en "Comentar como" debedes seleccionar "Nombre/URL" e escribir o nome do voso equipo no primeiro recadro (o de nome), deixando o resto en branco. É indispensable que figure o nome do equipo para poder puntuar as preguntas.

       

Recordade tamén que cada equipo só pode realizar un envío.

A puntuación será a seguinte:

• Cada resposta correcta: 5 puntos
• Resposta con 1 falta de ortografía: 4 puntos
• Resposta con máis de 1 falta de ortografía, incorrecta ou fóra de prazo: 0 puntos

As solucións e mais as respostas de todos os grupos, así como a clasificación do 2º bloque da quinta fase do concurso, faranse públicas o domingo 8 de febreiro.

Para resolver posibles dúbidas, consultade as instrucións nesta ligazón. 

As preguntas son as seguintes:

1. Que actor galego participa na película da directora Iciar Bollaín, producida no ano 2003 e que podes atopar na nosa biblioteca, sobre  maltrato a mulleres.

2. Indica o título de tres películas recomendadas por Amnistía Internacional no seu catálogo sobre material audiovisual “O meu corpo os meus dereitos”.

Concurso Odisea e Gran Festa Grega

Este ano participaron no Concurso Odisea 2015 catro equipos do Camballón:

OLLO DE SAURON (Laura, Brais e Sandra de 4º ESO)

BASILISCO (Marcos, Marina e Tania de 4º ESO)

CALIPSO (Tamara e Carla de 1º BACH)

e  ILUSSIA (Alba e Miriam de 1º BACH)

Foi unha semana de intenso traballo buscando respostas que ás veces se nos atragoaban...

pero aprendemos moito e pasamos ratos divertidos...

Tanto, que quixemos compartir esta experiencia con todo o alumnado e profesorado do centro, así que decidimos facer unha festa e aproveitar o día do preguntón para celebrar unha "bacanal" grecolatina na nosa biblioteca.
Meu dito, meu feito. Puxémonos mans á obra: deseñamos unhas invitacións e repartímolas polas aulas.

Decoramos a biblioteca con carteis

e unha grilanda de benvida para a que escollemos un verso de Virxilio que recolle o tema da Odisea deste ano:

"Omnia vincit Amor, et nos cedamus Amori"

Montamos unhas crachas con deseños de Carla Castro para agasallar as persoas que acudisen á cita:

Decoramos un muro na entrada con imaxes de Grecia e frases ou versos que nos gustaron de distintos autores e fixemos un photocall coa imaxe de Dióxenes o cínico e o can Lukániko.

Elaboramos algunha receita grega, galletas e madalenas decoradas con letras gregas, compramos unhas pizzas deliciosas, disfrazámonos de roman@s para facer de anfitrións e anfitrioas

E este foi o resultado de tanto traballo e entusiasmo:

Ademais, un dos equipos concursantes quedou entre os que acadaron a máxima puntuación e participará no desempate do vindeiro mércores.

Moita sorte Calipso!!!

E aquí tedes o Photocall Clásico do Camballón, a ver se vos atopades!!!

Photocall clásico no Camballón 1 on PhotoPeach



Photocall clásico no Camballón 2 on PhotoPeach

Photocall clásico no Camballón 3 on PhotoPeach

Clasificación 1º Bloque 5ª Fase

As respostas correctas ao 1º bloque de preguntas da 5ª Fase son as seguintes:






1. Que obra da autora Gemma Lienas recoñecida co “ Premio Internacional Unesco 2003 á tolerancia” trata, a efectos de guía subversiva,  sobre a situación da muller no mundo actual e nos axuda a descubrir situacións inxustas cando actuamos segundo modelos impostos.

O diario violeta de Carlota/ El diario violeta de Carlota/ El diari lila de la Carlota

2. Que película do 2002 da directora Gurinder Chadha con música orixinal de Craig Pruess nos axuda a ter unha actitude crítica ante determinados roles sexuais e comportamentos sexistas que non favorecen unha relación igualitaria entre persoas? Cóntanos nunha palabra o tema.

Quero ser como Beckham/ Bend it like Beckham

Clasificación

EQUIPO	PUNTUACIÓN POR PREGUNTA	TOTAL PARCIAL	TOTAL FINAL
Os nènos	5/5	10	70
As venusiñas	5/5	10	66
Nosilo	5/5	10	64
Morriña	5/5	10	63
Chocolota	5/0	5	53
Alex Tintor	5/0	5	45
Ilussia	0/0	0	44
Merengue  Merengue!!	0/0	0	29
Los Ma´s	0/0	0	20
Zoes	0/0	0	18
Zapato  de Cristal	0/0	0	10
Galizantes	0/0	0	5
Equipo A	0/0	0	5
ELINFO	0/0	0	0
Funch	0/0	0	0
JAN	0/0	0	0
MAR	0/0	0	0
Marai	0/0	0	0
Nap	0/0	0	0
Sen nome	0/0	0	0