O CLUB DE LECTURA VAI DE EXCURSIÓN

O alumnado, profesorado, pais e nais que forman parte do Club de Lectura Cambaleón foron hoxe de visita a Biblioteca Ánxel Casal e a Cidade da Cultura

Pasalo ben!!

EL EXTRAÑO CASO DEL DR.JEKYLL Y MR. HYDE

É unha novela escrita por Robert Louis Stevenson e publicada por primeira vez en inglés en 1886, que trata acerca dun avogado, Gabriel John Utterson, que investiga a estraña relación entre o seu vello amigo, o Dr. Henry Jekyll, e o misántropo Edward Hyde.

DRAGAL. A HERDANZA DO DRAGÓN

Acaroado na fachada da igrexa de San Pedro, o dragón de pedra agarda que chegue o tempo no que Dragal recobre a vida. Hadrián aínda non o sabe, pero el é o elixido para conseguir que se cumpra a profecía. Mais, quen pode imaxinar que o vello templo medieval agocha as claves para atopar a senda do último dragón galego? Un antigo medallón de metal en estado vivo, herdanza do seu pai, será a chave que lle abrirá a Hadrián as portas para cumprir co seu destino. Para atopar respostas, o mozo tamén deberá buscar nos libros prohibidos da vella biblioteca do seu bisavó e mergullarse nos segredos que agochan as augas da Poza da Moura. Só grazas á amizade de Mónica, compañeira de clase no instituto, e coa complicidade de don Xurxo, o cura da parroquia, Hadrián poderá percorrer a senda que, os cabaleiros da Orde de Dragal deixaron aberta para el moitos séculos atrás.

JUEGO DE TRONOS

LA VIDA SECRETA

Quen foi Elena Diakonova, máis coñecida como Gala? Os seus escritos descóbrennos as claves dunha personalidade que ata agora pasara desapercibida. Aquí emociónanos cos recordos da súa infancia rusa e dun idilio que a marcou profundamente. Atopamos tamén a súa persoal visión do amor, dunha gran intensidade poética: «O máis esencial para min é o amor. É o eixo da miña vitalidade e do meu cerebro, o resorte que me lanza cara a adiante con axilidade...» A vida de Gala foi a súa obra mestra e a súa contribución á mirada de Dalí é incuestionable.

DIARIO DE UN VAMPIRO

Ser un vampiro non é fácil. E menos se tes 15 anos e a moza que che gusta pasa olímpicamente de ti, os teus pais che ridiculizan constantemente diante dos teus amigos e a túa irmá pequena é unha friki de moito coidado. E se encima estás condenado a ter a mesma idade durante o resto da eternidade, a cousa aínda se pon máis chunga...

VIAXE A LIMOGES

O alumnado do IES Marco do Camballón viaxan dende hoxe 13 e ata o próximo 16 de febreiro a LIMOGES para facer un intercambio co alumnado francés.

Bon voyage!!

EL ORO DEL GLADIADOR

Benvidos á Roma Imperial. Nas termas Fortuna, unha das 800 que existen na cidade, os clientes reúnense para rexoubar, facer negocios e relaxarse. Pero algo máis cócese alí: Didia e os seus amigos pronto descubrirán que a morte do gladiador Globulus nas areas do Coliseo esconde un perigoso segredo, e veranse envolvidos nunha emocionante cazaría polas rúas da antiga Roma. Unha novela de intriga e humor para pescudar todo o que sempre quixeches saber sobre os antigos romanos, pero nunca te atreviches a preguntar.

POR FAVOR CUIDA DE MAMÁ

Park So-nyo, unha humilde campesiña, foi durante toda a vida unha abnegada nai de familia, unha muller que sempre o sacrificou todo para dar unha educación aos seus fillos. Agora, tras perderse na estación central de Seúl cando ía visitar aos seus fillos á cidade, a súa procura desesperada convértese nun aceso eloxio dos lazos familiares cheo de emoción.

REACCIONA

Reacciona trata de clarificar e canalizar a pesadumbre dun sector crecente da sociedade española coa crise económica, política e social que estamos a vivir, coa crise do sistema. E varios factores están en xogo: a nosa estabilidade, o equilibrio global, unha xeración de mozas sen futuro e o futuro mesmo. Unha mestura singular de especialistas, un comité de sabios, entre os que destacan José Luís Sampedro ou Baltasar Garzón, que nos brinda dez respostas cunha idea común: a necesidade de tomar postura e actuar, de concienciarnos e espertar pois aínda hai esperanza, hai solucións. Unha cidadanía informada e responsable pode impedir os atropelos. Todos cun mesmo rumbo, cun obxectivo claro: defender a dignidade, a democracia e o ben común. Chegou o momento. O primeiro paso é reaccionar.

TEMBLOR

Cando o amor faiche tremer no outono é mellor que o inverno non chegue nunca: as primeiras nevadas poden arrebatarche a quen máis desexas.
Hai anos Grace estivo a piques de morrer devorada por unha manda de lobos. Inexplicablemente, un deles, un lobo de intensos ollos amarelos, salvouna. Desde entón todos os invernos Grace asómase ao bosque e, desde a distancia, lobo e moza obsérvanse.
Cando chega a calor, a manda desaparece e, con ela, ?o seu lobo?. Pero este ano, Grace desexará que o inverno non chegue e que o outono dure para sempre. Coñeceu a un mozo, chámase Sam. É un tipo normal, salvo polos seus ollos.
Son dunha estraña cor amarela.

