Premio Concurso Odisea Galicia

 

Hoxe o equipo As Venus do IES Marco do Camballón formado por: Antía, Alicia e Laura recolleron o premio do Concurso Odisea de Galicia. Parabéns!!

As nosas alumnas gañan o concurso Odisea

 Antía Iglesias, Alicia López e Laura Vila, alumnas de Latín e Cultura Clásica de 4º de ESO veñen de proclamarse campioas de Galicia no concurso Odisea.

o mércores 16 de febreiro competirán na fase estatal do concurso.

Macte virtute! Di bene vortant!

Concurso Odisea

Ars gratia artis reza o lema do concurso Odisea deste 2022. Arte por amor á arte é a filosofía que nos impulsa a quen amamos o mundo clásico nestes tempos de risco de afundimento das humanidades. E con amor e con arte non só non afundiron senón que chegaron a moi bo porto os 7 equipos que este ano representaron ao Camballón neste xa veterano concurso:As Venus, Lulaya, Χάριτες, Aiampa, Basajaun, Patroclo e Selene. Parabéns a todas e todos, foi un gozo vervos traballar arreo sen defalecer. E moitas felicidades a As Venus que obtiveron a máxima puntuación co segundo mellor tempo dos 197 equipos galegos concursantes e pasan á fase de desempate que se celebrará o vindeiro mércores 9 de febreiro.

Quod bonum, faustum, felix fortunatumque sit!

 O concurso está bastante igualdado, ahí tedes As venus loitando....💪

Concurso Odisea

 

 Un curso máis o noso alumnado participa

na décimo sétima edición do concurso Odisea. As preguntas que se fan cínguense ao currículo  de Cultura Clásica, Latín e Grego.

 

Estes quen serán que ao concurso acoden?

A onde levades ese portátil co seu cargador,

eses portos USB, eses libros cheos de tarxetas separadoras?

Cantas escolas están revolucionadas

con alumnos investigadores esta sacra mañá?

Oh instituto, os teus corredores énchense de mozos

que acoden á pescuda, á sala de computadores

cargados con mochilas,

levando as súas libretas, os seus bolígrafos e a súa ilusión.

Que fermosa imaxe digna dun Fidias do século XXI

que inmortalizase nun friso os vosos xestos,

os vosos pasos decididos!

Cando a nosa xeración destrúa o tempo

permaneceríades, entre penas distintas

das nosas, inmortalizados en pedra dicindo:

"A beleza é verdade e a verdade beleza"... Nada máis

se sabe nesta terra e nada máis fai falta.

De todo isto non quedará unha obra en pedra,

pero sí, como a copa de Fidias achada en Olimpia,

un detalle emocionante lembrará o que traballamos.

 

 

 

Concurso Odisea

Un curso máis, o alumnado do Marco do Camballón participa no concurso Odisea, un certame que vai xa pola 15ª edición e no que o noso centro leva concursando dende o seu segundo ano de celebración. Este ano de olimpismo, como non podía ser doutra maneira, o concurso versa sobre o deporte na Antigüidade, o que nos deu pé a aprender moitas cousas sobre o mundo antigo pero tamén a reflexionar sobre o espírito agonal e os seus límites, o coidado da saúde e a importancia da dieta, a situación da muller dende Grecia ata os nosos días... En fin, non podemos deixar de constatar que somos humanos, que nada humano nos é alleo e que as nosas inquedanzas, degoiros, dificultades e éxitos son os mesmos no 2020 que no 776 a.C., algo que a intensidade do brillo das novas tecnoloxías moitas veces non nos permite ver.
Pero agora, os datos do concurso Odisea 2020:

Este ano están concursando 5.331 alumnos e 346 profesores de toda España, distribuídos en 2.079 grupos procedentes de 309 centros.
No caso de Galicia, participaron 243 equipos de 39 centros diferentes procedentes das catro provincias.
Na primeira fase do concurso, quedou vencedor de todos eles o equipo cruceño LUSAMA, que este mércores 12 de febreiro participará no desempate autonómico competindo con outros catro centros galegos que obtiveron a mesma puntuación aínda que precisaron máis tempo para responder as preguntas.

Parabéns e moita sorte LUSAMA, xa fixestes un traballo espectacular.
Parabéns tamén ao resto de equipos participantes: TACE!, TOK, TWIN TURBO, ZC´S e CLEOPATRA que conseguiron moi boas puntuacións e amosaron un gran entusiasmo e ganas de gañar.

Concurso Odisea

Un ano mais o noso alumnado participa no concurso Odisea, que este ano versa sobre a "Morte en Grecia e Roma".

2018-02-09 Odisea

Recollida do Premio Odisea e visita a Ourense

O xoves pasado (16-III-2017), fomos de viaxe a Ourense o alumnado de Relixión e de Latín de 3º e 4º de ESO e de 2º de BACH e o de 1º de TAPSD. Unha vez na cidade das Burgas, dividímonos en dous grupo e, o alumnado de Relixión e Latín fixemos a ruta As orixes de Ourense que parte do castro de Santomé, asentamento inicial da cidade, pasando pola ponte romana ate chegar ás Burgas onde contemplamos a reprodución da estela que Calpurnia, a primeira ourensá da que coñecemos o nome, dedicou ás ninfas da fonte. Ao longo de todo o traxecto gozamos dun ceo limpo e brillante, das explicacións claras e oportunas de Begoña, a nosa guía, e, no castro, da grata compañía do labrador Mallo, que fixo as delicias de boa parte do grupo. Despois fomos comer ao centro comercial Ponte Vella onde nos atopamos de novo co alumnado de TAPSD. Despois de comer e descansar un anaco, paseamos ata o Auditorio Municipal para asistirmos á representación da comedia de Plauto Pseudolus, adaptada e levada á escena polo grupo de teatro escolar Noite Bohemia. Pero iso non foi todo: antes de comezar a representación, o equipo "Os Espartanos"  (Isaac Datorre e Diego Asorey de 3º ESO) recolleu o Segundo Premio do Concurso Odisea 2017. Un día moi completo. O alumnado de TAPSD visitou o centro integral de atención Aixiña, onde puideron visitar os diferentes recursos sociais e asistenciais da entidade e o centro especial de emprego.

