Concurso de Escritura rápida

 Estes son os  textos seleccionados para o concurso de escritura rápida.

Escritura rápida

Read more publications on Calaméo

 

 

 Os premiados son:

- "Un lugar para perderse"- Nuria 4º ESO

- "Libro favorito"- Anxo 1º ESO

- "Que pasou despois"- Victoria 1º ESO

- "14 de marzo de 2020"- Vanessa 1º TAPSD

Día do Libro

 

 

Este ano no Marco do Camballón fixemos un concurso de escritura rápida para conmemorar o día do libro e o resultado foi sorprendente. Durante a semana pasada foronse propuxendo diversos temas sobre os que escribir: un lugar para perderse, o teu libro favorito, o que pasou despois e 14 de marzo do 2021.                                                                   O volume de producción foi moito e moi diverso polo que o xurado tivo que facer unha selección relatos por temática proposta.

Estes son algúns dos finalistas desta convocatoria, que hoxe tiveron unha xuntanza co equipo de biblioteca e recibir un pequeno agasallo.

Moitas grazas a todos por participar nesta inicitiva da biblioteca.

Programa sobre o autocoidado

 

 Hoxe tivo lugar un programa de Radio elaborado polo alumnado de 1º de ciclo medio
de APSD en colaboración coa súa profesora Montserrat Sanmartín tratando a temática do autocoidado.

Para escoitalo pincha aquí.

Visita de Cristina Gende e Consuelo Souto

Esta tarde tivemos a sorte de poder contar coa presenza de dúas poetisas do noso Concello para falarnos dos seus poemarios, algúns publicados ( exemplares que hai na nosa biblioteca) e outros a piques de saír a luz. Moitas grazas por compartir e deixar  aflorar tantas ideas e inquietudes.

 

Xornada de nutrición

 Hoxe estivo no centro unha ex- alumnada Uxía González que é nutricionista e falou co alumnado do centro sobre a importancia que ten levar unha alimentación saudable.

Enfermidade mental

Ao longo do mes de marzo o alumnado de distintos cursos e etapas (3º ESO, 4º ESO, 1º e 2º de FP Básica e 2º CM de Atención a Persoas en Situación de Dependencia), tiveron a oportunidade de conversar coa psicóloga da Asociación de Familiares e Enfermos Mentais - MOREA, de Lalín. Foron unhas sesións moi amenas nas que se achegou ao alumnado información sobre a enfermidade mental e os factores de risco e de protección ante a mesma, coa finalidade de dar a coñecer unha realidade moi común pero que sen embargo está moi estigmatizada socialmente. 

Deste xeito, transmitiuselle ao alumnado unha información fiable e verídica, promovendo a normalización da enfermidade mental e a concienciación sobre a importancia do coñecemento, comprensión, respecto e inclusión das persoas con enfermidade mental nos distintos ámbitos da vida.              A enfermidade mental pode, en definitiva, afectar a calquera ao longo da súa vida, en distintos graos e intensidades. É unha realidade que afecta á persoa que a padece pero tamén ao seu entorno, especialmente ao máis próximo (familia, amizades...), sendo fundamental saber identificala e aceptala, para poder atallala."