GHOSTGIRL. EL REGRESO

A moza pantasma Charlotte Usher, a moza que se asfixiou cun osito de goma.

A historia comezou con esta moza que se MORRÍA por ser popular, e que estaba perdidamente namorada de Damen, o clásico mozo Guapo do instituto. Xusto cando a historia parece comezar a correr por canles moi comúns ocorre o que lle dá sentido á nosa lectura. Morre afogada por un Osito de goma.

MUERTE EN EL PRIORATO

Iker suspendeu a materia de Cultura Clásica e ten que estudar durante o verán, por tanto non poderá practicar montañismo en Huesca, coa súa cuadrilla, tal e como pensara.
Iker vai cos seus pais a unha casa rural chamada O Priorado, nunha zona tranquila da Rioxa; alí, aínda por riba de males, descobre entre os hóspedes ao señor Apraiz, o profesor que lle suspendeu. As pequenas vacacións preséntanse terribles para o mozo. Menos mal que pronto se fai moi amigo de Aleix e Sara, fillos de Maika e Pablo, os donos da casa
rural, e todo empeza a ser máis divertido, pois sospeitan que pode haber unha pantasma no faiado.
A estraña morte na casa rural dun dos seus hóspedes, dona Rosalía, converte aos mozos en investigadores de tan desagradable suceso. As fotos antigas de Lida, a avoa de Aleix e Sara e amiga de toda a vida de Rosalía, proporcionaranlles pistas respecto da personalidade da falecida e as súas relacións co profesor Apraiz e cos outros hóspedes aos que Iker considera sospeitosos: todos son amigos de mocidade que volven cada verán ao Priorado.
Ao final, despois de interpretar moitas pistas falsas, descóbrese que o cancro foi o auténtico «asasino» da anciá.
As vacacións terminan para Iker e hai que regresar a Vitoria. O mozo está decidido
a contar o que viviu. E disposto tamén a aprobar a materia que lle faltaba.

EXCURSIÓN A MADRID

O alumnado de 4º ESO, 1º e 2º BAC viaxan dende hoxe ata domingo a MADRID.

LA ISLA DEL POETA

Isa ten 19 anos e un desexo: coñecer ao poeta cuxos libros salvaron a súa vida na adolescencia, ver ao home cuxos versos a animaron a loitar cando estivo fronte á morte. Pero ese poeta, Isaac Estruch, leva vinte anos apartado do mundo, retirado nunha pequena illa das caribeñas augas de Cartaxena de Indias, en Colombia. Encerrado alí, sen querer ver a ninguén, Isaac é un ermitán con fama de irascible. A pesar de todo, Isa cruza o Atlántico e plántase fronte á súa cabana. Nunhas horas a súa vida cambiará porque atopará ante si o inesperado. A illa do poeta fala da renuncia ao éxito, da soidade, do amor á poesía e do que pode levar a un escritor a consagrarse con só tres libros e despois desaparecer. E tamén fala da perseveranza dunha nova disposta a loitar polo seu propio soño imposible. Nunha noite, os dous protagonistas desmenuzarán algo máis que unha historia persoal, e o seu diálogo converterase nun descenso ás profundidades das súas respectivas almas.

EL SILENCIO DEL ASESINO

Ernest Morrison leva unha vida tranquila, apracible e desafogada grazas á herdanza e a casa que herda da súa esposa, Mary Adams, desaparecida dez anos atrás. Un bo día, unha escavadora derruba accidentalmente dous belos salgueiros do seu xardín, deixando aos descuberto indicios que parecen apuntar a un asasinato e expondo unha intrigante trama, cuxa solución non se descobre até as últimas páxinas da obra.

LEONORA

Leonora estaba destinada a crecer como a rica herdeira dun magnate da industria téxtil, pero desde p equena soubo que era diferente, que a súa capacidade de ver o que outros non vían, convertíaa en especial. Desafiou as convencións sociais, aos seus pais e mestres, e rompeu calquera atadura relixiosa ou ideolóxica para conquistar o seu dereito a ser unha muller libre, persoal e artisticamente. Leonora Carrington é hoxe unha lenda, a máis importante pintora surrealista, e a súa fascinante vida, o material do que se nutren os nosos soños. Leonora viviu a máis turbulenta historia de amor co pintor Max Ernst. Con el mergullouse no bulebule do surrealismo, e relacionouse en París con Salvador Dalí, Marcel Duchamp, Joan Miró, André Breton ou Pablo Picasso; por Max toleou cando foi enviado a un campo de concentración.

A Leonora confinoulla nun manicomio de Santander, do que escapou para conquistar Nova York da man de Peggy Guggenheim. Instalouse en México e alí culminou unha das obras artísticas e literarias máis singulares e xeniais. Non é a primeira vez que Elena Poniatowska retrata como ninguén a unha muller excepcional. A incrible vida de Leonora Carrington é, nas súas mans, unha aventura apaixonante, un berro de liberdade e unha elegante aproximación ás vangardas históricas da primeira