2017-03- 16 Ourense - Kizoa Editar Videos - Movie Maker

Concurso Odisea

Dos 309 equipos galegos que participaron no concurso Odisea, dous do noso centro quedaron na primeira posición: Os espartanos e Os poderosos. Pero aos demais non lles foi mal, quedaron nos postos 10, 12, 14, 92 e 229.

Parabéns a tod@s, bo traballo!!!

Este mércores Os Espartanos librarán a batalla polo podio con outros catro equipos de Valga, Chantada, Muros e Ferrol.

Que atenea e Minerva lles sexan favorables!

2017-02- 10 Concurso Odisea - Kizoa Editar Videos - Movie Maker

Odyssea Certamen

Hoc anno MMXVII, a die Lunae postridie Nonas Februarias usque ad diem Iovis ante diem V Idus Februarias, septem turmae discipularum et discipulorum linguae Latinae et Humanitatis Classicae Lycei "Marco do Camballón" aderunt in certamine optimo Odyssea quod de rei publicae administrandae rationibus apud veteres Romanos Graecosque aget.

Nomina turmarum sunt:

CERBERUS

Aarón Senande Alonso, David Quintela Pérez, Adrián García Torres

 (3º ESO)

DÉDALO

Margarita Rey Cea, Rubén López García (3º ESO)

OS ESPARTANOS

Diego Asorey Carreira, Isaac Nicolás Datorre Espigó (3º ESO)

EL_DIEGUS

Manuel Taboada González, Adrián Iglesias Vázquez (4º ESO)

IX HISPANA

Carme María Pampín Torres , Roi Guzmán Gómez, ÁLvaro Rey Silva (4º ESO)

LOCOS AGUSTI

Jesús Calviño Ruiz, Rosalía Puga Méndez, Sonia Ares Prieto (4º ESO)

OS PODEROSOS

Nerea Ferreiro Leiro, Óscar González Pena, María Seijo Delgado (4º ESO)

Athenam Minervamque obtestor,

ut hoc iter vobis prospere bene feliciterque eveniat!

Sint nobis laeti dies navigationis!!!

Concurso Odisea

Concurso ODISEA 2016

A GUERRA NA ANTIGÜIDADE

οὐδεὶς γὰρ οὕτω ἀνόητός ἐστι ὅστις πόλεμον πρὸ εἰρήνης αἱρέεται· ἐν μὲν γὰρ τῇ οἱ παῖδες τοὺς πατέρας θάπτουσι, ἐν δὲ τῷ οἱ πατέρες τοὺς παῖδας ninguén é tan necio que escolla a guerra antes que a paz, pois se nesta son os fillos os que enterran aos seus pais, naquela son os pais os que enterran aos seus fillos Herodoto, Historia, I, 87, 4 Este ano catro equipos portarán o estandarte do IES Marco do Camballón: Os Ghraios, As Pitonisas, Os Troianos e Ollos de curuxa Que Atenea lles sexa favorable!

Concurso Odisea e Gran Festa Grega

Este ano participaron no Concurso Odisea 2015 catro equipos do Camballón:

OLLO DE SAURON (Laura, Brais e Sandra de 4º ESO)

BASILISCO (Marcos, Marina e Tania de 4º ESO)

CALIPSO (Tamara e Carla de 1º BACH)

e  ILUSSIA (Alba e Miriam de 1º BACH)

Foi unha semana de intenso traballo buscando respostas que ás veces se nos atragoaban...

pero aprendemos moito e pasamos ratos divertidos...

Tanto, que quixemos compartir esta experiencia con todo o alumnado e profesorado do centro, así que decidimos facer unha festa e aproveitar o día do preguntón para celebrar unha "bacanal" grecolatina na nosa biblioteca.
Meu dito, meu feito. Puxémonos mans á obra: deseñamos unhas invitacións e repartímolas polas aulas.

Decoramos a biblioteca con carteis

e unha grilanda de benvida para a que escollemos un verso de Virxilio que recolle o tema da Odisea deste ano:

"Omnia vincit Amor, et nos cedamus Amori"

Montamos unhas crachas con deseños de Carla Castro para agasallar as persoas que acudisen á cita:

Decoramos un muro na entrada con imaxes de Grecia e frases ou versos que nos gustaron de distintos autores e fixemos un photocall coa imaxe de Dióxenes o cínico e o can Lukániko.

Elaboramos algunha receita grega, galletas e madalenas decoradas con letras gregas, compramos unhas pizzas deliciosas, disfrazámonos de roman@s para facer de anfitrións e anfitrioas

E este foi o resultado de tanto traballo e entusiasmo:

Ademais, un dos equipos concursantes quedou entre os que acadaron a máxima puntuación e participará no desempate do vindeiro mércores.

Moita sorte Calipso!!!

E aquí tedes o Photocall Clásico do Camballón, a ver se vos atopades!!!

Photocall clásico no Camballón 1 on PhotoPeach



Photocall clásico no Camballón 2 on PhotoPeach

Photocall clásico no Camballón 3 on PhotoPeach

Paideia: a educación na Antigüidade

Aquí tedes uns apuntamentos sobre a Educación na Antigüidade para ir preparando o concurso.

Paideia

Publish at Calameo or read more publications.